हाळिवाचे लाडु
Primary tabs
साहित्यः
हाळिव - १ वाटी
नारळ - १
गुळ - दिड वाटी
नारळाचे पाणी - १ वाटी
विलायची पावडर - १/२ छोटा चमचा
कृती:
१. हाळिव निट निवडुन घ्यावेत. त्या मधे अगदी बारीक खडे असण्याची शक्यता असते. लाडु खाताना ते दाताखाली आल्यास कचकच लागते. त्यामुळे हे काम वेळखाउ असले तरी निट करावे.
२. ओला नारळ फोडुन, त्याचे पाणी वाटीत काढावे व खोबरे खवुन घ्यावे.
३. एका भांड्यामधे हाळिव, नारळाचे पाणी व खवलेले खोबरे टाकुन मिक्स करावे. नारळात जास्त पाणी नसल्यास, शहाळ्याचे पाणी वापरले तरी चालेल.
४. आता हे सर्व निट मिक्स करुन, २-३ तासांसाठी झाकुन ठेवावे. २-३ तासांनी हाळिव फुगलेले दिसतील.
५. आता कढईत, हे हाळिव, ओले खोबरे, विलायची पावडर व गुळ टाकुन परतावे. सर्व गुळ विरघळे पर्यंत हे परतत रहावे. ह्यात ओले खोबरे असल्यामुळे तुप टाकायची गरज भासत नाही. खोबर्याचेच तेल सुटते.
६. मिश्रणाचा गोळा झाला कि ताटात काढावा व त्याचे तुम्हाला हवे त्या आकाराचे लाडु वळवावेत.
७. हे लाडु फ्रिज मधेच ठेवावेत कारण ओले खोबरे असल्यामुळे हे जास्त टिकत नाहीत. त्यामुळे लवकरच संपवावेत.
अहळीव गुणाने उष्ण असतात ना? मला आह्ळीव खायची इच्छा होती ते मी एकदा खीर बनवून खाल्लीच... पण लगेच एक दोन तासात माझा घसा खूप खराब झाला होता. तेव्हापासून मी घाबरते. आह्ळीव खाल्ल्याने घसा खवखवतो का ? मला खीर शिवाय काही येत पण नव्हत. पाककृती टाकल्याबद्दल धन्यवाद...
धन्स प्रतिज्ञा... :) हो.. हाळिव गरम असतात... त्यामुळेच हे लाडु जास्त करुन हिवाळ्यात करतात. मी ह्याची खीर कधी खाल्ली नाही... आता ती एकदा करुन पाहिल... आणि घसा खराब व्हायच.. तर ते बहुतेक दुसर्या कशामुळे तरी झाला असेल... कारण मला तरी कधी हाळिव मुळे घसा खवखवण्याचा अनुभव नाही आला.
हे लाडू व हळीवाची खीर अतिशय आवडते. पाकृ आवडली.
मला ही अळीवाची खीर , लाडू दोन्ही खूप आवडतं :)
थंडीत खायला उत्तम
फोटो छानच आहे ,मस्तं :)
हळिवाचे की अळिवाचे ?
मला अळिवाचे हे लाडु लयं लयं आवडतात बघा ! :) ते अळिवाचे कण चावुन खायला लयं भारी वाट्ट ! :)
फोटु जबराट आला आहे ! :)
(लाडु प्रेमी):)
हो.. प्रतिज्ञा म्हणतीये तसेच.. हे सर्व एकच आहे.. मला पण आळिव, हाळिव आणि हाळिम हि नावं माहिती आहेत.. त्यामुळे मलाच कळत नव्हतं.. ह्याचे नक्की नाव काय. ;)
लाडू एकदम मस्तच !!!!!!!!!!!!
अळिवाचे लाडू बाळंतीणीला देतात. चवीला मस्तच लागतात. पण सावधान! अमेरिकेला नेण्याचा प्रयत्न करु नका. फेकून द्यायला लावतात.
फोटू का दिसत न्हाइत पाककृतींच्या धाग्यांचे
अग दीदी... बहुतेक अहळीव चा वास मला सहन होत नसेल. पण आता उन्हाळ्यात करून खाल्ले तर बाधणार नाहीत न ? कारण आता घरात २ प्याकेट आहेत. पण बनवून फक्त मलाच संपवावे लागतील. :(
ह्म्म्म... तसे असेल कदाचित... पण आता हाळिव उन्हाळ्यात नको खाउ... ते गरम पडतील. पाकिट तसेच राहुदे... पुढच्या वर्षा हिवाळ्यात कर. ;)
दूध घ्यायचे. म्हणजे बाधत नाहीत.
मदनबाण...... अहो... अळीव , हळीव, अहळीव व हलीम सगळ एकच....... :)
नाय हो.. हलीम वेगळे.
हलीम हा हैद्राबादी मांसाहारी पदार्थ आहे.
हो... बरोबर... हालिम हा प्रकार मुसलमानांमधे खुप प्रसिद्ध आहे... फक्त हे हालिम खाण्यासाठी एकदा हैद्राबादला जायचे आहे.
अळीव फक्त मेथीच्या लाडूतच खाल्ले आहे अजून तरी ! पण फोटो एकदमच सुरेख आला आहे .
http://mejwani.in/
सगळ्यांचे धन्यवाद.. हाळिवाचे लाडु नक्की करुन पहा.. मस्त लागतात.
छानच दिसतायत लाडु. बाणा म्हणतो त्या प्रमाणेच 'अळिवाचे कण चावुन खायला लयं भारी!'
हो.. खरय.. मला पण ते हाळिवाचे कण चावायला एकदम मस्त मजा येते. :D
सोप्पी आणि चवदार पाकृ!
अळीवाच्या लाडवांमध्ये सुके खोबरे वापरल्यास ते बरेच दिवस टिकतात. हिवाळ्यात तर घरी बनतातच..
बरी आठवण झाली. हिवाळा संपायच्या आत माझ्याकडे असलेले अळीव हे लाडू करून संपवते. मला वरील फोटो फार आवडलेत.
लाडू पाहून ती अहळीवाची खास चव तोंडात उतरली !
तोंडाचा व्यायम खराच. पण मस्त चव !
काला -खट्टा मध्ये टाकतात . छान लागते .
नाही.. ते सब्जा म्हणजे काळे असतात. हे हाळिव ब्राउन रंगाचे असतात.
फोटोसुद्धा स्वादिष्ट दिसतोय ;)
माझे अतिशय आवडते लाडू. कुणा छोटं बाळ असणार्या घरी गेलं तर हमखास हा लाडू खायला मिळतो ;)
हळिव का लाडू हम्कू बहुत अवडता है!!! :-)
लहानपणी जेव्हा दिवाळीत मातीचा किल्ला करायचो तेव्हा बहुधा हेच दाणे त्यावर टाकून ठेवायचो. काही दिवसांनी सगळा किल्ला छोट्याछोट्या हिरव्या कोंबांनी भरून जायचा. लाल रंगाचं बी असायचं. नाचणी की अळीव आठवत नाही.
हो... आम्ही पण ते हाळिवच वापरायचो...
फोटो एकदमच सुरेख आला आहे .
लाडु आवडल्याबद्दल सगळ्यांचे धन्यवाद... आणि फोटोचे सर्व श्रेय निशांतला जाते. :)
अळीवाची खीर,लाडू दोन्ही
थंडीत खायला उत्तम
फोटो छानच आहे ,झकास!!!!!!!
हाळीव फक्त मेथीच्या लाडवातच खाल्लेत !! रेशिपी हटके आहे.
अळीव = "हलीम" असा एक मजेशीर उच्चार कोकणातील मुस्लिम करतात.
आणि हैद्राबाद चे हालीम वेगळे ,
या वरून अजून एक किस्सा आठवला.
कोकणात नोकरी निमित्ताने आलेल्या जत तालुक्यातील एका स्त्रीने सर्व दुकाने पालथी घातली पण तिला "जवस" काही मिळाले नाही. सर्व किराणा दुकानात "अळशी" होती पण जवस आणि अळशी हे दोन्ही एकच हे दुकानदार आणि ग्राहक दोघांना माहित नव्हते
उत्तम रेसिपी आहे आणि करायची वेळही आता उत्तम आहे.
तर मग येऊ देत की असे अजून छान छान पदार्थ......
एक छान गाणे आठवले,
आला थंडीचा महिना, झटपट शेकोटी पेटवा..........
१००% सह्मत
आपली "खाण्यासाठी जगण्यासाठी" काय खावे याची जाणही तेवढीच उत्तम आहे, हे ही नसे थोडके.
कळावे, लोभ असावा.
आपला मिस्नेही, आयुर्हीत
ता.क. हळीवची खीर हाही एक छान उपयुक्त पदार्थ आहे. याची रेसिपी मिळेल?
धन्स :)
हाळिवाची खिर मी अजुन कधी केली नाही. सध्या आता थंडीपण आहे तर एकदा करुन बघते. मग टाकते त्याची पकृ.
पाककृतीबद्दल आभार.
परदेशात 'गार्डन क्रेस' या नावाने ही रोपं kitchen herbs म्हणून मिळतात, त्यांच्या झटपट वाढीचा हा एक टाईम लॅप्स व्हिडिओ पाहिला होता ते आठवलं:
भनाट.... फोटोज भनाट! कायच्याकाय!
पाकृही छानच. या सीझन मधे होतात अनेकदा.