उन्हाळी सुट्टीमधल्या सहली

उन्हाळा हा फिरण्यासाठी फारसा योग्य सीझन नाही त्यामुळे सहलीच्या ठिकाणांचे पर्याय कमी असतात पण शालेय सुट्ट्या या वेळेस असल्याने ट्रिपचे नियोजन करायचे आहे. सहकुटुंब फिरता येतील . गाडीने जाउन ४ दिवसात ट्रिप करायची आहे कारण ऐन वेळेस ट्रेन बुकिंग मिळत नाहीत. अशा पर्यटन स्थळांची माहिती ( हॉटेल, पाँईटस, प्रवास , इतर) हवी आहे . मी शोधलेली काही ठिकाणे १. सापुतारा : पुण्याहून ३५० किमी असणारे हे गुजरात मधले थंड हवेचे ठिकाण आहे. हस्तकला प्रदर्शन, तलाव , बोटींग, रोप वे, सुर्यास्त पाँइट ही आर्कषणे आहेत. येताना वणीची सप्तश्रृंगी देवी बघता येते. जास्त वेळ असेल तर नाशिकच्या वाईन फार्म्स मध्ये सुद्धा दिवस घालवता येतो. दुवा २. महाबळेश्वर : पुण्यापासून १२० किमी वर आहे. वेण्णा लेक आणि बरेच पॉईटस आहेत.जानेवारी ते मार्च स्ट्रॉबेरीचा सीझन असतो. तापोळा देखील छान आणि जवळ आहे. तापोळाला बोटींग करता येते. ३. दांडेली : पुण्यापासून ४४० किमीवर दांडेली अभयारण्य (कर्नाटक) आहे. आवर्जून भेट द्यावी असे हे ठिकाण आहे.हे अभयारण्य जंगल सफारीसाठी प्रसिद्ध आहे. रात्री कॅम्पिंगची सोय करतात. नदीमधले राफ्टिंग आणि रॅपलिंग असे साहसी खेळसुद्धा आहेत. बरेचजण इथे पक्षीनिरीक्षणासाठी येतात. रहाण्यासाठी खासगी, सरकारी होटेल्स आहेत. माबोवरचा दुवा इतर काही ठिकाणे माथेरान , चिखलदरा अशी आहेत. कोकणामध्ये उन्हाळ्याचा त्रास खूप होतो म्हणून तो विचार टाळला आहे. तुम्हाला माहिती असलेली पर्यटन स्थळे सुचवून मदत करा :)