शाक भाजी (वांगी,बटाटा चना भाजी )

'शाक भाजी ' नाव वाचून काही जणांना कळले नसेल काय प्रकार आहे तो ,पण हा वांग्याचा अत्यंत साधा पण चवदार असा प्रकार आहे ,तसे याला शाक भाजी का म्हणतात हे मला देखील ठाऊक नाही मी माझ्या एका मावशीच्या घरी हि भाजी खाल्ली होती आणि तेव्हापासून मला हि भाजी खूप आवडते ती तेव्हा या भाजीचे नाव शाक भाजी असेच म्हणाली होती ,असो आपल्याला नावाशी काय करायचे आहे आपण भाजी कशी करतात ते बघुयात ...

साहित्य : ४ वांगी,१ बटाटा ,१ टोमाटो,५-६ कढीपत्ता पाने ,वाटीभर उकडलेले चणे .२ लवंग ,४ काळीमिरी ,१,तमालपत्र .मीठ ,तेल ३ चमचे ,पाणी
वाटणासाठी :एक ते दीड इंच आले,६-७ लसुन पाकळ्या ,१चमचा जिरे ,१ चमचा लाल तिखट ,अर्धा चमचा हळद, १ चमचा गोडा किवा गरम मसाला हे सर्व पाणी घालून बारीक वाटून घ्या.
(टीप : आपल्याला हि भाजी फार रस्सेदार करायची नसल्याने येथे कांदा वगेरे वाटून घातले नाहीयेत अगदी थोडेसे वाटण पुरेसे होते )

कृती :वांगी बटाटा यांचे मध्यम आकाराचे काप करून ते पाण्यात घालून ठेवा ..

प्रथम कढाई मध्ये तेल घालून त्यात कढीपत्ता आणि वाटलेला मसाला घाला .

२ मी. परतून त्यात वांगी बटाटे चिरलेला टोमाटो आणि उकडलेले चणे ,मीठ टाका .आता लवंग ,काळीमिरी आणि तमालपत्र टाका .
नीट एकजीव करा ..

आणि त्यावर एक ताट झाकून त्या ताटावर त्यावर पाणी घालून भाजी शिजू द्या ...
वांगी बटाटे बटाटे वाफेवर शिजू द्यायचे आहेत ..मध्ये एखादा पाण्याचा हबका मारून पुन्हा झाकण ठेवून भाजी शिजू द्या ...तटावरील पाण्यामुळे आत वाफ तयार होईन भाजी शिजेल वांगी लगेच शिजतील पण बटाटे शिजले असे वाटले कि आच बंद करावी ..
आणि भाजी तय्यार आहे ..
हि गरम गरम वरण भाता बरोबर अप्रतिम लागते ..

(टीप : चणे ६-८ तास भिजवून कुकर मध्ये ४ शिट्या करून वाफवून घ्यावेत )+)