पण अजून थोडा फुलवता आला असता.

=)) बुलेटचा आवाज बायलीला सावध करतो जनू.

वा वा वा अत्यंत र्‍हद्य गोष्ट. १) आपल्या धन्याने बुलेटच चालवावी असे घर धनीणीला का वाटले? २) घरधन्याने द्राक्षे कोणत्या देशात पाठवली. ३) वायनरी म्हणजे काय? द्राक्षे वायनरीत न पाठवता परदेशात पाठवली म्हणजे नक्की काय केले? ४) वायन्री फॅक्ट्रीचे ७०% शेअर जर एका माणसाला घेता येतात तरीदेखील तो द्राक्षे वायनरीला न पाठवता परादेशात पाठवतो ही इतर ३० % भागदारकांसाठी धोकादायक गोष्ट कशी नाही? ५) झेड पी त उडी घेण्यासाठी किती खोल उडी मारावी लागते? झेडपी चे गण म्हणजे काय? (सं) दर्भासहीत स्पष्टीकरण द्या? ६ ) सपारी, ग्रांडे या गाड्या आणि बुलेट यांची तुलना करा.

भाग दोनः बायलीचं म्हायेर पार खाल्ल्या अंगाच्या गावचं. सगळा कोरडवाहू भाग तिच्यायला, ऐनवेळी श्येताकडंला बसाय लागलं तर नंतर पुसाय गवताचं पातं मिळायचं नाय. आपल्याला तितं फिरकायलाबी आवडत नाही. बाईलच जाती वर्सातून दोनदा म्हायेरपनाला. जा म्हंतो मी - उगा कमी करत नाय कशाला आपण, हां... येरवां एपीएम्शीत द्राक्षांची लेवल कराय ग्येलो होतो. सफेद कापडांतलं एक बेनं ओळखीचं हसलं. मीबी दाताड वासलं. (आता झेड्पी म्हनल्याव जपून रहाय लागतंय. असायचा आमदाराचा पावना, कुणाल ठावं.) जवळ आला अन म्हनला काय म्हंत्यात वैनीबाय? म्हनलं तुला रं काय चवकशा? तर म्हनतो कशी - मैतरी आमची जुनी. गावी आमच्या घरांचं जोतं लागूनच येकम्येकाला. लय जुन्न्या गोष्टी सांगू राहिला. बोलता बोलता पार्किंगात आलो. स्टार्म बगून बेन्या म्हनला, वैनीबाय बसतात व्हंय यात? डिज्जेलच्या वासाचा लय तोथरा त्याना पहिल्यापासून. त्यापरीस आपली... बोलता बोलता थांबला. घाईघाईन निरोप घेतला. बुलेटचा फड फड फड आवाज घुमला. डोकं भिन झालंय तवाधरनं...

मस्त! दोन्ही भाग भारी आहेत!

छानच जमलेत दोन्ही भाग. आता वयनीबायचं म्हननं काय असावं? 'नको मारुस हाक, मला घरच्यांचा धाक' आठवलं.

हाण्ण तेजायला... दोन्ही भाग झक्कास... आणखी येवू दे..

घ्या वं, घिऊन टाका रायल बुलेट बायली येवडं म्हन्तिया तर. पन त्यंवडं घरामंदी, क्यामेराबी लावाया इसरू नगा, येटियम मिशिनिच्या खोलीत बशिवल्येला असतोय तसला.

आम्चं ध्यान कोर्पिओ घ्येऊन भटकतंय. सरपंच बी हाये त्येला भरीला घालणारा, "आवो बाबासायेब, तुमी आता झेडपीला उभे र्‍हावाच! आमी हाय न्हवं!" आता ह्यो सरपंच माज्या मावशीचा पुतण्या लागतुय. त्यो आन म्या एका साळंत शिकलु न्हवं का! येतु कवा कवा च्यापान्याला. शिवाय माज्या म्हायरच्या गावचा शिरपती हाये, आमच्या शेजार्‍याचाच, पैल्यापास्नं माजा मैतर त्यो. आता आम्चं गाव जवळच हाये म्हणताना तसं येनंजानं अस्तय की मैतरांचं. येतुय कवाकवा. पण आम्चं ध्यान शेतावर असतंय सदान कदा. त्ये कवा घरला यील काय सांगता यीना. शिरपती बुलेटवरनं येतु, तिच्यावर फेटा बांधून त्यो बसला की अक्षी राजावानी दिसतुया. पन कसलं हेंगाडं खटलं गा त्ये! ५ मैलावर्नं आवाज येतुया. मंगं म्या म्हनलं आसं हाय व्हय! आवाज येतु त्ये बरंच की! मंग धन्यास्नी बी आता आघ्रेव करतो, बुलेट घ्या म्हनून. म्हंजी जरा बरं दिसंल आम्चं ध्यान आनि घरी कवा येतंय त्ये बी मला आदीच कळंल म्हंन्त्ये मी!

रोयल एनफिल्ड घ्याच! म्या बी घेणारेय! पन आता लगीच नाय जमायचं.. प्रोब्लेम येकच! अजुन तिला मध्ल्या स्टॅंडावर लावताना घाम येतो.. स्टॅंड लागता लागत नाय राव..

म्या म्हनलं ह्ये पाभेला अस्लं परश्न कसं पडाया लागलं.;) लय कल्ला हायेत दोन्ही भाग. :ड

बघितलासा? समद आस जग्गजाहीर करुनच! आस कवा बी सोताच सोता काय बी ठरवत न्हायत. कोन म्हनल, शेअर घे! घेट्ल, कोन म्हनल गुराळ लाव! लावल! ह्ये समद आस बगा. काव येतु मला! आता सांगायच बी काय काय? तसा माझ्या माह्येरातला शिरपती, असा पल्याड्च्या उंबर्‍याचा! कदी मदी त्याच्या बुलेटावरन मला लिफ्ट दिउन शिफ्ट बी करायचा! अक्षी अश्या मुंग्या यायच्या अंगात बुलेट धडधडली की! लय वाटत तश्या मुंग्या भराव्या गाडीत बसल की, ह्ये काय श्कॉर्पिओ आन श्तॉर्म अन वैतरणा, धुवाया भार आन मुंग्या नावालाबी न्हायत! म्हनुन म्हनलो तर हित्त गावाला इचरायला हाजर? काय म्हनाव तरी काय?

चालूद्या धमाल!

मांजरांनी तोंड लावलंय दुधाला. आता मुकाट डोळे बंद करा. करता काय? बोम्ब ठोकली तर उगाच गावात बोभाटा होईल. इलेक्शनच्या टायमावर परवडन्याजोगी गोष्ट नाही भाऊ. एक काम करा बायडीले भिडवा प्रचाराला. तुम्ही निवडून आला तर तिचाच फायदा नव्हं! मग पाच वर्ष तरी तिची कटकट मिटली. बघा करा झोकात प्रचार करते ती तुमचा. अन तुमचा बी फायदाच की! एकदा का पॉवर आली की मंग काय मजाच मजा की? भायर तोंड मारायला तुम्हास्नीबी रान मोकळं? बायडी पण काय बोलणार नाय! मंग म्या म्हणतो भाऊ घिउन टाका चकाचक रायल बुलूट. अन नंबर भी घेऊन टाका पैसा फेकून. एकदम भारी चमकला पायजे रेडीयम मध्ये दादा नाना असा. काय म्हनता? पेढे चारायला विसरु नका म्हन्जे झालं.

( पाटलांचा मुलगा मुंबईला शिकायला गेल आणि तिकडून त्याने रात्री बापाला e-mail केला। ) " ति. बाबा, शि. सा. न. मी इकडे खुप छान आहे. काळजी नसावी। मला फ़क्त वाईट वाटते की माझे सर्व मित्र, शिक्षक लोकल ट्रेन ने येतात व मी माज्या नविन स्कार्पियो(Diesel) मधून येतो।" ( सकाळी बाबांचा मेल आला होता ) "प्रिय बाब्या, फार वाईट वाटते की सर्व मित्र, शिक्षक लोकल ट्रेन ने येतातव तू स्कार्पियो मधून येतो मी आजच तुला पैसे पाठवतो, तू पण लोकल ट्रेन घेउन टाक. कुठे कमी पडायच नाय " होउ दे तोटा, पप्पा आहे मोठा.. !!!

मंडळी म्या काय म्हंतो. तुमा लोकांचा कायतरी सालीड गोंदळ झालाय बगा. म्हंजे आसं का आमच्याकडं बुलेट हायच हो. घरामदी एकाला तिन तिन गाड्या हैत. म्हंजी स्कार्पीओ, सपारीचं नवं माडेल स्टार्म, मारूतीची ग्रांडे वैतरणा है. पन बायलीला सालं बुलेटच पसंत हाय. काय तर म्हंती, 'तुमी लय गुनाचं दिस्ता बुलेटवर. लई मर्द वाटता बुलेटवर. तुमी शेतातून परतायच्या रातीच्या वेळी गाडी कितीबी लांब आसूद्या, पार नदीकाठच्या गढीवरून जरी तुमची गाडी येत आसली का मला आवाज पार आपल्या वाड्यात येतूया बघा.' येवढ्या मस्त मस्त गाड्या हायती पन बायलीला बुलेटच आवडतीया. म्हंती श्येतावर जाता येता वैतरणा काय कामाची? शेरात न्यावा की आसल्या गाड्या. आन मुक्त विहारि म्हनंतेत तसं मधल्या स्टैंडवर गाडी लावाया येती. सुरवातीला लय तरास व्हतो पन नंतर सवयीचं व्हतं सगळं.

चार वर्सं झाली, तशी आपल्याला आठवड्याला एक रॉयल ष्टॅग लागती. ही आपली पसंत, कोणी पावणारावळा, दोस्तयार भेटला तर ओल्डमंकला नाय म्हनत नाय. घरात सोय नाय, म्हातारी कच्चा खाईल. मंग आपलं कदी ढाब्यावर कधी हैवेजवळ खोली हाय तिकडं. या असल्या गोष्टी काय हड्डीबिगर व्हतात व्हय. फरसान, दाणे, शेवचिवडा येगळं. परिनाम काय व्हनार - मोड आले मागल्या भागात. टेललाईट लावल्याली गाडी पायली की मन कसं करुनेनी भरून येतंय. सरळ बसता येईना झालंय राव. ष्टार्म आनि ग्रांडेची गुबगुबीत शीट पन खुपाय लागली राव. दोन दोन लोड आणून ठिवले मधल्या शिटात - तिरकं बसाय सोपं पडतं. लोकान्ला वाटतं भाऊंचा काय रुबाब. खाली काय जळतंय कोनाला सांगनार, आँ? आदी यन्फील्डच्या शिटा बा*** दगडाच्या करतात जनू. वर ती जीवघेनी थरथर आनि आमच्याहिकल्डे रस्ते म्हंजे तिज्यायला... त्यात हा नवीन हट्ट बायलीचा - मर्द दिसता म्हने बुलेटवर. आता तिला काय सांगनार न कसं सांगनार. तरी कुरकुरायलीय की कैलास जीवणच्या बाटल्या हप्त्याला दोन कशा खपत्यात म्हनून. आता थोडं उमजून घ्याव की मानसानं...

ह्या ह्या ह्या ह्या! म्या शिरपती. न्हाय न्हाय. अंगावं नाय उडनार. थांबा. .... (पच्च्याक्क्क) हा तर रामराम! आमच्याबद्दल ऐकलं आसंनच की. वैनीबाय म्हनता ना तुमी त्या तिज्या (च्यायला आटावली तरी कसंसंच हुतंय) घराला लागून आमचं घर. आता हुंबरा हुता लागून त्यात काय आमची चूक? झालो ल्हानाचं मोट्टं येका साथीनं. उमजाय लागल्यापसनं बायलीची लईच्च तयार! पोरी लय लवकर शान्या हुत्यात. पाक येड लावलेलं. आता वयात आल्यावर व्हनार की थोडं हिकडं तिकडं. झालं. पन आयच्यान काय जास्त नाय. उगा आपलं हिकडं तिकडं. पोर्गी तशी खानदानी. आमी पन काय मनाला लावूनच नाय घेतलं. त्यातच दुसरी घावली. खालच्या आळीची. केली मजा आनि परत गेली की सोडून. आलु परत हिकडं म्हनलं बये चूक झाली घे पदरात. लगीन करन म्हनलं. कानसुलात दिली वो! दोन चार पोरं होती संगतीला. लई अपमान झाला. पन शेजारी हुती म्ह्नून गप बसलो. आयच्यान लई पेटलो. म्हनलं गेली ...! पन काय का म्हनना. परत पोरीमागं नाय. कुटल्याच! आपन भलं आनि काम भलं. नशिबानं पन हात दिला. तालमीत आमदारसायेबांनी बगिटला. तालुक्याचं उपाध्येक्ष हाय. कशाला कमी न्हाय. दोन सालामागं बुलेट घेटलो. मजेत आस्तंय काम. बरं ती तुमची वैनीबाय आलती गावाकड. कुन्ची ती मोट्टी थोर्ली स्कार्पिओ घिऊन. सोनं नानं मस्त हुतं अंगावं आन लई खिदळत बी हुती. उगा डिवाचलं. म्हनं त्वांड बगा. बुलेट घिऊन फिरनाराचं. मला कानसुलात दिल्याली आटावली. जरा म्हनलं मजा करु. आनि त्यादिशी नेमकंच 'पावनं' दिसलं....