-पाऊस -

फ — फिझा,
-पाऊस - हिरव्यागार शेताचा मालक मी जरी सोबत आता फक्त रणरणती सावली , खळाळत्या नदीला ना ओंजळभर पाणी भरलेली विहीर तर कधीच आटली , ठिगळ लावतच जगतो मी शेतकरी ते तरी किती पुरणार...धरणी सुद्धा फाटली …पण उजळेल आता तिची कुस ……उद्या पडेलच की पाऊस …!!! गावात खांब आलाय विजेचा अजून काम राहिलंय थोडं , लावेन मग दिवा शंभर चा लकाकेल मस्त माझं झोपडं , देव आहे माझ्या पाठीशी कसं होईल काही वेडंवाकडं, ....तोरण म्हणून बांधीन ऊस .....उद्या पडेलच की पाऊस !!! एक सर झाली की पेरणी करेन , गुरांबरोबर चार दिस मीही राबेन , तरारेल मग शेत जोमाने , डाव सगळा मांडेन मी नव्याने, भुईला करून टाकेन हिरवं शिवार , बैल गाडीवर मग होईल सवार , .....कापडं नवीन घालेन असेल माझाच कापूस .....उद्या पडेलच की पाऊस !!! मातीत मिसळले बरेच आधीच हाय खाऊन , प्रश्न सुटतील का पण अशी आत्महत्या करून , दोन दिवस नुसतं पाणी पिऊन आता कळशी गेलीये संपून , उद्या पाऊस पडला की ठेवील गच्च भरून , आजची रात्र फक्त सरायला हवी ...... .....उद्या पडेलच की पाऊस !!! ----फिझा.
1579 वाचन
💬 प्रतिसाद (6)
म
मिसळलेला काव्यप्रेमी गुरुवार, 03/07/2013 - 06:41 नवीन
विरोधाभास छान पकडलाय. अवांतरः काय योगायोग आहे, ह्याच विषयावर मीही लिहीले कालपरवा.
ज
जेनी... Fri, 03/08/2013 - 14:19 नवीन
आवडली कविता ....
ज
जेनी... Fri, 03/08/2013 - 14:22 नवीन
आजची रात्र फक्त सरायला हवी ...... .....उद्या पडेलच की पाऊस !!! फक्त ह्या ओळीत यमक जुळायला हवं होतं असं वाटलं .. बाकि व्यथा , कारुण्य सगळं नजरेस पडतय . कीप इट डीअर :)
↩ प्रतिसाद: जेनी...
फ
फिझा Fri, 03/08/2013 - 23:00 नवीन
यमक जुळवणे अवघड नाहीये !! या ओळीत जरा वेगळा अर्थ आहे ....म्हणून मुद्दाम यमक जुळवले नाहीये !!!
↩ प्रतिसाद: जेनी...
स
सुधीर Sat, 03/09/2013 - 09:28 नवीन
कविता आवडली. दुर्दैवाने या वर्षीचा दुष्काळही भिषण आहे. आशा आहे की "....उद्या पडेलच की पाऊस !!!"
अ
अत्रुप्त आत्मा Sun, 03/10/2013 - 06:28 नवीन
कविता आवडली :-)