ढेमश्याची भाजी

आधी फोटो पाहिले. तुमच्या उत्साहाला आणि लेखन शैलीला _/\_ :)

किमान एक वर्षापासून रेवतीतैंनी तुमच्यामागे या पाकृसाठी धोशा लावला होता. अखेर तो दिवस (भारतात रात्र) उगवलाच.

सुरुवात तर एकदम हळवं करून गेली. नागपूरला महालमध्ये माझे आजोळ आहे. आजोबांचा दुधाचा व्यवसाय होता. घरच्याच दुधाचे लाकडी पॉटमधले आइसक्रीम उन्हाळात एकदा खायला मिळायचे :-) . तसेच दशहरी आंब्यांचा रस, हाय हाय हाय :-) .

ढेमशांची रस्सा भाजी प्रथमच पाहिली. आमच्याकडे बटाट्यांची परतून केलेली भाजी असते तशीच ढेमशांचीही केली जाते. बादवे ग्रेव्हीसाठी मराठी शब्द रस्सा चालून जावा.

तपशीलवार कृती, फोटो आवडले. शेवट तर यकदम रोमँटिक हो.

या पाकृसाठी अहं लेखासाठी दंडवत.

बादवे एक वर्षापूर्वीच अमरावतीला ढेमशांची भाजी खाल्ली असल्याने फारसा हळहळलो नाही :-) .

ढेमसे म्हणजे गुजराथीत 'टिंडा' म्हणतात ते का?

भाजी नक्कीच करून पाहिली जाईल. भाजीत तेल आणि बायकोला मस्का जरा जास्तच वाटतो आहे. पण, निदान, भाजीचा प्रयोग करून पाहिनच.

काय लिहिलंय झक्कास. दशहरी, केशर आणि ढेमशाची भाजी..सगळेच वर्षानुवर्षांच्या आठवणीत घेऊन जाणारे.
अत्यंत आवडती भाजी आहे ही. आम्ही घरी पण वर रंगाभाऊंनी दिलंय तशी करतो किंवा मग भरली ढेमशी, भरल्या वांग्यांचा मसाला करतो साधारण त्याच पद्धतीने. ही पद्धत नवीन कळली. पुढची जी भारतवारी उन्हाळ्यात होईल, तेव्हा आंब्याबरोबरच ढेमशाची भाजी अग्रस्थानी असेल यादीत. मागच्या तीन वर्षात खाल्ली नाहीये. भ्यांSSSS
वेगळ्या पाकृसाठी आणि नोस्टॅलजिक करणार्‍या लेखनासाठी धन्यवाद!!

खरंच सलाम! फारच भारी लेखनशैली आणि इतक्या रात्री जागून एवढं छान, कंटाळा न करता लिहायचं म्हणजे कमाल आहे!

ढेमसं भारतात कधीच खाल्लं नाही. इथे मिळालं तर नकीच करुन पाहीन. पण एक वाटी तेल पचनी पडणं अवघड आहे :)

पाकृबद्दल धन्यवाद मुवि! तुम्ही माफी मागू नका हो. अशाने मी कबूल करून न दिलेल्या पाकृबद्दल तर गवि आणि सूड मला साष्टांग नमस्कारच करायला लावतील.
तुमची पाकृ सांगण्याची पद्धत आवडली. साहित्य पाहून तर नवशिक्यांचीही चूक होणार नाही. तुम्ही ऐनवेळी जो मसाला करून घालता हे व्हेरिएशन असावे असे धरून चालतीये कारण माझ्याकडे मिरचीपूड, छोले मसाला वगळता बाकीचे मसाले नाहीत. मग मूळ मसाल्याला जमेस धरून वाटण (ग्रेव्ही) करीन. आमच्याकडे हळूहळू टिंडे येऊ लागतील. भाजी केली की फोटू देईनच.पुन्हा धन्यवाद.
(ही वाखू साठवतिये).

आली एकदाची ढेमशांच्या भाजीची पाकृ. ही भाजी कधीच खाली नाहीये. इथे मिळाले तर करुन बघीन. मसाले एवढे नाहीयत.त्यामुळे जे आहेत ते घालुन करुन पाहीन.

रेवाककाला तुम्ही ज्या क्षणी/मिनीटी/ताशी/दिवशी/महीनी/वर्षी वचन दिलात तेंव्हाच मी फ्रोझन सेक्शन मधुन हे ढेमशे/टींडा आणुन ठेवलेत. आजवर ते फ्रीज मध्ये पडुन या दिवसाची वाट पहात होते. आता मी त्यांना मोक्षाला पाठवेन.
धन्यवाद!!
आता लेख आणि पाककृती....हाय हाय मुवी!! भारतवर्षात असही एक घराण असावं जेथे स्वयंपाकघरात झारा चालवल्याशिवाय लग्नाची संमत्ती मिळत नसावी?
अन तो पदार्थ प्रथम पत्नीला चाखण्यास मिळावा? ऐकावं ते नवलच!!

जब्राट लेखन! आमच्याकडे याला दिलपसंद असे फँसी नाव आहे .

कलाकार सलाम!!!

ही माझी अत्यंत आवडीची भाजी. सर्वात चांगली गोष्ट केवळ हिरवीमिरची, गोडामसाला, धने पावडर किंवा नुसती कोथिंबीर आणि भरपूर तेल (शेंगदाण्याचे) असले तरी मस्त भाजी बनते. दिल्लीत दशहरी सहज उपलब्ध असल्यामुळे हा! हा! तोंडाला पाणी येत आहे. आज घराजवळ शनी बाजार लागणार आहे. उद्या नक्कीच ही भाजी करेल.

किती छान लिहिलंय! झक्कास. असं काही वाचण्यासाठी एक वर्ष वाट बघायची तर विशेष काही नाही!

कधि येऊ जेवायला काका?

अफाट लिहिलय

लै भारी लिहिलंय.

वा!मूवि वा!क्या बात है.मजा येऊन राह्यला ना राव.

भाजीपेक्षा पाकृ-लेखन खमंग !

आहा.. ढेमश्याचि भाजी......
अप्रतिम......तुमची रेसेपी तर सही आहेच पण लिहीण्याची पद्धत त्याहूनही छान आहे. ढ़ेमशयाची भाजी, आमरस, कुरडया वाह, वाह......शेवटच्या काही ओळि तर A-क्लास!!

हा .... हे ढेमसे म्हणजे वेलवांगं बहुतेक.
कधी मिळालं तर करुन बघेन म्हणते. वाखु साठवतेय :)
बाकी पाकृ+लेखन मस्तच!!

मस्त पाकृ.. लेखनशैलीपण झकास.. माझ्या माहितीत ह्या भाजीत हरभर्‍याची भिजवलेली डाळपण घालून केल्या जाते.

अवांतरः विदर्भाकडे केल्या जाणार्‍या, किंबहुना महाराष्ट्रात केल्या जाणार्‍या कुठल्याही पारंपारीक पाकृच्या भाजीत भरपुर तेल घातल्या जाते. कदाचित त्याकाळातल्या काबाडकष्टाच्या जीवनात जास्त तेल-तूप खाल्ले गेले तरी पचवल्या जायचे. ढेमश्याची, आलू-वाग्यांची, कोहळ्याची, पोपटीचे दाणे-वांग्याची ह्या सगळ्या भाज्या ज्यांच्या चवीची लहानपणेची आठवण आहे, त्या आता खायची हिंमत होत नाही आणि कमी तेलात केलेल्या भाजीची चव मनातल्या चवीशी जुळत नाही. नागपुरी सावजी मटणासारखीच, विणकर घरांतली 'डाळ-कांदा' म्हणून हरभर्‍याची ओली डाळ आणि भरपुर कांदा घालून केलेली एक भाजी असते. तेल बघूनच घाम येतो..

ढेमशाची भाजी, तिचे तुमच्या घराण्यातले ऐतिहासिक महत्त्व, (घरी आणि मिपावर )सादर करण्याची पध्दत सगळेच आवडले.
स्वाती

पाकृ मस्त.

नुकत्याच आपल्या ठरलेल्या डील नुसार (मला आठवत आहे तुमचं काय ते बघा ;) ) 'नेश्ट टैम' मी 'माल' आणला की परतीबरोबर तुम्ही ढेमसे खिलवा!

ढेमश्याची भाजी अजून खाल्ली नाही. मिपावर त्या भा़जीची रामायणाइतकीच लांबलचक चर्चा आणि आरोपप्रत्यारोपांचे महाभारत पाहत्/वाचत असताना उत्सुकता ताणली गेली होती. आता मुविंनी शब्द पाळल्यामुळे, ती भाजी या सगळ्याला न्याय देणारी असावी अशी खात्री वाटते... फायनल मत भाजी खल्ल्यावरच (ती सुद्धा, आमरसाबरोबरच) दिले जाईल ;) :)

मुविंनी आपल्या लेखनशैलीने आणि फोटोंनी मिपाकरांचे मन जेवढे जिंकले, तेवढेच (किंवा कांकणभर जास्तच) स्वतःच्या गृहमंत्र्यांचे ! ;)

गेल्या आठवड्यातच मातोश्रींच्या मागे लागून ढेमशी करायला लावली होती. इथे इतकी डीमांड आहे माहित असतं तर फोटो तरी नक्कीच काढून ठेवले असते. .. ह्म्म!!

बायकोला खुश करायची ही धमाल पाककृती एकदा आवर्जून करण्यात येईल.

पाककृती आणि लिहीण्याची पद्धत आवडली. मजा आली.
नागपूर वर्ध्याला बऱ्याचदा लग्नात सुद्धा ढेमशाची भाजी असते. ती बहुदा भरलेल्या ढेमशाची असते.
आमच्याकडे ही भाजी पुरुषांनीच करायची असले काही नियम नसल्याने आम्ही आजवर ही कशी करतात यावर फार विचार केलेला नाही. घरी बायकोला ढेमशाची भाजी फार आवडते त्यामुळे चिरलेले ढेमशाची किंवा भरलेल्या ढेमशाची मसाला कमी जास्त करुन भाजी होतच असते. फक्त दरवेळेला आमरस असेलच असे नाही.

सुरेख पाककृती आणि तितकेच सुरेख वर्णन. शेवट तर फारच तरल आणि भावनोत्कट ! रविवार सत्कारणी !!

मस्तच... आमच्या घरी ढेमसे आवडीने केले जातात.. :)

मी अजून कधी खाली नाहिये पण लिहिण्याची स्टैल भारी :)

मस्त ढेमशाच्या भाजीच्या जेवणानंतर ताणून देतांना ही पाकृ वाचणारा मी पहिलाच असेन. काय योगायोग आहे !!! पाकृ नवीन आहे. आई नाहीतर ताईच्या मागे लागावे लागेल...

येतोच आता तुमच्याकडे... तसाही अधिकमास सुरु आहेच.
तेंव्हा, अधिकस्य अधिकम् ढेमसंफलम् ;)

ढेमसे कधी खाल्ले नाही पण पाककृती व वर्णन आवडले :)

जरा आधी मिपा उघडून बघायला हवं होतं, शन्वारी पुरणपोळीऐवजी ढेमसे आमरस असा बेत केला असता मग!!

ही पण कला आहे का अंगात. :)

भारी आहे.
पहिल्यान्दाच ढेमसे म्हणजे काय ह्याचे आकलन झाले.

ढेमसे भाजी आणि आमरस.... आज आत्मा तृप्त झाला. धन्यवाद मुवि.

पाकॄ वाचूनच तोंडला पाणी सुटले आणि त्यात काकांनी फोटो टाकून तर अजूनच जळवले....