ग्वॉकोमोली (Guacamole)
Primary tabs
ग्वॉकोमोली हे एक मेक्सिकन डिप आहे. हे तुम्ही चिप्सबरोबर किंवा टोस्टवर लावुन किंवा सँडविच मधे स्प्रेड म्हणुन सुद्धा वापरु शकता. त्याची आपण पाकृ बघुया.
साहित्यः
अव्हाकाडो - १
कांदा - २ चमचे बारीक चिरलेला
टोमॅटो - २ चमचे बारीक चिरलेला
लसुण - १-२ पाकळ्या किसुन
हालापिनिओज मिरच्या - १-२ बारीक चिरुन (ह्या मिरच्या brine मधे marinate केलेल्या वापरल्या तर मस्त चव येते)
लिंबु - १/२ किंवा १/२ चमचा लिंबाचा रस
काळि मिरी पावडर - १/४ चमचा
ऑलिव्ह ऑईल - १ चमचा
मिठ चवीनुसार
कृती:
१. अव्हाकाडो मधोमध कापुन, मधली बी काढुन गर काढुन घ्यावा.
२. हा गर एका भांड्यामधे घेउन, काटे चमच्याने तो mash करुन घ्यावा. एकदम पेस्ट करु नये.
३. त्यात बारीक चिरलेला कांदा, टोमॅटो, किसलेला लसुण, हालापिनिओज मिरची, मिठ, काळि मिरी पावडर व ऑलिव्ह ऑईल टाकुन मिक्स करावे.
४. सगळ्यात शेवटी लिंबाचा रस टाकुन मिक्स करावे.
५. ग्वॉकोमोली खायला तयार आहे.
टीपः
हे ग्वॉकोमोली तयार करुन जास्त वेळ बाहेर ठेवायचे नाही. ते काळे पडते. त्यामुळे जेव्हा खायचे असेल तेव्हा लगेच गर काढुन सर्व मिक्स करुन serve करावे.
कालच केली होती ही डिश मी. मस्त लागते.
भारी दिसतीये. एकदम फ्रेश असताना खाणे बंधनकारक असते खरे पण त्यामुळे रंग, चव खूपच चांगली लागते. फोटू पाकृ आवडली. मस्त!
थंडगार बियर सोबत ग्वॉकोमोली नाचोज बरोबर खायला मस्तच लागते. *drinks*
ह्या विकांताला सुद्धा हाच बेत आहे.
छान्,सोपी पाकृ!
झक्कास...
एक वेगळी पा.क्रु. समजली.
छान पाकृ.
वारल्या गेले आहे
बर्याच दिवसांनी पाक्रु आली.
अॅव्हॅकॉडो तेवढ आवडत नाही. पण करून पाहिलं पाहिजे. पाकृ चांगली आणि खास खास वेळी उपयोगी वाटते आहे.
फोटो दिलखेचक आलेत. हे डिप नॅचोज बरोबर मस्त लागतं. ह्यालाच अवकाडो साल्सा असेहि म्हणतात का?
सगळ्यांचे धन्यवाद. :)
हो पेठकर काका, मलाहि अव्हाकाडो नुसता खायला कधीच आबडत नाही, पण हे असे बनवल्यावर खुप छान लागते. नक्की ट्राय करुन बघा.
नक्कीच करून पाहणार. आता मला हुरुप आला आहे.
मस्त !!
अव्हकॅडो खूप आवडतं, व्हेरी गुड फॉर फॉलिक अॅसिड :)
सॅलॅडमध्ये त्याचा उपयोग करता येतो. स्वतःची अशी चव नसते पण इतर घटक असल्यामुले चविष्ट लागतं.
अत्यंत आवडीच्या Cuisineमधले आवडीचे डिप ग्वॉकोमोली, ह्यात ब्राईनमधल्या हॅलेपिनोजबरोबर थोडे ब्राईन / व्हिनेगर घातले तर छान चव येते शिवाय लिंबु रस घातल्यामुळे ते काळे पडत नाही. ताजेच खावे जर का आधी बनवून ठेवायचे असेल तर फ्रिजमध्ये झाकून ठेवावे, मस्तं राहतं.
मी तर कधी कधी तोंडी लावणं म्हणून पण बनवते:;)
मृणालिनी पाकृ फारच खतरनाक दिसतेय, हे डिप खुप आवडतं पण कधी वाटेला गेले नाही. खरेदी करताना अव्हकॅडो कच्च तर नाहिये नाहीये ना असा नेहमी प्रश्न पडतो, (तयार/पिकलेलं कसं दिसते हे ही माहीती नाहीये :( )
फोटो तर एकदम झकास आलेत!
झक्कास !!
अॅव्हाकाडो भारतात काय नावाने मिळते?
उसात असताना ग्वाकमोली चिपोतलेज मधे खाल्ल्याचं आठवतं आहे. बरीतो बाऊल (बोल) मधे.
मी उत्सुकतेने परवा एक अॅव्हाकाडो आणलं होतं. ते कापता कापताच हैराण झाले. वरती त्याला चवही कसली नव्हती आणि शेवटाकडे कडवट लागत होते म्हणून फेकून दिले.
तर,
शंका क्र. १. चांगले अॅव्हाकाडोचे फळ कसे ओळखायचे?
शंका क्र. २. सहजपणे कापण्यासाठी काही युक्त्या आहेत काय?
अव्हकॅडोचे देठ काढून बघावे, जर का हिरवट-पिवळट असेल तर ते चांगले पिकलेले आहे.
हा व्हिडिओ बघावा अशा पद्धतीने मी ही कापते व चमच्याने स्कुप करते.
अव्हकॅडोला स्वतःची चव नसते. एकदम ब्लँड फळ आहे ते. सॅलॅड, ग्वॉकोमोलीमध्ये त्याचा उपयोग करता येतो. काही ठिकाणी त्याचे आयस्क्रीम ही बनवतात :)
छान व अत्यन्त सोप्पी अशी पण आरोग्यदायी पाक्रु!
आता नाचोजची पण पाक्रु येवु द्या!
अव्हाकाडो आणि हालापिनिओज मिरच्या कुठे मिळतात ? olive oil साठी दुसरा कोणता option आहे ?
हाय,
भारतात आज काल तुम्हाला कुठ्ल्याही सुपर शॉपी मधे अव्हाकाडो आणि हलापिनोज मिरच्या अगदी सहज मिळतील. मला वाटते ऑलिवव्ह ऑईलला दुसरा काहि पर्याय नाही. कारण त्याची एक वेगळी चव असते. आपले साधे सनफ्लॉवर ऑईल किंवा शेंगदाण्याचे तेल एवढे खास लागणार नाही आणि ते असे कच्चे खाणे सुद्धा चांगले नाही. जर ऑलिव्ह ऑईल नसेल, तर नाही टाकले तरी चालेल.
आम्ही हेच कोशिंबीर म्हणुन खातो की. फरक एव्ह्ढाच की आवोकादोडो चे तुकडे करतो गर काढण्याऐवजी.
नाव समजले आता मला ह्या कोशिंबीरीचे.
धन्यवाद मृणालिनीताई.
आवोकाडो ला नैसर्गिक लोणी असे पण समजतात बरका.
छान पिकलेले अवोक्याडो अगदी नाजूक म्हणावे इतपत मऊ असते. हाताने कुस्करणे, कापणे सहज जमते.
छान पाककृती,
मी तर अवाकाडो कुरमुर्याच्या भेळीबरोबर खातो. छान भेळ होते.