सीमारेषा

आहे आणि नाही यांच्या सीमारेषेवर जगणे तसे फार अवघड असते गं ------ श्वासाइतकीच सवयीची झालेल्या तुझ्या आणि माझ्यातील अंतर आता समुद्र आणि चंद्राइतकेच आहे एकतर रात्रिशिवाय नजरानजर नाही आणि समुद्राला तो चंद्र स्पर्शातित.... आहे आणि नाही यांच्या सीमारेषेवर जगणे फार अवघड असते गं ------- सूर्यास्तानंतर चंद्रोदयापर्यंतच्या वेळात तुझे भास मृगजळासारखे मागेपुढे करतात कटलेल्या पतंगामागे धावण्यार्‍या मुलासारखा मीही त्यांचा पाठलाग करत राहतो मगं जाणवत ज्या झाडावर पतंग अडकलाय त्याच झाडामागे चंद्रही अडकलाय आता चंद्र आणि पतंग यात निवड करणे आले, पण चंद्रही हाताला लागत नाही अन् तो पतंगही... खरचं, आहे आणि नाही यातील सीमारेषा जिवघेणी असते गं ------- आजकाल तू सोडून दुसरे विषय नसतात आणि तुझे विषय अथांग असतात ------- काळ्याभोर डोळ्यांत तू नेहमी एक हलकी स्मितरेषा घेऊन वावरायचीस अजूनही तेच डोळे तुझ्या कपाटावरच्या आरश्यात दिसतात, पण ती स्मितरेषा.. ती धूसर झाली आहे आहे कि नाही? हम्म.. आहे आणि नाही यातील सीमारेषा फार जीवघेणी असते गं! ------ एकदा सांगून टाक अजूनही तू तशीच स्मितरेषा घेऊन वावरतेस? आहे आणि नाही यातल्या सीमारेषेवरची!! ------ आहे आणि नाही यांच्या सीमारेषेवर जगणे तसे फार अवघड असते गं |-मिसळलेला काव्यप्रेमी -| (२०/०३/२०१३)