अनुनय

अ — अज्ञातकुल,
असतात रंग ढंगहि वेडे झरतात छटा रत रुधिराच्या हृदयात बंदिशी अनोळखी डोळ्यांकाठी रति भावुकशा खल मदन उरी रण रिपुकांचे ओठांवरती नित शब्द मुका काया माया बहु काटेरी ओढाळ मती अस्वस्थ सखा चंद्रास न कळते झिजलेले पाण्यास व्यथा परि आकळते फेसाळ शिरी कल्लोळे जळ एकांत कुंद साहतो कळा सारेच कसे हे अवरोही तळ नितळ सकळ ढवळे गात्री आभाळ दूर दूरच सरके मग श्वास फिरे नत माघारी डोहात बंद अगणित रात्री गंधर्व क्षणांच्या गंध कुपी अस्पर्शधुंद हा ओलावा अनुनय समिधांचा मापारी ........................अज्ञात
2760 वाचन
💬 प्रतिसाद (13)
स
स्पंदना Fri, 01/25/2013 - 07:28 नवीन
अनुनय समिधांचा मापारी
म्हणजे काय? अनुनय कळलं, समिधाही कळल्या, एकुण वरवर कवितेच्या संदर्भाने सारी कविता उमजली पण, मापारी?
अ
अज्ञातकुल Fri, 01/25/2013 - 08:13 नवीन
मापारी म्हणजे मोजमाप करणारा. अनुनयाच्या समिधांचं मोजमाप करणारा.
↩ प्रतिसाद: स्पंदना
स
स्पंदना Fri, 01/25/2013 - 09:38 नवीन
वाटलच होतं. पण आम्ही मापाड्या हा शब्द जाणतो, म्हणुनच जरा खात्री करु घेतली. धन्यु!
↩ प्रतिसाद: अज्ञातकुल
श
शुचि Fri, 01/25/2013 - 15:40 नवीन
काहीतरी तरल आहे हे जाणवले.
अ
अज्ञातकुल Mon, 01/28/2013 - 05:55 नवीन
धन्यवाद :-)
↩ प्रतिसाद: शुचि
इ
इन्दुसुता Sat, 01/26/2013 - 20:20 नवीन
ओढाळ मती अस्वस्थ सखा
अनुभव आहे.. जीवघेणा... कविता आवडली
अ
अज्ञातकुल Mon, 01/28/2013 - 05:54 नवीन
अनुभव आहे.. जीवघेणा.. इथे मला समाधान मिळालं. कविता पोहोचल्याचा आनंद मिळाला. आभारी आहे मनापासून. :-)
↩ प्रतिसाद: इन्दुसुता
प
प्रा.डॉ.दिलीप बिरुटे Mon, 01/28/2013 - 06:24 नवीन
कविता आवडली. चंद्रास न कळते झिजलेले पासूनच्या पुढील ओळी खासच. -दिलीप बिरुटे
अ
अज्ञातकुल Tue, 01/29/2013 - 07:42 नवीन
धन्यवाद बिरुटे सर :-)
↩ प्रतिसाद: प्रा.डॉ.दिलीप बिरुटे
म
मिसळलेला काव्यप्रेमी Tue, 01/29/2013 - 08:01 नवीन
आपल्या कल्पनाविस्तारास __/\__ अतिशय आशयगर्भ आहे रचना...
अ
अज्ञातकुल Tue, 01/29/2013 - 10:05 नवीन
मिका, आपल्या प्रतिसाद सातत्याबद्दल मी कृतज्ञ आहे. तसा प्रतिसाद इतरांना देण्यात मी कमी पडतो याबद्दल दिलगीर पण आहे. अनेकांचा गैरसमजही होत असेल त्यामुळे. आपला असाच लोभ असू द्यावा. मला वेळ काढायलाच हवा आता. :-)
स
सांजसंध्या Wed, 01/30/2013 - 10:19 नवीन
प्रत्येक कडव्यातून वेगवेगळ्या प्रतिमांमधून चित्रदर्शी दिसला. अनुनय एका कडव्यात जाणवला.. इतर कडव्यात शोधतेय अजून.. (काही ठिकाणी शब्दरचना बोजड वाटली)
फ
फिझा Tue, 03/05/2013 - 00:07 नवीन
छान आहे कविता ......