सखे ...

प — प्रसाद गोडबोले,
वळणांवळणांवरती सखे तव आठवणींची भरती सखे कसे विस्मरू सांग तुला मी हे श्वास श्वास तुज स्मरती सखे | पाऊस हा घनगर्द सखे अन् तुझ्या मिठीचा गंध सखे कसा सुटावा असा रेशमी तव बाहुंचा बंध सखे रक्तवर्णित तव लज्जित चर्या श्वासा श्वासांवरि भीति सखे अनामिकशा त्या ओढीने रोमांचित तव कांती सखे चिंब चिंब ही तुझी कुंतले चेहर्‍यावरी मम रुळती सखे थेंब थेंब हा तुला स्पर्षता न कळत होई मोती सखे थरथरत्या तव अधरांची मग पडे घट्ट ती मिठी सखे असे गुंतलो एकामेकीं जणु जन्मांतरीची भेटी सखे श्रावणातल्या सायंकाळी मला गवसले मीच सखे विरुन गेले तुझ्यात अलगद सायुज्यता का हीच सखे ही भोगाची उर्मी म्हणु की तल्लीनतेची समाधी सखे की त्याच्याही पलकडली, मी राधा , तु घनश्याम सखे ------------------------------------------ नाहीस जरी तू इथे सोबती नाहीस जरी तू माझी सखे माझे माझे कशा म्हणु मी माझी "मी" च तुझी सखे !!
7707 वाचन
💬 प्रतिसाद (29)
म
मिसळलेला काव्यप्रेमी Fri, 01/18/2013 - 14:28 नवीन
अप्रतिम रचना... ___/\___
श
शैलेन्द्र Fri, 01/18/2013 - 14:56 नवीन
कविता छानच आहे पण,
थरथरत्या तव अधरांची मग पडे घट्ट ती मिठी सखे असे गुंतलो एकामेकीं जणु जन्मांतरीची भेटी सखे श्रावणातल्या सायंकाळी मला गवसले मीच सखे विरुन गेले तुझ्यात अलगद सायुज्यता का हीच सखे
या ओळींचा कीस पडणार बघा..
ध
धन्या Fri, 01/18/2013 - 15:01 नवीन
मी राधा , तु घनश्याम सखे माझी "मी" च तुझी सखे !!
या ओळींवरुन भलतंच प्रकरण वाटतंय. :)
↩ प्रतिसाद: शैलेन्द्र
श
शैलेन्द्र Fri, 01/18/2013 - 15:06 नवीन
मला गवसले मीच सखे विरुन गेले तुझ्यात अलगद
↩ प्रतिसाद: धन्या
अ
अत्रुप्त आत्मा Sun, 01/20/2013 - 14:18 नवीन
या ओळींवरुन भलतंच प्रकरण वाटतंय. __/\____/\____/\____/\____/\__
↩ प्रतिसाद: धन्या
द
दादा कोंडके Sun, 01/20/2013 - 14:29 नवीन
आरारारा... कलीयुग आलं हो कलीयुग! :)
↩ प्रतिसाद: धन्या
क
कवितानागेश Sun, 01/20/2013 - 14:31 नवीन
सुंदर रचना.
स
संजय क्षीरसागर Sun, 01/20/2013 - 19:59 नवीन
सखा सखीला म्हणतोय अशी सुरूवात आहे (१ ते ५ कडवी) मग सखी सखीला म्हणतीये (६ आणि ७) पण अंडरलाईन नंतर फुल बाऊंसर आहे. मिका बहुदा सांगू शकेल
प
प्रसाद गोडबोले Mon, 01/21/2013 - 08:00 नवीन
सखा सखीला म्हणतोय अशी सुरूवात आहे (१ ते ५ कडवी) >> हे नक्की कोणत्या कडव्यात जाणवलय ? काही गैरसम होत असल्यास क्षमस्व ! कविता पहिल्या पासुन शेवट पर्यंत एक सखी दुसर्‍या सखीला म्हणत आहे :)
↩ प्रतिसाद: संजय क्षीरसागर
स
संजय क्षीरसागर Mon, 01/21/2013 - 09:17 नवीन
पाऊस हा घनगर्द सखे अन् तुझ्या मिठीचा गंध सखे कसा सुटावा असा रेशमी तव बाहुंचा बंध सखे
आणि
थरथरत्या तव अधरांची मग पडे घट्ट ती मिठी सखे असे गुंतलो एकामेकीं जणु जन्मांतरीची भेटी सखे
हे नॉर्मली `सखा आणि सखीत होतं' असा समज आहे
↩ प्रतिसाद: प्रसाद गोडबोले
ध
धन्या Mon, 01/21/2013 - 20:09 नवीन
हे नॉर्मली `सखा आणि सखीत होतं' असा समज आहे
तुम्हाला नॉर्मलीच्या ऐवजी जनरली असं म्हणायचं आहे का? कारण जे काही होतं ते अ‍ॅबनॉर्मल नसतं असं म्हणतात. ;)
↩ प्रतिसाद: संजय क्षीरसागर
स
संजय क्षीरसागर Tue, 01/22/2013 - 06:52 नवीन
हे एकाच अर्थाचे दोन शब्द आहेत
↩ प्रतिसाद: धन्या
क
कवितानागेश Tue, 01/22/2013 - 08:20 नवीन
general: involving, relating to, or applicable to every member of a class, kind, or group Normal: Normal is also used to describe when someone's behaviour conforms to the most common behaviour in society (known as conforming to the norm). Definitions of normality vary by person, time, place, and situation – it changes along with changing societal standards and norms.
↩ प्रतिसाद: संजय क्षीरसागर
म
मनीषा Mon, 01/21/2013 - 06:00 नवीन
कविता सुरेख आहे.. परंतु पाचव्या कडव्यानंतर तिने वेगळेच वळण घेतले आहे. कवयित्रीला तसेच अभिप्रेत असेल तर ही भलतीच 'नव*' कविता आहे. * - पचण्यास अंम्मळ कठिण =)
व
व्हिआदेश Mon, 01/21/2013 - 07:37 नवीन
सुंदर
प
प्रसाद गोडबोले Mon, 01/21/2013 - 08:03 नवीन
पचण्यास अंम्मळ कठिण >> ह्म्म ... कल्पना होती ह्या बद्दल .... पण ओरियंटेशन ने प्रेमाला फरक पडत नसावा माझ्या मते ...प्रेम प्रेम असतं ...कोणी का करत असेना ! असो. अवांतर :हा सखीचा स्वयं संवाद आहे असाही अर्थ लावता येईल ...पचण्यास सोप्पा :) सर्व प्रतिसादकांचे आभार !
श
शैलेन्द्र Mon, 01/21/2013 - 09:10 नवीन
ह्म्म ... कल्पना होती ह्या बद्दल .... पण ओरियंटेशन ने प्रेमाला फरक पडत नसावा माझ्या मते ...प्रेम प्रेम असतं ...कोणी का करत असेना !
तुम्ही मुद्दामच तस लिहील असेल तर ठीकच आहे.. कविता छान आहे, बाकी गोष्टींना पास्स !!
↩ प्रतिसाद: प्रसाद गोडबोले
स
संजय क्षीरसागर Mon, 01/21/2013 - 09:28 नवीन
नाही हो फार फरक पडतो!
अवांतर :हा सखीचा स्वयं संवाद आहे असाही अर्थ लावता येईल
तुम्ही असं अधांतरी ठेवू नका. एकदा का लोक अर्थ लावायला लागले की काही खरं नाही!
↩ प्रतिसाद: प्रसाद गोडबोले
ध
धन्या Mon, 01/21/2013 - 20:16 नवीन
हा सखीचा स्वयं संवाद आहे असाही अर्थ लावता येईल
आधी आपल्याला हवा तो अर्थ समोर ठेवून लिहायचं आणि कुणी चौकशा केल्या की "असाही अर्थ लावता येईल" म्हणायचं. :) बाकी मराठीतील ही बहुधा पहिली "ती"न सात सात कविता असावी.
↩ प्रतिसाद: प्रसाद गोडबोले
प
प्रसाद गोडबोले Tue, 01/22/2013 - 06:44 नवीन
पहिली "ती"न सात सात कविता म्हणजे काय ?
↩ प्रतिसाद: धन्या
म
मनीषा Mon, 01/21/2013 - 08:16 नवीन
:हा सखीचा स्वयं संवाद आहे असाही अर्थ लावता येईल ...पचण्यास सोप्पा
नाही हो, तसा अर्थ लावता येत नाहीये.
न
नाना चेंगट Mon, 01/21/2013 - 08:20 नवीन
माय नेम इज शीला गाणे आठवले
अ
अनिल तापकीर Mon, 01/21/2013 - 10:53 नवीन
छान आहे आवडली
ज
जेनी... Mon, 01/21/2013 - 18:28 नवीन
आधी प्रतिसाद वाचुन मग कविता वाचल्यावर अप्रतिम वाटली . किपिटप .
श
शैलेन्द्र Tue, 01/22/2013 - 07:04 नवीन
कविता वाचनाची ही पद्धत आवडली, आम्ही मराठीच्या पेपराला कवितेखालचे उतार्‍याखालचे प्रश्न असेच सोडवायचो..
↩ प्रतिसाद: जेनी...
स
संजय क्षीरसागर Tue, 01/22/2013 - 07:47 नवीन
किपिटप . कविता वाचल्यावर अप्रतिम वाटली. ....आधी प्रतिसाद वाचुन मग!!!
↩ प्रतिसाद: शैलेन्द्र
इ
इन्दुसुता Mon, 01/21/2013 - 20:00 नवीन
कविता आवडली. गिरिजा स्वत: म्हणतातच, मलाही कुठेच सखा आणि सखी या दोघांमधील संवाद वाटला नाही.
हा सखीचा स्वयं संवाद आहे >> असेच मला वाटले, पण दोन सख्यांमधील संवाद देखील पूर्ण पटण्यासारखा आहे.
क
किसन शिंदे Tue, 01/22/2013 - 08:13 नवीन
अप्रतिम लिहलंय!
अ
अहिरावण Sat, 08/26/2023 - 16:14 नवीन
मस्त कविता !