नरकयातना

आपल्याकडे विमा काढला जात नाही. विम्याला आपला समाज अजुनही बचतीचा एक मार्गच समजतो. त्या मुलीचा लहानपणीच विमा काढला गेला असता तर असे झाले नसते. खरेतर परिस्थिती गरीब असल्यामुळे हा मुद्दा इथे गैरलागु ठरतो तरीपण दारिद्र्यरेषेखालच्या व्यक्तीच्या अपत्यांना सरकारतर्फे ते मुल सज्ञान होउपर्यंतचा विमा दिला गेला पाहिजे.

>>अशा खरोखर गरजू रुग्णांवर तातडीने (/मोफत) केले जात नाहीत?

हॉस्पिटल कसे करणार मोफत उपचार ? सत्यसाइबाबांच्या हॉस्पिटल मधे असे फुकट उपचार केले जातात असे ऐकुन आहे.

या ७-८ वर्षाच्या मुलीने जिला आपल्याला नक्की काय झाले आहे, निधी म्हणजे काय, तो कधी गोळा होईल, हे माहितही नसेल.

हे मात्र खरं आहे.

असो, आजच यथाशक्ति मदत पाठवून मी माझा खारीचा वाटा उचलतो!

(व्यथित) तात्या.

ही बातमी इंग्रजी मधून कुठे प्रकाशित झाली आहे का? मला आमच्या कार्यालयात काही लोकांना दाखवता येईल.

बिपिन.

खरे तर, ट्रस्टच्या स्वरूपात असणाऱ्या (आणि काही सरकारी मदत वगैरे मिळालेल्या अशा अटींना आधीन असणाऱ्या) प्रत्येक हॉस्पिटलवर गरजू आणि गरीब रुग्णांसाठी उपचाराची व्यवस्था असते. किमान कागदावर तरी. त्यातून हे उपचार होऊ शकले पाहिजेत. तसे होत नाहीत कारण त्याविषयी एकूणच जनतेत अज्ञान असते. आणि जे त्याविषयी ज्ञानी असतात ते गरजू नसतात, पण लाभ उठवतात. याच बातमीतील रुग्णालयासंबंधात अशाच मुद्यावर एक आंदोलनही झालेले आठवते. या विशिष्ट प्रकरणात नेमके उपचार का होऊ शकले नाहीत याचा खुलासा केवळ पैसे नाहीत हा असू शकत नाही. त्या दृष्टीने त्या बातमीमागची बातमी काढली पाहिजे. त्या रुग्णालयामध्ये अशा मोफत उपचाराची सरकारी अट आहे का, असल्यास त्यानुसार हे उपचार का झाले नाहीत हे तपासले तर बऱ्याच बाबींचा खुलासा होऊ शकतो.