फुलपाखरू उद्यान

नमस्कार धागा भटकंती मधे उघडावा की कलादालन मधे ते समजत नव्हतं. शेवटी भटकंती मधे उघडायचं ठरवलं. भटकंती फार लांबची नाही. ठाण्यातलीच. ओवळेकर वाडी, ओवळा, येथे हे फुलपाखरू उद्यान आहे. अनेक वर्ष फुलपाखरं, त्यांना पोषक ठरणारी झाडं इत्यादी बाबींचा अभ्यास करत हे उद्यान उभारलं गेलेलं आहे. इथे जाण्यासाठी घोडबंदर रोड वर हायपरसिटी सोडलं, की डावीकडे वेदांत हॉस्पिटल लागतं, ते गेलं की डावीकडे अतिशय छोटी गल्ली आहे. 'श्री गावदेवी कडे' असा फलक तिथे लावलेला आहे. तिथून आत जायचं. दोनच मिनिटांवर एल्व्हिस बटरफ्लाय गार्डन लागतं, पण ते 'हे' नव्हे. ते नवं आहे. त्याबद्दल माहीत नाही. तिथून पुढे जायचं, एकीकडे रस्ता उजवीकडे वळताना दिसतो, त्या वळणावरच एक गेट आहे. तिथे लिहीलेलं आहे, ओवळेकर वाडी. तेच हे. वडिलांनी सुरू केलेलं हे उद्यान आता दोन भाऊ चालवतात. हे उद्यान फक्त रविवारी सकाळी ८:०० ते १२:३० चालू असतं. ८ ला गेलात तर माहिती वगैरे नीट ऐकता येते. फुलपाखरू तयार होण्या आधीच्या स्थिती दाखवल्या जातात. प्रवेश फी १०० रुपये आहे, नाश्ता (बरा असतो, ग्रेट नाही) ५० रुपयांस मिळतो. आणि क्लिकक्लिकाट करायचा मग. हवशे नवशे गवशे सगळे आलेले असतातच. माझे फुलपाखरांचे फोटो फार काही बरे आले नाहीत. त्यामुळे ढीगभर फुलपाखरांचे फोटो नाही आहेत. त्यातल्या त्यात मला जमलेले फोटो इथे देत आहे. हा सरडा लक्षवेधी ठरला. जबर पोज देत बसला होता. अजून एक. गंमत तेंव्हा झाली जेंव्हा आम्ही सरडयाचे फोटो काढून परत फिरल्यावर एक वाक्य आमच्या कानावर आलं. एक मुलगा दुस-या मुलाला म्हणाला, 'अरे वो ग्रीन शॅमेलिऑन है; कलर चेंजिंग नही है...' इतकं ह्र्दयस्पर्शी वाक्य होतं ते की डोळे पाणावले. तिथल्याच एका नर्सरीतील हे जरबेराचं फूल आणखी एक जरबेरा ही कॉसमॉस ची फुलं इंडियन कॉमन टायगर इंडियन कॉमन टायगर याचं नाव आठवत नाहीये, बहुदा ब्लू टायगर तर अशी ही जागा, अर्धा दिवस घालवायला चांगला पर्याय आहे.