आंबा - पनीर बर्फि

नमस्कार मंडळि,

आता लवकरच भारतात आंब्याचा सीजन चालु होईल तेव्हा खालील बर्फि हि तमाम आंबा आणि पनीर प्रेमींसाठि.

साहित्यः
१. आंब्याचा पल्प / ताजा रस - १.५ वाटि (ताजा असेल तर मिक्सर मधे एकदा फिरवुन घेणे जेणेकरुन गुठळ्या राहणार नाहित)
२. ताजं पनीर / क्युब्स - १ वाटि (क्रश करुन/किसुन)
३. खवा - १ वाटि
४. साखर किंवा नेस्ले स्वीट कंन्डेस्ड मिल्क - आवडिप्रमाणे कमी / जास्त (आंबा कितपत गोड आहे त्या प्रमाणात)
५. तुप - १.५ पळि
६. वेलची पुड - १/२ चमचा
७. सजावटिसाठि बदाम, पिस्ता पुड किंवा तुमच्या आवडिचे ड्राय फ्रुटस

कॄती:
१. मध्यम आचेवर एका नॉनस्टिक कढईत / पातेल्यात तुप तापले कि त्यात खवा आणि किसलेल पनीर घालुन परतावे

२. खवा / पनीर चांगल परतल कि त्यात आंबा पल्प घालुन मिश्रण एकजीव करावे

३. सतत परतावे नाहितर पल्प, खव्यामुळे मिश्रण खाली चिकटण्याची शक्यता आहे

४. एक ८-१० मि. परतलं कि त्यात आवडिप्रमाणे साखर/कंन्डेस्ड मिल्क घालाव व परतत रहावे

५. एक ५-६ मिनटानी साखर विरघळली कि मिश्रणाचा गोळा होईल

६. आता त्यात वेलची पुड, आवडिचे ड्राय फ्रुटस घालुन एक ४-५ मि. गॅस बंद करावा

७. गरम मिश्रण तुप लावलेल्या थाळित काढावे व सगळिकडे एकसारखे पसरुन घ्यावे

८. पुर्ण गार झाल्यावर वडया ह्व्या त्या आकारात कापुन आंबामिश्रित पनीर बर्फिचा लुफ्त घ्या; इतरांना द्या :)