विखुरलेला चंद्र - ३

विखुरलेला चंद्र - १ विखुरलेला चंद्र - २ त्या रात्री चंद्रही जरा उशीराच उठला शिकार्‍यात तुझ्या समोर बसून मोहवणार्‍या धुक्यातून फिरतांना जणू आरश्यासमोर बसलो होतो ----- हे विधिलिखित कां योगायोग? ----- तुझ्या त्या डायरीतून तू एक एक दु:खपान वाचतही होतीस फाडतही होतीस माझ्या डोळ्यातून चार थेंब ओघळले अगदी ठरल्यासारखे, ठरविल्यासारखे.. ------ काळाने एका विचित्र वळणावर आणून दगा दिला शिकार्‍याचे वल्हे पाण्यात छोटुल्या लाटा पसरवत होते आणि सरणारा काळ हृदयात घण घण वाजत होता अगदी ठरल्यासारखे, ठरविल्यासारखे.. ------ पाण्यावर दूरवर पानेच पाने तरंगत होती घरंगळत ती पाने त्या पाण्यातल्या चंद्रावर जाऊन आदळली... आणि खळ्ळकन आवाज झाला ------ हे ही विधिलिखित कां योगायोग? ------ मी इतकचं म्ह्टलं, तेवढे चांद्रकण घेऊन जा त्या विखुरलेल्या चंद्राची आठवण म्हणून... |- मिसळलेला काव्यप्रेमी -| (२९/१२/२०१२)