फ्लॉवर ची भजी

हिवाळ्याची मौज: फुलगोभी मटार पोहे
हि पाककृती वाचून पूर्वी केलेली एक पाककृती सुचली ती देत आहे.त्या मूळे फोटू नाहीत
वाकबगार मंडळी योग्य ते बदल करून हि पाककृती करू शकतील.

हिवाळ्यातील स्वत आणि मस्त फ्लॉवर चा तुकतुकीत पांढरा गड्डा आणावा.
एवढा कशाला आणलात असे सौ ने विचारावे. तुला भाजी ला किती लागेल तेव्हढा ठेव , बाकीच्याचे मी काय ते करतो असे सांगून स्वयंपाक घरावर अतिक्रमण करावे. अतिक्रमण पूर्वनियोजित असेल तर बेसन सुद्धा आधीच आणावे. ( कधी कधी बेसन संपत आलंय असली कारणे देऊन बेत हाणून पाडायचा प्रयत्न होतो)
फ्लॉवर ची फुले खुडून घ्यावीत ,धुवावीत. बेसन ,तिखट मीठ यांचे मिश्रण थोडे पाणी टाकून करावे चवीपुरते आमचूर टाकावे फुले त्यात भिजवून घ्यावीत. (देठ कमीतकमी ठेवावा फुलांचा)
कढईत तेल गरम करत ठेवावे चांगले तापले कि फुले त्यात सोडावीत मस्त तळून घ्यावीत , पहिला घाणा स्वयंपाक घराच्या मालकिणीला पेश करावा

आता अचानक आक्रमण रद्द करून विजय झाल्याच्या थाटात तो साजरा करायची तयारी करावी
.
.
.
आपोआप आपल्या डिश मध्ये गरमागरम फ्लॉवर ची भजी येतात
आपण युद्धभूमी वर केलेल्या पसार्या बद्दल काही ऐकू येऊ नये या साठी छानसे संगीत लावावे