रायआवळ्याचा चटका
Primary tabs
या उन्हाळ्यात अनेक प्रकारची फळे येतात कोकणात!! या प्रत्येक फळाला वेगळी चव असते. हे रायआवळ्याचे झाड पहा कसे बहरलेय!!
या रायआवळ्याचा चट्का फार रुचकर होतो.
साहित्यः चाळीस आवळे, पाच सहा हिरव्या मिरच्या, एक वाटी साखर, मीठ चवीनुसार, फोड्णीचे साहित्य.
कृती: रायआवळे धुऊन बीच्या बाजूचा भाग चिरून घ्यावा. मिरच्या धुऊन मिरच्या व चिरलेल्या आवळ्याच्या फोडी मिक्सरवर फिरवून घ्यावे. आवळ्यांच्या प्रमाणात तुम्हाला पाच सहा मिरच्या कमी वाट्तील पण मी गावठी मिरच्या वापरल्या आहेत त्या खूप तिखट असतात. नेहमीच्या लांबड्या मिरच्या कदाचित जास्त लागतील. वाटलेल्या मिश्रणात साखर आणि चवीनुसार मीठ घालावे. वाट्ताना साखर किंवा मीठ घालू नये. आवळ्याला पाणी सुटून चट्का पातळ होतो. एक चमचा तेलाची मोहोरी, हिंग, हळद घालून फोडणी करावी. गार झाल्यावर चटक्याला द्यावी. आंबट, गोड, तिखट असा जिभेला चव आणणारा चट्का तयार!!
हा चटका फ्रिजमध्ये दोन तीन दिवस टिकतो. याशिवाय या आवळ्याचे सरबत छान होते. नेहमीच्या खोबय्राच्या चटणीत आंबटपणासाठी हा आवळा वापरला तर ती चवही वेगळी लागते.
याशिवाय रायआवळ्याचे आणखी काही प्रकार होत असतील तर जरूर शेअर करा. आमच्या बागेत खूप आवळे लागलेत. वर फोटो पाहिलात ना!
भारीच! मिठाऐवजी शेंदेलोणाने जास्त चांगली चव येईल असं वाटतं...
तोंपासु...झकास!
चटका.....चटका लावुन गेला. ब्येस्ट तोंडिलावणे
का आठवण काढलीत? आता इथे आवळे कुठे शोधू?
भले मोठ्ठाले कोहळे मिळते पण ते देऊनही औषधालाही आवळा मिळायचा नाही. :(
चटकदार एकदम. तोंपासू.
मस्तच.
फोटो आणि रेसिपी दोन्ही छान. :)
तो.पा.सु.
चटका राहू देत, राय आवळे खायला येतेच २ दिवसांत!
नक्की ये.
चटकदार पाकृ :)
मस्त.
आईग्ग्ग्ग्ग.... स्स्स्स्स्स्स्स्स्स्स्स्स्स्स्स्स्स्स्स्स्स... ते आवळे बघुनच तोंडाला पाणी सुटले.. लहान असताना खुप खाल्ले होते हे आवळे. मस्त लागेल चटका. यम्म यम्म...
कोंकणाची पुन्हा एकदा तीव्र आठवण करुन दिलीत.
हे आवळे पिकून आंबटगोड झाले की काय टेसदार बनतात.. वा.. त्या तुरट अन्य आवळ्यांना ती चव नाही.
पण अजूनही डोंगरी आणि राय या आवळ्यांच्या नावांविषयी माझा गोंधळ होतो. उपरिनिर्दिष्ट आवळे हे मी आपले रत्नांग्रीचे आवळे म्हणून ओळखतो. शिवाय याच्च आवळ्यांची "शिंपटी" आठवते का कुणाला ? अय्याई ग...!!
च्यायला!!!! आता हे आवळे हुडकणे आले. तोंडात उचंबळणार्या कारंज्यांनो, जरा शांत रहा!! :)
हम्म्म!
आवडला 'चटका'
-आडनाव आवले असताना आवळे झालेला प्यारे१
आईशप्पथ ! :(
अॅड्रेस्स दीयु का ?? आवळे पाठव्तिस का ???
लै खाऊ वाटताइत :(
काल मला कच्ची कैरीपण खौ वाटत होती :-/
मिपावरची नै बर्का :D
हार्दिक अभिनंदन पूजातै!
ओ प्यारे काकु ... कै पण कै :-/
आयला, तो पहिला फोटोच इतका चटका लावून गेला की पुढलं वाचणं/पहाणं अशक्यच झालं!!!
मी लहान असतांना या आवळ्यांचे झाड माझ्या मित्राच्या घरी होते. फारच खास वाटायचे हे आवळे पाडून खायला.
त्यांना रायआवळे असे म्हणतात हे प्रथमच कळले. त्यानंतर कधीही हे आवळे पुन्हा दिसले नव्हते.
पाककृतीही रोचक वाटत आहे.
मस्तच !!
मस्त चट्कदार ...!!
आई गं........कस्लं पाणी सुटलंय तोंडाला .... !!
माझ्या आईकडे मोठं झाड होतं रायआवळ्याचं :)
ए रायआवळे जर मिळाले नाही तर साधे आवळे घेऊन पण चव तशीच लागेल का गं ?
आवडला चटका :)
मस्त हं. आवडल्या गेलं आहे. झाडाला लगडलेल्या रायआवळ्याच्या पहिल्याच चित्रास पैकीच्या पैकी मार्क दिले आहेत.
-दिलीप बिरुटे
नाहीतर फोटु पाहून समाधान!! हा फोटो सानिकामुळे पोहोचला तुमच्यापर्यंत्, कारण एकापेक्षा जास्त फोटो लोडवता येत नव्ह्ते मला!!
सर्व तोंपासुंचे आभार!!
मार डाला!!!
मस्तच ग अनन्या..
पहिला आणि दुसरा फोटो पाहूनच तोंडाला इतकं पाणी सुटलं ना... आता हे आवळे कसे मिळवायचे ते सांगा!
किती खायचो लहाणपणी! आता नावालाच काय पण पहाय्लाही मिळत नाही.
चटका वाचताना चटका लागला बघ मनाला.
हा...य!!!
आवळ्यांसाठी लटकू नका!! कोण काढून टाकिल ही पोस्ट? उगाच पाडव्याच्या दिवशी लट्कवल्याचे पाप!
@कोण काढून टाकिल ही पोस्ट? उगाच पाडव्याच्या दिवशी लट्कवल्याचे पाप!>>> ह्ही ह्ही ह्हा ह्हा ह्हा :D :D :D ...शॉलीईईईईईईईईईईईईई.......... =)) हम्कू भावना व्यक्त करने कू ऐसाइच होता है, क्या करें??? =))
खरोखरचा चटका बसला राव...तोंपासु
आहाहा मस्तच.
आवडला चटका