अळीवाचे लाडू
Primary tabs
थंडीने तिचा गुलाबी रंग दाखवायला सुरुवात केली नाही तर इथे आम्हा खवय्यांची season special list तयार होऊ लागली. अहो काय काय यादी करावी तितकी कमीच. त्यात आवडत्या अळीवाच्या लाडवांचा क्रमांक प्रथम. करायला सोप्पा खायला त्याहून सोप्पा आणि एकदम healthy अशा या लाडवाने यादीची सुरुवात करूया.
साहित्य:
१ वाटी खवलेला नारळ
३/४ वाटी चिरलेला गूळ
१/४ वाटी अळिव
२ छोटे चमचे वेलची पूड
कृती:
१. अळीव नारळाच्या पाण्यात अथवा साध्या पाण्यात ४-५ तास भिजवावेत. साधारण अळीव भिजतील इतके पाणी घालावे व झाकून ठेवावे.
२. भिजवलेले अळीव, गूळ आणि नारळ एकत्र करावे व मंद आचेवर शिजण्यास ठेवावे. अधे मधे ढवळावे म्हणजे मिश्रण खाली लागणार नाही.
३. सर्व मिश्रण छान एकजीव झाले कि गॅस बंद करावा.
४. गार झालेल्या मिश्रणामध्ये वेलची पूड घालावी व त्याचे लाडू वळावेत.
काही महत्वाचे:
गुळाच्या गोडीनुसार त्याचे प्रमाण कमी जास्त करावे.
गुळ असल्यामुळे या लाडवांची चव वेगळी असणार यात शंकाच नाही. बाकी हे अळिव म्हणजे काय? याआधी कधी पाह्यले नाही.
अळिव म्हणजे हळिव किसनद्येव!
आता राधाराणीला कामाला लावा.
हळिवाची खिरपण करतात. फक्त हे हळिव व्यवस्थीत भिजावे लागतात. पाण्यात घातले की गुळगुळीत होतात. अगदी सब्जा बियांसारखे.
अरे, हे तर दिवाळीच्या किल्ल्यावर जंगल येण्यासाठी जे वापरतो तेच आहे......!!!
=))
ते 'अरे' च्या ऐवजी 'अरेच्चा' टाका नि मग पहा काय बहार येते!
टक्कू ना अ/हळीव लाडवामुळे झालेल्या जळजळीसाठी धन्यवाद.
हे चावावे लागत नाहीत पण अळीव/हळीव दाढेत अडकतात. छळ होतो.
आम्ही मोहोरी आणि धने टाकायचो...
च्यायला, गुढघे दुखायला लागल्यावर या अळिवाचा लेप लावतात आम्ही 'हाळव' म्हणतो. चिकट असते तेच ना ?
आता घरच्यांना आपले लाडू दाखवण्यात आले आहेत. सर्वांना आवडले. आता कधी होतात त्याची वाट पाहणे आले.
-दिलीप बिरुटे
प्रा. म्हणजे तुम्हि या वयात(हि) लाडु देणार तर! (कॄ. ह. घ्या)
मस्त पाकृ.
मस्त दिसत आहेत लाडू!
मस्तच आहेत लाडू! पाकृ, फोटो सगळेच छान!
आई नेहमी साखर घालून करते. आता गूळ घालून करायला सांगतो.
मस्तच.....उद्याच बनवते
आमच्याकडे हे मेथीच्या लाडवात घालतात.
लय भारी ओ टक्कुशेठ ब्लॉगस्पॉटवाले !!
आम्ही मराठवाडा झिंदाबाद उहाच म्हणत नाही !!
या अळवाची खीर पण टाक रे भावा !! लय दिस झाले बघ खावुन :)
ते टक्कूशेठ नाहीत! टक्कूवहिनी आहेत!
लाडुत लाडु हळिवाचे लाडू!
मला सगळ्यात जास्त अवडणारे!
पाककृती मस्तच आणि फोटो तर अल्टीमेट :)
अळीवाचे लाडू गुळाचेच चांगले लागतात.
पाककृती आवडल्याबद्दल धन्यवाद! हे लाडू गुळाचेच खाल्ले आहेत. नारळ आणि गूळ हे मिश्रण भन्नाट लागते. :)