अंजीर बर्फी

साहित्यः

सुकामेवा = १ कप
सुके अंजीर = १५-२० (४ तास पाण्यात भिजवुन)
खजुर = ७-८
तुप = ३ चमचे
वेलची पावडर = १ छोटा चमचा
जायफळ पावडर = १ छोटा चमचा

कृती:

१. एका पॅनमधे सुकामेवा मंद गॅसवर परतुन घ्यावा.

b1

२. मिक्सरमधे भिजवलेले अंजीर आणि खजुर बारीक वाटुन घ्यावे.

b2

३. मिक्सरमधे सुकामेवा बारीक करावा. (खाली फोटोत दाखवल्याप्रमाणे)

b3

४. पॅनमधे ३ चमचे तुप गरम करुन त्यात वाटलेले अंजीर व खजुर परतुन घ्यावे.

b4

५. सर्व मिश्रणाचा गोळा होईपर्यंत परतावे. गोळा तयार झाल्यावर त्यात बारीक केलेला सुकामेवा टाकुन एकत्र करुन घ्यावे.
थोडासा सुकामेवा वरुन सजावटीसाठी बाजुला काढुन ठेवावा.

b5

६. एका खोलगट पॅनला तुप लावुन त्यात हा गोळापारुन घ्यावा.
७. वरुन अजुन थोड्या सुक्यामेव्याने सजवुन बर्फी फ्रिजमधे सेट होण्यासाठी ठेवावी.

b6

८. ३-४ तासानी पॅन बाहेर काढुन त्याच्या वड्या पाडुन घ्याव्यात.

b7

९. अंजीर बर्फी खायला तयार आहे.

b8

b9

सर्व मिपाकरांना दिवाळीच्या हार्दिक शुभेच्छा!

मिपावर आता मिठाई पार्सल सेवा सुरु करण्यात यावी ! :)

मिक्सरमधे भिजवलेले अंजीर आणि खजुर बारीक वाटुन घ्यावे.
अंजीर सोलुन मग पाण्यात भिजवलेले दिसत आहेत... पण नक्की किती वेळ भिजत घालावेत ?

मदनबाण.....
आजची स्वाक्षरी :- ओ मेरे दिल के चैन, चैन आए मेरे दिल को दुआ किजिए... :- Sanam

नाही..जसे होते तसेच डायरेक्ट गरम पाण्यात भिजवले. ते भिजल्यामुळे पांढरे दिसतायत.

देखणी, तोंपासू पाककृती मृ.
अंजीर, खजुराचा गोडवा पुरेपुर या पाकृत उतरलाय.
साखर अजिबात न घालता पौष्टिक पाकृ दिल्याबद्दल धन्यवाद :)

मी ती फराळाची प्लेट पळवली आहे ;)