अभिनेता - "देवेन वर्मा "कालवश झाले.

हिंदी चित्रपटस सृष्टीतील एक संवेदनशील अभिनेता देवेन वर्मा यांचे आज र्‍हदयविकाराने सकाळी पुणे येथे निधन झाले. आपल्या सहज अभिनयाने त्याने रसिकांच्या मनाचा कोपरा काबीज केला होता. कॉमेडी ऑफ एरर्स वर बेतलेल्या "अंगुर" चित्रपटातील त्यांचा संजीवकुमारसोबतचा डबलर रोल मधला सहकलकार हा त्यांचा सर्वात भावलेला रोल. सिलसिला मधे "विद्यार्थी" या अमिताभ ला समजवणार्‍या मित्राचा रोल असो किंवा "रम्गबिरंगी" सिनेमात अमोलपालेकरला वेगवेगळ्या भूमीका निभवायला सांगणारा मित्र असो. त्यानी कधी खलनायकी भुमीका केल्या नाहीत मात्र वाट्याला आलेल्या छोट्याशा भुमीकेत असे काही रम्ग भरले की ती भुमिका लोकांच्या लक्षात राहिली. देवेन वर्मानी मराठी चित्रपटातही काम केले" दोस्त असावा तर असा" मधली थोडीशी खलनायकी भूमिका असूनही त्यात त्यानी नैसर्गीक अभिनय केला. दिल चित्रपटातील त्यानी अभिनीत इन्स्पेक्टर रसिकांची दाद मिळवून गेला. अनुपमा , मिलन ,देवर ,कोरा कागज ,चोरी मेरा काम मधील प्रविन चम्द्र शहा च्या भुमीकेसाठी त्याना फिल्म फेअर चे सर्वोत्कृष्ठ विनोदीअभिनेत्याचे अ‍ॅवॉर्ड देखील मिळाले. "बेशरम " नामक एका चित्रपटात त्यानी तिहेरी भुमिका म्हणजे मुलगा , बाप आणि मुलाची आई अशी धमाल केली होती. त्याना फिलम फेअर चे दुसर अ‍ॅवॉर्ड "चोर के घर चोर " साठी मिळाले. मात्र चतुरस्त्र अभिनयाची क्षमता असणारा हा अभिनेता मर्यादीत प्रकारच्याच भुमिका करत राहिला. असे असूनही त्यानी त्यात कधीही साचेबद्ध पणा जाणवू दिला नाही. अंगुर चित्रपटात सोबत संजीवकुमारसारखा सहज अभिनयाचा सम्राट असूनही देवेन वर्मानी त्या चित्रपटासाठी विनोदी अभिनेत्याचे अ‍ॅवॉर्ड मिळाले होते. फारुकशेख अभिनीत "किसी से ना कहना" चित्रपटातील मोजक्याच प्रसम्गात त्यानी बहार आणली होती. अमोल पालेकरांच्या गोलमाल चित्रपटात त्यानी"देवेन वर्मा"हीच भूमिका केली होती. २००० सालानंतर त्यांच्या फारशा भूमिका दिसल्या नाहीत आपल्या सहजसुंदर अभिनयाने चित्रपट रसिकांच्या आठवणीत स्थान निर्माण केलेल्या या धुरंधर अभिनेत्याला श्रद्धांजलीचे एक पान अर्पण.........