पाककृती

भरल्या मिरच्या.

By नूतन सावंत  ·   ·  8977 reads  ·  4 bookmarks

शाकाहारी जेवणाच्या थाळीत हवाच असा हा पदार्थ.अगदी कमी साहित्यात आणि वेळात होणारा,आणि म्हणूनच मला करायला,खायला आणि खिलवायला आवडणारा.फक्त या भावनगरी मिरच्या गावल्या की,झालं.बाकीचं साहित्य असतंच घरात.साध्या वरणभात किंवा आमतटीभातासोबत;भाजी असली,नसली;तरी या मिरच्या बहार आणतात.खरं नाही वाटत?करूनच पहा.

साहित्य:-

१. १०/१२ भावनगरी मिरच्या.
.

२. एका वाटी ओले खोबरे.
.

३. अर्धा चहाचा चमचा हळदपूड.
.

४. एक चहाचा चमचा भरून जिरे.
.

५. मीठ चवीनुसार.
.

६. एक पळी तेल.
.

कृती:-

१. मिरच्या धुवून पुसून त्यांना सुरीने एक चीर द्यावी.

२. ओले खोबरे ,हळदपूड,जिरे, मीठ शक्यतो पाणी न वापरता मिक्सरमधून वाटून घ्यावे.

३. हे वाटण मिरच्यांमध्ये दाबून भरावे.
.

४. पॅनमध्ये तेल घालून गरम झाल्यावर मिरच्या लावाव्यात.
.

५. आंच मंद करून एका बाजूने झाल्यावर परतून दुसऱ्या बाजूने होऊ द्याव्यात.जास्तीत जास्त ५ ते ७ मिनिटांत या छान खरपूस होतात.
.

रेवती

किती साधा सोपा पदार्थ आहे. मिरच्या अगदी ताज्या दिसतायत. फोटू आवडले.

मांत्रिक

वाळवलेल्या मिरच्या कशा करतात सांगू शकाल कृपया?

तर्राट जोकर

मंद आच ही एक मोठी शक्ती आहे--- ज्याला समजली त्याचा स्वयंपाक ग्रेट.....

एस

वा! ह्या मिरच्यांचे सारण अनेक पद्धतीने बनवतात. मी बेसनाचे व्हर्जन खाल्लेय. ओल्या खोबर्‍याचे सारण छानच असणार. सारणातही थोडेसे लाल तिखट, किंचित चिंचेचा कोळ व गूळ हे कॉम्बिनेशन मस्त लागते.

पियुशा

करायला अतिशय सोपी ! आम्ही तर कधी तेलात मिरच्या तळुन वरुन नुसत मिठ भुरभुरुन पण खातो.
मस्त प्रकार आहे
ब्यचलर्से लोक्स साठी अजुन एक ब्यचलर्से पाक्रु ;)

सानिकास्वप्निल

अहाहा!! मस्तं दिसतायेत मिरच्या.
आम्ही ह्यात वरच्या सारणासोबत थोडे डाळीचे पीठ घालून भरतो. आपल्या रोजच्या तिखटाच्या मिरच्यांमधे पण हे सारण भरुन छान लागतात, झणझणित.