ती खोली

म — मिसळलेला काव्यप्रेमी,
माजघराच्या डाव्या बाजूची ती खोली बंदच असते आजकाल खूप वर्ष झाली त्या खोलीत डोकावून ------- त्या खोलीत एक टोपली आहे जुन्या खेळण्यांनी भरलेली डालडाच्या मोठ्ठ्याश्या डब्यात काठोकाठ भरलेल्या गोट्या आहेत मी जिंकून आणलेल्या फक्त त्यांचे रंग धुसर झाले आहेत आता आरपार रंगीत जग दिसायचे तसे दिसत नाही आताशा ------- बरीच धूळ जमलीये त्या टोपलीवर धुळीखाली ते गर्द निळ्या रंगाचे विमान आहे खर तर एक पंख तुटलाय त्याचा पण जरा जोरात धक्का दिला तर खुरडत खुरडत चालते कधी कधी ------- एक माकडही आहे चावी दिल्यावर इवलासा ढोल वाजवणारे आताही चावी दिल्यावर हातातल्या इटुकल्या काड्या वरखाली करते पण आता काड्यांखालचा तो ढोल तेवढा निखळून पडलाय ------- खरंच खुप वर्ष झाली त्या खोलीत डोकावून ------ त्या टोपलीत कायम हसणारा एक बाहुला होता गोंडस, निरागस...गोबर्‍या गालांचा आडवं केलं की शहाण्या बाळासारखा झोपणारा आणि बसवलं की निळे डोळे मिचकावून पुन्हा हसणारा कुठे गेला कुणास ठाऊक.... बरेच दिवस शोधतोय ------- खरंच खुप वर्ष झाली त्या खोलीत डोकावून ।- मिसळलेला काव्यप्रेमी -| (२९/०१/२०१३)
23534 वाचन
💬 प्रतिसाद (55)
स
संजय क्षीरसागर Tue, 01/29/2013 - 09:06 नवीन
कमाल केली आहेस.
स
स्पा Tue, 01/29/2013 - 09:09 नवीन
चायला .......
ध
धमाल मुलगा Tue, 01/29/2013 - 09:55 नवीन
झक मारली अन् कविता वाचली! खाली गवि म्हणतात त्याबाबत १०१% सहमत.
↩ प्रतिसाद: स्पा
इ
इनिगोय Tue, 01/29/2013 - 09:34 नवीन
सुरेख, आठवणींना लाभलेली 'खोली' आवडली :)
ग
गवि Tue, 01/29/2013 - 09:42 नवीन
आई ग्ग... मिका.. तू कविता लिहू नको बाबा. कविता लिहायला घेतलीस की चरचरवणारं, आतून हलवणारं काहीतरी लिहीतोस. तुझ्या कवितांची ती अशक्य हुरहूर नकोच.. तू किरकोळ "सेफ" टाईप लिखाण करत जा बाबा.. साधं ललित, चित्रपट परीक्षण, पाककृती, विनोदी, प्रेमकथा असे आणि कितीक प्रकार पडलेत.
प
प्रसाद गोडबोले Tue, 01/29/2013 - 11:08 नवीन
+१
↩ प्रतिसाद: गवि
च
चाणक्य Tue, 01/29/2013 - 11:13 नवीन
+१
↩ प्रतिसाद: गवि
अ
अक्षया Tue, 01/29/2013 - 09:45 नवीन
+ १
य
यशोधरा Tue, 01/29/2013 - 09:50 नवीन
मस्त.
अ
अज्ञातकुल Tue, 01/29/2013 - 10:07 नवीन
:-) मनापासून आवडली.
उ
उपटसुंभ Tue, 01/29/2013 - 10:35 नवीन
वा..!
स
सस्नेह Tue, 01/29/2013 - 10:54 नवीन
'रम्य' बालपणाच्या आठवणीत रमण्याच्या कल्पनेला सुरुंग लावलात..
प
प्रसाद गोडबोले Tue, 01/29/2013 - 11:09 नवीन
मनातली खूप खोलवरची तार छेडलीत मिकाराव ! अप्रतिम कविता !!
५
५० फक्त Tue, 01/29/2013 - 11:21 नवीन
हल्ली मलाच नव्हे तर सग़ळ्यांनाच बालपण फार आठवायला लागलंय,
त
तर्री Tue, 01/29/2013 - 11:42 नवीन
त्या टोपलीत कायम हसणारा एक बाहुला होता गोंडस, निरागस...गोबर्‍या गालांचा आडवं केलं की शहाण्या बाळासारखा झोपणारा आणि बसवलं की निळे डोळे मिचकावून पुन्हा हसणारा कुठे गेला कुणास ठाऊक.... बरेच दिवस शोधतोय अंगावर काटा आणि भयानक अस्वस्थ करणारा अनुभव.
अ
अग्निकोल्हा Tue, 01/29/2013 - 18:35 नवीन
अंगावर काटा आणि भयानक अस्वस्थ करणारा अनुभव.
अगदी शब्दशः तिव्र सहमत.. किती सहज वाक्ये... अन्...
↩ प्रतिसाद: तर्री
स
सखी Fri, 02/01/2013 - 18:28 नवीन
कविता खुपच आवडली. गवि आणि इतर काही़जणांशी असहमत होऊन लिहीत रहा असे म्हणावेसे वाटते.
↩ प्रतिसाद: अग्निकोल्हा
प
पैसा Sat, 02/02/2013 - 15:42 नवीन
पूर्ण सहमत.
↩ प्रतिसाद: अग्निकोल्हा
श
शैलेन्द्र Tue, 01/29/2013 - 12:41 नवीन
खरच होती रे अशी एक खोली.. खरच होती :(
प
प्रभाकर पेठकर Tue, 01/29/2013 - 12:58 नवीन
खूपच अर्थगर्भ कविता. विचार केला की जाणवतं प्रत्येकाच्या आयुष्यात अशीच एखादी 'खोली' असते. त्यात कमीजास्त खेळणी असतात आणि त्या खेळण्यांना बिलगलेल्या अस्वस्थ आठवणी. आज, सर्व महत्त्वाची कामे बाजूला सारून आठवणीतल्या ह्या सर्व खेळण्यांशी हळूवार खेळत बसावे असे वाटते आहे.
स
सानिकास्वप्निल Tue, 01/29/2013 - 13:56 नवीन
सहमत
↩ प्रतिसाद: प्रभाकर पेठकर
त
तिमा Tue, 01/29/2013 - 15:27 नवीन
काय अवस्था करता मिकाराव तुम्ही आमची! भरुन आलं वाचताना!
J
jaypal Tue, 01/29/2013 - 16:58 नवीन
मुजरा स्विकराव. प्रत्येकाचे एक खोली आणि आपापली खेळणी असतात. तशीच माझी पण आहे. आधुन मधुन धुळ झटकतो. मनसोक्त खेळतो आणि परत ठेवतो. पुन्हा धुळ बसण्यासाठी... कविता खुप आवडली माझ्या ईतर मित्रांबरोबर शेअर करण्या साठी परवानगी हवी आहे. फक्त आपले नाव व्यनी करा म्हणजे सोपे होईल. Image removed.
क
क्रान्ति Tue, 01/29/2013 - 17:15 नवीन
मनात पार खोलवर उतरली कविता. गेला ओसरुनी प्रकाश सगळा, हो म्लान ताजेपणा आता शोधुनही न भेटति पुन्हा त्या शैशवीच्या खुणा या शांताबाईंच्या ओळी आठवल्या.
क
किसन शिंदे Tue, 01/29/2013 - 18:56 नवीन
वाह!! _/\_ मिका, काय लिहिता राव तूम्ही....स्पीचलेस!!
अ
अत्रुप्त आत्मा Tue, 01/29/2013 - 19:26 नवीन
और क्या बोलेगा? +1 टू किसन द्येव
↩ प्रतिसाद: किसन शिंदे
स
सुहास झेले Tue, 02/05/2013 - 11:11 नवीन
अतृप्त आत्मा ;-)
↩ प्रतिसाद: अत्रुप्त आत्मा
ध
धन्या Tue, 01/29/2013 - 19:01 नवीन
शेवट मनाला भिडणारा. प्रत्येकाला अशी जाणिव कधी ना कधी होतेच.
क
कवितानागेश Tue, 01/29/2013 - 20:04 नवीन
:(
आ
आनन्दिता Tue, 01/29/2013 - 20:57 नवीन
अतिशय सुंदर!!
इ
इन्दुसुता Wed, 01/30/2013 - 03:43 नवीन
आज, सर्व महत्त्वाची कामे बाजूला सारून आठवणीतल्या ह्या सर्व खेळण्यांशी हळूवार खेळत बसावे असे वाटते आहे. पण खेळता येत नाही म्हणूनच अतिशय अस्वस्थ वाटते. कविता आतवर हलवून गेली.
म
मदनबाण Wed, 01/30/2013 - 05:24 नवीन
वा !
ज
ज्ञानोबाचे पैजार Wed, 01/30/2013 - 06:07 नवीन
मि.का. ची कविता म्हटल्यावर उघडुन वाचायचे टाळत होतो. पण आज शेवटी रहावलच नाही आणि जे अपेक्षीत होते तेच झाले. नकोरे असले काहीतरी लिहूस, ओरखाडे काढणार. पैजारबुवा,
फ
फिझा Wed, 01/30/2013 - 06:37 नवीन
़कAAA y बोलवे .....नकोच्,,,काहि
ज
जेनी... Wed, 01/30/2013 - 14:38 नवीन
मिका तुमच्या खोलीतली खेळणी आवडली .
द
दत्ता काळे Fri, 02/01/2013 - 14:31 नवीन
कविता आवडली.
म
मराठे Fri, 02/01/2013 - 18:37 नवीन
वा:
च
चित्रगुप्त Fri, 02/01/2013 - 19:50 नवीन
आत्ता ही कविता वाचताना समोरच "कायम हसणारा, गोंडस, निरागस...गोबर्‍या गालांचा बाहुला" खेळतोय, आणि उद्या त्याला सोडून दूरच्या मायदेशी जायचंय.... रडवलंत मिका. Image removed.
म
मिसळलेला काव्यप्रेमी Sat, 02/02/2013 - 05:33 नवीन
क्षमस्व! :(
↩ प्रतिसाद: चित्रगुप्त
स
स्पंदना Sat, 02/02/2013 - 03:54 नवीन
लिहीते रहा मिका.
न
नक्शत्त्रा Mon, 02/04/2013 - 05:50 नवीन
किवता मनापासून आवडली.बालपण जगवणारी आिण जागवणारी ...
न
नगरीनिरंजन Mon, 02/04/2013 - 06:22 नवीन
क्लास! रिग्रेशन मस्त टिपलंय!
स
सुहास.. Mon, 02/04/2013 - 08:33 नवीन
लईच सेन्टी मारलाय रे :)
ग
गणेशा Tue, 02/05/2013 - 08:07 नवीन
बर्याच दिवसानी येथे आलो.. कविता वाचली .. तुझ्या शब्दांमार्फत कधी तुझ्या कवितेतुन मी माझ्या गावात .. माझ्या जुन्या घरात गेलो कळलेच नाही ... निरागस आठवणीनी सुद्धा आजकाल खुप जखमा होतात ..
द
दादा कोंडके Tue, 02/05/2013 - 11:26 नवीन
मस्त कविता!
च
चाणक्य Tue, 02/05/2013 - 16:13 नवीन
मिका, निव्वळ अप्रतिम...थेट काळजाला हात घालतोस तु
आ
आगाऊ म्हादया...... Mon, 04/01/2013 - 12:13 नवीन
आज इतक्या वर्षांनी पुन्हा त्या खेळण्यांची आठवण आली ...आहेत अजून माझ्याकडे ...जपून ठेवलेली.... खेळेन म्हणतो परत...बालपण सापडेल कदाचित...धूळ असेल तर पुसेन त्यावरची... खूप मस्त..
प
प्रीत-मोहर Tue, 04/30/2013 - 15:36 नवीन
:(
प
प्रा.डॉ.दिलीप बिरुटे Tue, 04/30/2013 - 16:12 नवीन
व्वा. कविता आवडली. शेवटच्या ओळी क्या कहने. -दिलीप बिरुटे
अ
अनिदेश Fri, 05/03/2013 - 10:02 नवीन
व्वा....!!!