सोपी, स्वस्त व केव्हाही करता येणारी पाव भाजी

पाव भाजी म्हटले कि ब-याच भाज्या वगैरे तयारी लागते, पण अगदी कमी साहित्यातही हि करता येते, पटकन होते व चांगलीसुध्दा लागते. साहित्यः ३ ते ४ कांदे, ३ ते ४ टॉमॅटो, २ ते ३ बटाटे, २ टे.स्पू. पा.भा.मसाला, मस्का किंवा गोडे तेल, २ टे.स्पू. बॅडगी मिरचीचे लाल तिखट, मीठ चवीनुसार, आले मिरची पेस्ट (नसली तरी अडत नाही). कृती: प्रथम पॅनवर मस्का किंवा तेल तापवून त्यात बारीक चिरलेला कांदा परतावा, असल्यास आले मिरची पेस्ट घालावी बारीक चिरलेला टॉमॅटो वर घाला, एका भांड्यात पा.भा.मसाला + बॅडगी मिरचीचे लाल तिखट + मीठ पाणी घालून कालवावे व ते मीस्रण वरील भाजीत मिक्स करुन घोटावे नंतर उकडलेले बटाटे बारीक कुस्करुन घालावेत चांगले मिक्स करावे. आवश्यकतेनुसार पाणी घालून ढवळा. भाजी तयार. असल्यास कोथींबीर पेरावी. पाव, पोळी किंवा भाकरी बरोबर चांगली लागते. १० ते १५ मिनीटात तयार होते, सारे साहित्य घरात असतेच.