वाटाण्याचा चविष्ट पराठा

जिन्नस

• २०० ग्रॅम वाटाण्याचे दाणे
• ४/५ हिरव्या मिरच्या
• कोथिंबीर
• आले-लसूण यांची पेस्ट
• जीरे, तेल, मीठ
• २५० ग्रॅम कणीक

मार्गदर्शन

• प्रथम वाटाण्याचे दाणे, हिरव्या मिरच्या आणि कोथिंबीर मिक्सरमधून जाडसर काढून घ्याव्यात.
• एका पॅन मध्ये २ चमचे तेल घेवून जीरे, आले-लसूण पेस्ट टाकावे.
• नंतर वाटाण्याचे जाडसर मिश्रण त्यात टाकावे. एक वाफ आणून घ्यावी.
• कणकेत मीठ टाकून नेहेमीच्या पोळीसारखे भिजवावे.
• कणकेचे गोळे करून वरील मिश्रण त्यात भरून पराठ्यासारखे लाटावे.
• तेल टाकून तांबूस रंग येईपर्यंत परठा शेकावा.
• सॉस किंवा चिंचेच्या चटणीसोबत अथवा दहीसोबत खायला द्यावा.

टीपा
याच पद्धतीने थोडा बदल करून वाटाण्याच्या कचोऱ्याही करता येतात.

माहितीचा स्रोत

माझी आई