रात्रीच्या पावसाने

म — मिसळलेला काव्यप्रेमी,
काल रात्रीच्या पावसाने खूपच गोंधळ केला . तुझ्या घरातील काही गळक्या कौलांना वाहून घेऊन आला वाहत वाहत त्या कौलांनी माझ्या घराशी आधार घेतला त्यांनी माझ्या मनाचा नकळत ठाव घेतला . . पाणी वाहते असले तर किती गोष्टी धुतल्या जातात नाही? . काल रात्रीच्या पावसाने खूपच गोंधळ केला . सारे अंगण मनासारखेच भिजवून गेला भिजल्या मनाने भिजल्या अंगणात जीव कासावीस झाला अंगणातून कुंपणाजवळ धावाधाव करत राहिला . . घरांना कुंपण असणे किती आवश्यक असते नाही? . काल रात्रीच्या पावसाने खूपच गोंधळ केला . येतांना बरोबर वाऱ्याला घेऊन आला विझणाऱ्या निखाऱ्यांना धग देऊन गेला अन् वरची राख तेवढी उडवून गेला . . वारा तरी कसा ना? राख उडवतो आणि निखारे भडकावतो . खरचं काल रात्रीच्या पावसाने खूपच गोंधळ केला |- मिसळलेला काव्यप्रेमी -| (२८/०३/२०१३)
2707 वाचन
💬 प्रतिसाद (14)
अ
अत्रुप्त आत्मा गुरुवार, 03/28/2013 - 16:21 नवीन
मिकामूड = मिकाकाव्य :-)
क
कवितानागेश गुरुवार, 03/28/2013 - 20:45 नवीन
...हललं काहितरी...
अ
अनिदेश Fri, 03/29/2013 - 08:21 नवीन
आधी दूष्काळ...आता पाऊस :).....छान आहे :)
अ
अभ्या.. Fri, 03/29/2013 - 09:18 नवीन
आवडली. :)
आ
आतिवास Fri, 03/29/2013 - 09:49 नवीन
'काल रात्रीच्या' ऐवजी 'काल रात्री' असा किंचित बदल करुन कविता वाचली आणि मग अधिक आवडली.
प
प्रचेतस Fri, 03/29/2013 - 09:54 नवीन
सहमत. ह्या बदलाने कविता खूपच प्रभावी झालीय.
↩ प्रतिसाद: आतिवास
न
नानबा Fri, 03/29/2013 - 09:52 नवीन
मिका, तोडलंस मित्रा... कमाल म्हणजे प्रचंड कमाल आवडली कविता...
येतांना बरोबर वाऱ्याला घेऊन आला विझणाऱ्या निखाऱ्यांना धग देऊन गेला अन् वरची राख तेवढी उडवून गेला . . वारा तरी कसा ना? राख उडवतो आणि निखारे भडकावतो
व्वाह वा !
प
पाषाणभेद Sat, 03/30/2013 - 17:52 नवीन
नेहमीप्रमाणेच सुंदर काव्य
प
प्रसाद गोडबोले Sun, 03/31/2013 - 05:36 नवीन
पाणी वाहते असले तर किती गोष्टी धुतल्या जातात नाही? >>> छान !!
ज
जेनी... Sun, 03/31/2013 - 05:41 नवीन
नो मिका दादा .... नाहि ........ खुपच वरवर वाटलं ... कुठल्याच ओळीत काहिच नसल्यासारखं सॉरी ....
ग
गंगाधर मुटे Sun, 03/31/2013 - 11:41 नवीन
विझणाऱ्या निखाऱ्यांना धग देऊन गेला
छान कविता. :)
आ
आगाऊ म्हादया...... Mon, 04/01/2013 - 12:38 नवीन
मस्त!! खूप महिने नव्हतो मिपा वर... पण आता मिका च्या कविता वाचण हा एक छंद जडलाय मला......
स
सूड Mon, 04/01/2013 - 12:55 नवीन
मस्त !!
स
स्पंदना Tue, 04/02/2013 - 12:51 नवीन
सारे अंगण मनासारखेच भिजवून गेला भिजल्या मनाने भिजल्या अंगणात जीव कासावीस झाला अंगणातून कुंपणाजवळ धावाधाव करत राहिला . . घरांना कुंपण असणे किती आवश्यक असते नाही?
आणि फक्त या ओळीच अर्थगर्भ. कदाचित बाकिची कविता मला कळली नसेल. .