अंबाडीची भाजी व कानोले:

पाककृतीचे नाव वाचून वेगळं काहीतरी मिळणार अशी खात्री झाली आणि आनंद झाला. वाचताना मात्र नक्कीच खूप त्रोटक वाटलं. कानोले तर अक्षरशः गुंडाळले आहेत असं वाटलं ज्यांना ते कानोले काय असतात हेच माहीत नाही त्यांना लहान पोळी बनवून उकडायची /वाफवायची असा काहीतरी अर्धवट अर्थ लागत आहे. पोळी कशी उकडायची?
कानवले म्हणून कायस्थी हॉटेलात जे खाल्लं आहे ते स्टफ्ड करंजी टाईप होतं आणि टेस्टदार होतं. नुसती उकडलेली कणकेची पुरी नव्हती वाटत.

हे दोन्ही पदार्थ एकमेकांसोबत खातात का? की एकाच दिवशी बनवतात इतकाच संबंध?

छायाचित्रांनी आणखी छान वाटेल.

फोटू व आणखी वर्णन असते तर मजा आली असती.

'कानवले म्हणून कायस्थी हॉटेलात जे खाल्लं आहे ते स्टफ्ड करंजी टाईप होतं आणि टेस्टदार होतं. नुसती उकडलेली कणकेची पुरी नव्हती वाटत.'

कानोले म्हणजे उकडलेल्या पोळ्याच करते मी.हि खूप साधी पाकृ आहे आपण ह्यात अजून बदल करू शकता.
आपण मोदक जसे वाफवतो तसेच छोट्या पोळ्या करून वाफवायच्या.
आणि होय, हे दोन पदार्थ एकमेकांसोबत खातात. :):)

फोटो कसे टाकतात याची माहिती नसल्यामुळे सध्या लिंक देत आहे.
https://picasaweb.google.com/114036770305675218857/MazeKhadyachePrayog?…

करुन बघते. एकदोनदा आंबाडीची भाजी केली होती पण जमली नव्हती असं मला वाटतं. तुमची कृती करुन बघते जमतेय का.
कनोले करताना दोन पोळ्यांमधे काही घालुन मग उकडायचं का? मोदकासारखं? असेल तर काय घालायचं? जरा विस्त्रुत लिहत चला.

नाही. मध्ये कोणतेही सारण मी घालत नाही. माझ्या माहितीप्रमाणे ह्यात काहीतरी गोडाचे सारण घालतात पण भाजी तिखट असल्यामुळे मी साधेच करते. बाय द वे फोटो दिसतायेत का ?

माझ्या सासरी नागपंचमीला अश्या पोळ्या करतात व वाफेवर शिजवतात त्याला आम्ही पानोळे असे म्हणतो. ते त्यादिवशी तांदळाच्या खीरीबरोबर खायला देतात.

गरमच चांगल्या लागतात.

ओल्या नारळाच्या करंज्यांना आम्ही कानवले असे म्हणतो.

https://picasaweb.google.com/114036770305675218857/MazeKhadyachePrayog?…

आले आले फोटो आले. बग्ज बन्नी वाले कानोले अंबाडीची भाजी घेऊन आले. :-)
धन्यवाद.

अंबाडीची भाजी मला फार आवडते. बर्‍याच वर्षांपासून खायला नाही मिळाली पण तुमच्यामूळे बघायला तर मिळाली.
अनेक धन्यवाद!
सादरीकरण छानच!!

आवडले. कानोले हा नवाच प्रकार ऐकला.

नक्की करून पहा नाहीतर सरळ खायलाच या.:)अगदी अर्ध्या तासात मेनू होऊन जातो. झटपट आणि मस्त.
(ता.क.: ज्वारीच्या कण्याच छान लागतात ह्यात तांदळाऐवजी.)

कानोले म्हटल्यावर करंजीसारखं (साटं लावून केलेल्या)काही असेल म्हणून उत्साहाने धागा उघडला होता, असो.

पाककृती चान चान आहे...पण आंम्हाला अजुन एक *स्मायली मिळाल्याचा आणंद झाला .. ;-)

*शेवटचा फोटू :-p

अरेच्च्या! मेरेकोईच नै दिखरेला! गणेशाज्वर झाला की काय? ;)

कानोले वाचून धागा उघडल्यावर फसगत झाली.

शेवटचा फोटो लय भारी.

हे काँबिनेशन वाचूनच दचकलो होतो!
पण कानोले म्हणून दिलेला पदार्थ कानवले / कानोले नाही हे बघून हायसं वाटलं :)
>> कानवले चांद्रसेनीय कायस्थ प्रभूंकडे करतात त्या पापुद्रेदार, गुलाबी रंगावर वेळ देऊन तळलेल्या गोडाच्या करंज्या असतात.
धन्स चित्रा :)

बाकी अंबाडीची भाजी आणि दुसरा पदार्थ हे काँबिनेशन म्हणून चांगले असेलही पण प्लीज.... त्या पदार्थाला कानोले म्हणू नका हो!!!!! पूरणपोळीमधे पूरण घातलंच नाही तर होणार्‍या पदार्थाला पूरणपोळी म्हणावं का? :)

अम्बाडीची भाजी आम्हीही अशीच करतो फक्त कोकणात ज्वारीच्या कण्या नाही तर तान्दुळाच्या कण्या{तान्दुळाची जाड भरड} घालतात.आणि वाढताना भाजीवर तेलाची धार सोडतात.कळणाची भाकरी आणि अम्बाडीची भाजी वरती तेलाची धार असा बेत असतो.अहाहा! तोन्डाला पाणी सुटले.
एकनाथ महाराजान्चे प्रसिद्ध भारुड आहे,नुसतीच अम्बाडीची भाजी आनि कळणाची भाकर;वर तेलाची धारच नाही,दादला नको ग बाई;मला नवरा नको ग बाई! प्रल्हाद शिन्दे हे भारुड सुन्दर गात रेडिओवर नेहेमी लागते.

छान पाक कृती.
ज्वारीच्या कण्याऐवजी वाळलेल्या हुरड्याच्या कण्या वापरून अधिक चव लागेल.