शनिवार वाड्याला जातोय..तरी काही माहिती हवी आहे

किती करायच्यात? १००?

उगा काहितरीच

काsss हीssss हीssss हा काहीतरीच...तुमच आपल उगा काहीतरीच ब्वा...

पहिला पेश्वेचा माहित पाहिजे (खास करून नारायणराव पेशवे चा ), जास्त खर्च येत नाही असं समजा आठवडी बाजार ला चालला आहे. ६ तास कमीच पडतील पुणे फिरण्यासाठी. प्रवास PMT बस मधूनच करा (बघा कशा बसेस हाकतात), खरेदी करायची आहे तर जयहिंद किंवा मेन्स avenue जा चांगले branded कपडे स्वस्तात भेटतात, july मध्ये discount सुद्धा असतात. पुस्तके ABC चौक मध्ये खरेदी करू शकता (शालेय सुद्धा ) तेही discount मध्ये. खाण्यासाठी शनिवार वाड्याच्या पुढे corporation आहे न तेथे 'भारती वडेवाले' आहेत, एक नंबर वडापाव , त्याच्या बाजूला एक दाबेली वाला सुद्धा आहे तेही खूप छान आहे. तहान लागली तर हॉटेलात चहा प्या म्हणजे पाणी free मिळेल . कात्रज चा पार्क बघायला विसरू नका. वेळ मिळाला तर सिंहगड ला सुद्धा जा.

उगा काहितरीच म्हणून टाकला आहे का हा लेख, असा असेल तर तुमच्या 'ह्य फाल्तु लेखाचि' कीव येईल.

खिक्क

अ एबीसी चौक नाही ओ अप्पा बळवंत चौक म्हणा .

शनिवार वाड्यासमोर एक कारंजे पण त्या तिथे तुम्हाला फोटो काढता येतील. मागच्या ट्रीपला मी काढल होते. पण आधी कारंजे चालु व्हायच्या तारखेची माहिती तुमच्या टुर गाईडकडुन घ्या. तो महानगरपलीकेतुन माहिती काढुन तुम्हाला देवु शकतो. फारच सुवर्णक्षण असतो तो, वर्षातुन एकदाच चालु करतात म्हणे ते कारंजे!! तुमची सहल आनंददायी होवो !!!

आधी तुम्ही मंडैत या, म बघू! ;-)

मांजर सोबत आहे का?

शनिवार वाड्या मध्ये करण्यासारख्या बर्याच famous activities आहेत

अश्लील अश्लील

शनिवार वाड्या मध्ये करण्यासारख्या बर्याच famous activities आहेत, पण त्याच्या साधारण किमती सांगू शकाल का कुणी? आणि कोणत्या activities worth doing आहेत.?

famous activities नक्कीच worth doing असाव्यात असा अंदाज आहे, पण सहा मुलांत तुम्ही काय काय आणि कसं म्यानेज कराल हा प्रश्न पडलाय.

वाडा जळालेला असून त्यांत काहिच नाहि उगाच मुलांचे हाल करु नका.हितचिंतक .

शनिवारवाड्यात बघण्यासारखे काहीही नाही. बाहेरून तटबंदी असली तरी तटबंदीच्या आत थोडिशी हिरवळ व काही झाडे आहेत. गेलात तर वेळ फुकट वाया जाईल. त्याऐवजी राजा केळकर वस्तुसंग्रहालय किंवा पु.ल. देशपांडे उद्यान बघा.

शनिवारवाड्याच्या बाहेर एक मशीद कि दर्गदर्गा. तिकडे तोंड करून उजव्या हाताने बाहेर पडलात की नवग्रनमंदीर आहे. तिथे जेवणाची सोय होते. ताट घरून घ्यावे लागते. जुम्मा चुम्मा या गाण्यातील पोर्सेलिनचा मग सोबत असल्यास मज्जाच मज्जा. तिथेच एक पुणेकर आडनावाचे गृहस्थ कवींंची संघटना चालवतात. तिथे जाऊन पुस्तके विकायला आहेत का अशी चौकशी करावी. तीन तासाचा वेळ असल्यास मला कविता आवडतात एव्हढे तरी नक्कीच म्हणावे. तुमच्या मोकळ्या वेळेचा प्रश्न सुटेल. सोबत पुरूष माणसे असतील तर शनिवारवाड्याच्या बाहेर कान कोरणे, दाढी आणि कटींग अत्यंत स्वस्तात करून मिळेल. पाणीपुरीवर एक मसाला पुरी फ्री तसं गालावरून तुरटी मिप्रवण्यात येईल, वरून अंग रगडून देतात. पुण्यात आलात आणि फ्री सोडलंत तर दौरा वाया जाईल. जाऊ द्या, आम्ही सांगायाचो कळकळीने आणि तुम्ही नंतर टिंगल करणार. कुणाला काही वाटत नाही हो पुण्याबद्दल. जळके कुकडे मेले ,मासेखाऊ सगळे !

१. साधारण जेवण कितपत खर्चाचे असते? कुठल्याही हॉटेलचा कुठलाही प्लान घेतला नाही. म्हणुन दुपारच्या जेवणाची सोय बाहेरच करावी लागणार .

एकादशीला आलात आणि वृत्तीने धार्मिक असाल तर अजिबात खर्च येणार नाही.

२. घरुनच सुटे पैसे न्यावेत ? कि तिथेच बदलावे? कोणत्या नोटात बदलावे? १०-१० , कि ५०-५० ? साधारण किती १-१,५-५ असे सुटे जवळ ठेवावे?

शक्यतो पुण्यामधे सुट्टे पैसे घेउनचं सगळीकडे फिरावे. साधारण १२-१२ रुपयाची किमान ४३ नाणी, २५०-२५० रुपयांच्या १० नोटा अश्या स्वरुपात असु द्यावेत. त्यावर नवा व्यापारचा शिक्का असेल तर फुकटात व्याख्यान ऐकायची सोय पण होते. बाकी ग्रीस च्या चलनाला पुण्यामधे फाट्यावर मारलं जातं.

३. बर्याच फोरम्स मधेय वाचतेय कि "शनिवार वाड्याला पिण्याच्या पाण्याचे आबाळ आहे. म्हणजे हॉटेलात जसे आपल्या इथे सर्रास आणि मुबलक पाणी असते तसे तिथे मिळत नहि."

सत्यवचन. प्यायचं आणि वापरायचं पाणी माणशी ९० लिटरच्या बादल्यांमधुन घेउन यावं. तांब्याची सोय करुन मिळेल. फुलपात्र दोघात मिळुन एकचं मिळेल

४. शनिवार वाड्या मध्ये करण्यासारख्या बर्याच famous activities आहेत, पण त्याच्या साधारण किमती सांगू शकाल का कुणी? आणि कोणत्या activities worth doing आहेत.?

बैठ्या अ‍ॅक्टिव्हिटी करणार का मैदानी त्यावर खर्च अवलंबुन आहे. मैदानी अ‍ॅक्टिव्हिटी शनिवारवाड्याऐवजी बाहेरच्या रस्त्यावर करा. बेशिस्त वाहतुकीमधुन खो-खो खेळत रस्ता ओलांडणे. समोरच्याच्या गाडीच्या मागच्या बाजुला आपल्या गाडीच्या पुढच्या टायरनी चुंबन देणे हा खेळ हल्ली विशेष लोकप्रिय होतो आहे. बैठ्या अ‍ॅक्टिव्हिटी म्हणाल तर त्याविषयी नुकतेचं बैठी अ‍ॅक्टीव्हिटी करुन गेलेले श्री. शोनुटक्का साहेब उर्फ लाडोबा अधिक माहिती देउ शकतील. तांबीय अ‍ॅक्टीव्हिटीला पर्मिशण णाही. पोकळ बांबु घेउन लोकं जागोजागी बसलेले असतात. (नुसते. तांबे घेउन नाही).

६. शनिवार वाड्याच्या बाहेर खरेदी करण्या जोगे असे काही आहे का?

शनिवार वाड्याच्या शेजारी हल्ली बर्‍याचं सर्व्हिस इंडस्ट्रीज उघडलेल्या आहेत. कानातला मळ काढुन देणे, अत्तरं विकणे, चुना लावणे वगैरे वगैरे. आपला अ-नुभव हिच्चं खात्री.

. ७. साधारण या पुणे दौर्याला काय काय सोबत घ्यावे ?

चितळ्यांसाठी तुमच्या गावची/शहरातली फेमस बाकरवडी आणा. शिवाय सहनशक्ती पण आणा. तुमच्या काल-पनिक पिक-निकला सुबेच्छा!! पुस्प्गुच्च देउन स्वागत.

तरी दोन जेनुईन ग्राहक सापडले की...

१. साधारण जेवण कितपत खर्चाचे असते? कुठल्याही हॉटेलचा कुठलाही प्लान घेतला नाही. म्हणुन दुपारच्या जेवणाची सोय बाहेरच करावी लागणार .

सगळ्यात स्वस्त हवं असेल तर जोशी वडेवालें कडला वडा खा. तो पुण्याबाहेरच्या लोकांमध्येच जास्त फेमस आहे. असले प्रश्न विचारणार्‍यांना तो खायला लावला की पुन्हा असे लोक पुण्यात येत नाहीत. वैशाली रुपाली नावाच्या दोन बालिका उगाचच अतिमहागड्या आहेत आणि उभ्या उभ्या पायावर वारुळं जमायला लागली की जागा मिळते हे लक्षात ठेवा. बाकी पुण्यवान लोकांच्या पेठेत गेलात तर बर्‍याच ठिकाणी थाळी मिळते ती स्वस्त असते. पण पानात टाकलंत तर दुप्पट पैसे भरावे लागतात (आणि त्यामुळेच थाळी स्वस्त असते, नावालाच फक्त गरीब लोकांची काळजी हे बाहेर पडताना तुमच्या लक्षात येईलच). बाकी जेवण झाल्यावर तोंड धुताना वॅक वॅक, खॉक क्वॅक सारखे आवाज काढत तोंड धुणार्‍याचा सत्कार केला जातो हे लक्षात ठेवा (अर्थात हे आधी सांगतच नाहीत, त्यामुळे त्यांना सरप्राईज दिलंत तर उत्तम, त्यातून तुमच्या कुटुंबसंख्येमुळे हा ध्वनी हॉटेलच्या बाहेर सुद्धा जाईल त्यामुळे ते सत्कार करतीलच करतील याची काळजी बाळगा). २. घरुनच सुटे पैसे न्यावेत ? कि तिथेच बदलावे? कोणत्या नोटात बदलावे? १०-१० , कि ५०-५० ? साधारण किती १-१,५-५ असे सुटे जवळ ठेवावे? पुण्यातल्या बसच्या कंडक्टर्स जवळ भरपूर मोड असते आणि ती कुणाला द्यावी या काळजीत असल्याने ते वैतागलेले असतात. ५००-१००० च्या नोटा फक्त ठेवा. ४. शनिवार वाड्या मध्ये करण्यासारख्या बर्याच famous activities आहेत, पण त्याच्या साधारण किमती सांगू शकाल का कुणी? आणि कोणत्या activities worth doing आहेत.? पक्षीदर्शन ही सगळ्यात चांगली अ‍ॅक्टिव्हिटी. वेगवेगळ्या प्रकारचे व रंगाचे पक्षी दिसतात. काही पक्षी भारताबाहेरून सुद्धा आलेले असतात. दुसरी महत्वाची अ‍ॅक्टीव्हिटी म्हणजे 'काका मला वाचवा' चा आवाज कुठून येतोय का याचा शोध घेणं. यासाठी अमावस्येच्या रात्री जाणं आवश्यक आहे म्हणतात. एक लाईट शो पण सुरू झाला आहे. त्यात मराठ्यांचा इतिहास वगैरे बोरिंग गोष्टी सांगतात (नुस्तं सांगतातच आणि मग घरी जायला सांगतात). ती टाळली तर बरंच. तो बघणार असलाच तर डास मारायसाठीचं रॅकेट घेवून जा. टाईम पास चांगला होईल. ५. ह्या activities चे साधारण काही packages असतात का? आणि ते कुठून बुक करू शकतो? ते बुक करता येत नाहीत. आम्ही अशा गोष्टी सुलभ, सरळ करण्याच्या विरुद्ध आहे. उगीच माणसांचा लोंढा येवून सगळी तिकटं विकली गेली तर उगीच पुण्याची बदनामी व्हायची. तिकीट तिथंच विकत घ्यायचं. ६. शनिवार वाड्याच्या बाहेर खरेदी करण्या जोगे असे काही आहे का? आहे तर. बाहेर परकार आणि आयोडेक्स मिळतो. ७. साधारण या पुणे दौर्याला काय काय सोबत घ्यावे ? १. मराठी डिक्शनरी (जर तुम्ही विदर्भ साईडचे असाल तर) २. एक सुईदोरा ३. एक उदबत्ती ४. दोन बटाटे ५. एक ताडपत्री ६. पाँड्स पावडरीचे २ मोठे डबे ७. व्हिक्स इन्हेलर सध्या एवढं पुरे. मी इथे विचारलेल्या प्रश्ना व्यतिरिक्त अजून काही अवांतर माहिती मिळाल्यास उत्तम. अवांतर माहिती मिळण्यासाठी महाराष्ट्र सरकारच्या पर्यटन विभागाकडे किंवा चितळेंच्या मंडई शाखेकडे चौकशी करावी.

एकापेक्षा एक मौल्यवान सल्ले वाचून जीव धन्य झाला, डोळे पाणावले आणि पुणेकर असल्याचा मनापासून अभिमान वाटला :)

तिथे संध्याकाळी शनिवार वाड्यावर आधारीत ध्वनी-चित्र-प्रकाश कार्यक्रम असतो . रात्री फार उशीरा थांबु नये . कारण 'काका मला वाचवा' असे शब्द कानी येतात .