सिकोया नॅशनल पार्क

राम राम मंडळी, गेल्याच शनिवारी सिकोया नैशनल पार्क ला जाऊन आलो. सिकोया नैशनल पार्क हे नेवाडा राज्याच्या दक्षिणेला लागून आहे. या नैशनल पार्कची स्थापना २५ सप्टेंबर १८९० साली झाली. हे पार्क ४०४ ०६३ एकरावर पसरलेले आहे. समुद्रसपाटीपासून ची उंची १४,५०५ फुट. किंग कैनियोन नैशनल पार्कला लागून असलेले हे पार्क मोठमोठाल्या प्राचीन वृक्षांसाठी प्रसिद्ध आहे. शनिवारी सकाळी लवकर निघून संध्याकाळी लवकर परत येण्याचा बेत होता पण शुक्रवारी मजबूत पार्टी झाल्यामुळे सकाळी लवकर उठणे झाले नाही आणि निघू निघू म्हणता १० वाजले. हे जंगल अस्वलांसाठी प्रसिध्द आहे पण आम्हाला एकही दिसले नाही. हिवाळा असल्यामुळे जंगलाचा उंच भाग बर्फाच्छादित झाला आहे. पहाण्यासारखी जी ठिकाणे होती त्यापैकी बरीचशी हिवाळ्यामुळे बंद होती त्यामुळे हिरमोड झाला. परत एकदा फेरी मारून ती ठिकाणे कव्हर करण्याचा विचार आहे. माझ्याकडे एसएलआर कैमेरा नाहीये त्यामुळे साम्सुंग नोट २ ने काढलेले फ़ोटो. नुकताच पाउस पडून गेल्यामुळे रस्त्याच्या आजुबाजुला हीरवळ होती. वातावरणही अल्हाददायक होते. ५० मैल गाडी चालवल्यावर बर्फाच्छादीत शिखरे दिसू लागली. पहील्याच स्पॉट्ला फोटो काढायला थांबल्याबरोबर तिथल्या मुली आमच्या बरोबर असलेल्या सरदारजींना फोटो काढण्याची विनंती करु लागल्या. काय त्या लोकांना एवढं सरदारजींचं आकर्षण काय माहीत.. बर्फाच्छादीत डोंगर जवळ आले. पुढे असणारा सर्व रस्ता स्वप्नवत होता. हा शरमन ट्री स्पॉट. चित्रात दिसतेय ते एक शौचालय आहे. एवढे सुंदर शौचालय मी कधी पाहीले नव्हते. आणि हेच ती प्रसीद्ध मोठमोठाले व्रुक्ष !! प्रवासात मधे मधे दिसणारी ही हिमशीखरे !! खालील फोटो थोडा लांबून घेतल्यामुळे अंदाज येत नाहीये पण झाडांचा बुंधा १० फुटांपेक्षा जास्त रूंद होता.