Welcome to misalpav.com
लेखक: तिमा | प्रसिद्ध:
http://www.misalpav.com/node/27881 http://www.misalpav.com/node/27905 लिक्विड डाएट वर घरी पाठवल्यावर आपण यावर चार आठवडे कसे काढणार असे वाटत होते. कारण खालचा अर्धवट घसरलेला स्टेंट अर्धा अन्ननलिकेत आणि अर्धा जठरात लोंबत होता. त्यामुळे जठरावरचा वॉल्व्ह कायमचा उघडाच राहिला होता. काहीही द्रव पदार्थ प्यायला की थोड्याच वेळांत गॅसेस होऊन ते वर येऊ लागत. अर्ध्या तासात ते कमी होत. त्यानंतरच पलंगावर आडवे होता येत असे. रात्रीच्या वेळी तर, दर दोन तासांनी जाग येऊन उठून बसावे लागे आणि दोन घोट पाणी प्यायल्यावर ढेकरा कमी झाल्यावर परत झोपता येत असे. तर अशा तर्‍हेने, चार आठवड्यांनंतर या क्षेत्रांतील एका तज्ञ डॉक्टरची अपॉइंटमेंट मिळाली. त्यांनीही, तुमचे डॉक्टर माझेच विद्यार्थी असून ते तुमची व्यवस्थित काळजी घेतील, असा दिलासा दिला. त्या सर्वांच्या मते, स्टेंटस काढण्यासाठी सहा आठवडे थांबणे जरुरी होते. अखेर सहा आठवड्यानंतर माझी एक डायनॅमिक सी.टी. स्कॅनची टेस्ट घेण्यात आली. त्यांत, माझी अन्ननलिकेची जखम पूर्ण भरुन आल्याचे निदान झाले. ८ मे पासून स्टेंटपंजरी पडलेला मी, २१ जूनच्या दक्षिणायनाची वाट बघावी लागणार की काय, या चिंतेत होतो. पण १९ जूनच्या दिवशी डॉक्टरांनी माझे स्टेंटस काढायचा निर्णय घेतला. जनरल अ‍ॅनास्तेशिया देऊन सकाळीच माझे दोन्ही स्टेंटस काढण्यात आले. त्यांतही डॉक्टरांच्या कौशल्याची कसोटी लागली असे नंतर कळले. वरचा, नंतर बसवलेला पूर्ण सिलिकोन आच्छादित स्टेंट विनासायास निघाला. पण जठरांत अर्धवट लोंबणारा स्टेंट, हा पूर्णतः कव्हर्ड नव्हता. त्याच्या दोन्ही तोंडाला धारदार मेटलचे धागे उघडेच होते. इतक्या दिवसांत त्यावर टिश्यू ग्रोथ झाली होती. त्यामुळे तो तसाच वर ओढून घेणे शक्य नव्हते. डॉक्टरांच्या टीमने निर्णय घेऊन त्याला तसाच जठरांत ढकलला. तिथे तो पोहू लागला. मग पुन्हा त्याचे एक तोंड धरुन, तो बाहेर काढण्यात आला. या सर्व प्रकारांत, अन्ननलिकेला आतून ओरबाडले जाणे अपरिहार्य होते. पण त्या जखमा ४८ तासांत भरुन येतात. ऑपरेशननंतर दोन तास मला निरिक्षणाखाली ठेवले गेले. त्यानंतर सर्व प्रकारच्या टेस्ट करुन घरी सोडले. पहिले दोन दिवस, औषधे आणि लिक्विड डाएट वरच रहावे लागले. आज पहिल्यांदाच, न्याहारीला भाताची पातळ पेज खाताना बरे वाटले. आता काही दिवस, खिचडी, पातळ डाळभात यावर काढल्यावर मी नियमित अन्न घेऊ शकेन. या सर्व प्रकरणातून आता मी सहीसलामत बाहेर पडलो आहे, असे आता म्हणू शकतो. माझ्या या संकटाच्या काळात, मला प्रत्यक्ष वा फोनवरुन तसेच नेटवरुन तुम्ही सर्वांनी जो धीर दिला त्याबद्दल मी तुम्हा सर्व हितचिंतकांचा कृतज्ञ आहे. जाता जाता, स्टेंटबद्दल थोडी माहिती. पहिला स्टेंट १२ सेंमी लांब व २.५ सेंमी रुंद होता. दुसरा १० सेंमी लांब व २.५ सेंमी रुंद होता. Stent ह्यातला स्वच्छ स्टेंट पूर्ण आच्छादित आहे तर रक्ताळलेला स्टेंट जठरांत पोहून आला आहे.
प्रकार:
Story Type
विषय:

प्रतिक्रिया

तिमाकाका, आत्ता तुम्हाला ऑनलाईन पाहिल्यावर हेच विचारणार होते, की आता बरे झालात का? :) आता अकलेच्याकांद्याचा काही प्रॉब्लेम नाही हे बघून बरं वाटलं.

या सर्व त्रासातुन मुक्तता झाल्याबद्दल सर्वप्रथम आपले अभिनंदन. आपल्याला यापूढेही चांगले आरोग्य व दिर्घायुष्य लाभो हि परमेश्वराला प्रार्थना.

तिमाजी साहेब आपण हे सहन केलेतच पण ते मोकळेपणाने व आपली विनोदी वृत्ती न गमावता कथन केलेत हे विशेष . याचबरोबर या वेगळ्याच आजारास अधुनिक शस्त्र चिकित्सा कशी सामोरी जाते याची ही जाता जाता माहिती मिळाली. अलीकडे रीडर्स डायजेस्ट वाचनात नाही. पण आपल्या निवेदनाने त्याचे एक पान वाचल्याचे समाधान मिळाले. व आपण बरे झालात हे दुसरे समाधान ! आपण हा किल्ला लढवलात खरोखरच " तिमाजीअप्पा" असेच म्हणावयास हवे.

+1 अगदी खरं आहे. एवढा त्रास होत असतानाही सगळ्यांना ही महत्वपूर्ण माहिती दिलीत! आपल्या उत्साहाला सलाम!

कसलं काय काय सहन केलंत ओ तिमाभाऊ ! आता मात्र भरपूर खादाडी सुरु करा पाहू. खाण्यासाठी भरपूर आरोग्यमय आयुष्य लाभो !

सर्व प्रतिसादकर्त्यांना आणि वाचकांना मनःपूर्वक धन्यवाद!