ऑरेंज लिक्युअर केक

साहित्य-
२५० ग्राम साखर,५ अंडी,२५० ग्राम बटर/मार्गारिन,
२ चमचे ऑरेंज इसेन्स, २०० मिली ऑरेंज लिक्युअर ,१ चहाचा चमचाभर ऑरेंज कलर (ऑप्शनल)
१५० ग्राम मैदा,१०० ग्राम पोटॅटो स्टार्च/कॉर्न स्टार्च/आरारुट,
३ चहाचे चमचे बेकिंग पावडर, चिमूटभर मीठ

कृती-
साखर,अंडी, ऑरेंज इसेन्स एकत्र करणे व भरपूर फेटणे. त्या मिश्रणात २०० मिली ऑरेंज लिक्युअर घालणे व फेटणे.
२५० ग्राम बटर/मार्गारिन पातळ करुन घालणे व फेटणे.
मैदा+ बेकिंग पावडर+ पोटॅटो स्टार्च एकत्र करणे, त्यात चिमूटभर मीठ घालणे व हे एकत्र करुन वरील मिश्रणात घालणे.
१७५ अंश से. वर ३० मिनिटे बेक करणे व नंतर १५० अंश से वर २५ ते ३० मिनिटे बेक करणे.मंद बेक करणे ह्या केकला आवश्यक आहे.

विणायची सुई किवा सुरी केकच्या पोटात खूपसून पाहणे, जर मिश्रण चिकटले नाही तर केक झाला आहे असे समजावे.
केक झाला असला तरीही ५ मिनिटे तो अवनमध्येच राहू देणे. नंतर जाळीवर काढून घेणे व पूर्ण गार झाल्यावर तुकडे करणे.

ऑरेंजलिक्युअर मुळे एक वेगळा स्वाद येतो.
ज्यांना लिक्युअर केक नको असेल त्यांना संत्र्यांचा गर (साधारण वाटीभर)व अर्धा कप संत्रा ज्यूस घालता येईल.