ब्रोकोली टोमाटो सूप

झक्कास...

फोटो नाही टाकला तरी चालेल..

आणि हो मी फोटो काडहाय ला विसरते कारण करता न लक्षात राहत नाही कि हे पोस्ट करणे आहे

रेसीपी वर्णना पेक्शा फोटोतुनच कृती दाखवलीत तर फार छान होइल... ;)

सोनली प्लिज पोस्ट फोटो ओनली... ;)

काहिहि ....

कुठे वाचलं हो सोना बाई हे ???

कुठे वाचलं हो सोना बाई हे ???

वाचल..? त्यांनी ल्हिवलय..वाचतोय आपण... ;)

छान..... पण जर फोटो नाही तर रेसीपी व्यवस्थित टप्याटप्यात (स्टेप्स) तरी लिहा..... सानिकास्वप्नील ताईंच्या रेसीपी ह्यासाठी आधार म्हणुन वापरु शकतात.

एक प्रश्न..... तमालपत्र वाटताना( ब्लेन्ड करीता ना) ठेवावे कि काढुन टाकावे?

कृपया मराठीची अशी चिरफाड थांबवावी

आणि मराठीत व्यवस्थित टंकण्यासाठी (मीपा वर टंकणे आपणास जमत नाही असे दिसते)

http://www.google.com/intl/mr/inputtools/cloud/try/

इथे टंकण्याचा सराव करावा

छान वाटले मन्हुन टाकले इकडे हे पोस्ट. आपण पण करून पहा आणि हो मी फोटो काडहाय ला विसरते

मराठीच्या असंख्य बोली कानाला ऐकायला किती गोड लागतात नाही?

स्वैर रुपांतर -

साहित्य:

• ब्रोकोलीचे मध्यम आकाराचे तुकडे (देठांसहित) - ३ ते ४
• लहान टोमॅटो - १ (मोठा असल्यास अर्धाही पुरेल)
• आले-लसूण पेस्ट - १ चहाचमचा
• तमालपत्र - १
• मिरपूड - १/२ चहाचमचा
• कांद्याची पेस्ट किंवा बारीक चिरलेला कांदा - १ मोठा चमचा
• जिरे - १ चहाचमचा
• तूप - १ चहाचमचा
• हिंग - चिमूटभर
• मीठ - चवीप्रमाणे
• कोथिंबिर

कृती - सर्वप्रथम एका पातेल्यात ब्रोकोली, (चिरलेला ? ) टोमॅटो, तमालपत्र अन कांद्याची पेस्ट (कांदा चिरलेला असल्यास किंचित तेलावर परतून घ्यावा) घेऊन त्यात १ ते दीड पेला पाणी घालून ७ ते ८ मिनिटे चांगले उकळून घ्यावे. हे मिश्रण गार झाले की मिक्सर मध्ये पाण्यासकट वाटून घ्यावे.

यानंतर एका कढईमध्ये एक चहाचमचा तूप गरम करून त्यावर हिंगाची व जिऱ्याची फोडणी द्यावी. नंतर त्यात आले-लसुणाची पेस्ट परतून घ्यावी. त्यानंतर मिक्सरमधे वाटून घेतलेले मिश्रण व चवीनुसार मीठ घालावे. कढईवर झाकण ठेवून एक उकड येऊ द्यावी. त्यानंतर या गरमागरम सुपावर आवडीप्रमाणे कोथिंबीर पेरावी.

गरमागरम ब्रोकोली टोमॅटो सूप चिनिमातीच्या वाडग्यांमध्ये आस्वाद घेण्यासाठी तयार!!

साहित्य:

•ब्रोकोलीचे मध्यम आकाराचे तुकडे (देठांसहित) - ३ ते ४
•कांदा - १ ( फार बारिक चिरायची गरज नाही)
•गाजर - १ (हवे असल्यास...)
•मिरपूड - १/२ चहाचमचा
•तूप - १ चहाचमचा
•मीठ - चवीप्रमाणे

कृती -
पॅन मध्ये तेल/ तूपावर कांदा परतुन घ्यावा. मग त्यात ब्रोकोली घालुन परतून घ्यावी. आवडत असल्यास गाजरही परतावा. चांगले परतल्यावर त्यात १ ते दीड पेला पाणी घालून ७ ते ८ मिनिटे चांगले उकळून घ्यावे. हे मिश्रण गार झाले की मिक्सर मध्ये पाण्यासकट वाटून घ्यावे.

यानंतर एका कढईमध्ये मिक्सरमधे वाटून घेतलेले मिश्रण व चवीनुसार मीठ घालावे. कढईवर झाकण ठेवून एक उकळी येऊ द्यावी. त्यानंतर या गरमागरम सुपावर तूप आणि मिरेपूड घालुन गरम गरम सर्व्ह करावे.

गरमागरम ब्रोकोली सूप वाडग्यांमध्ये आस्वाद घेण्यासाठी तयार!!

अवांतर :- जळो तो संप.. माझी ब्रोकोली गायब झाली मॉल मधुन.. :(