दहशतवादाचे कूळ आणि मूळ

आणि म्हणूनच अमेरिकेपेक्षा रशियाची दहशतवाद -विरोधी मोहीम अधिक विश्वासार्ह वाटते .... !

पटतय

पण या दहशतवादाचे मूळ आणि कूळ शोधू गेल्यास ते अमेरिकेच्या फसलेल्या अन चुकीच्या विदेश नीतीत अन युद्धखोरीत आहे हे स्पष्ट दिसून येणे... आणि म्हणूनच अमेरिकेपेक्षा रशियाची दहशतवाद -विरोधी मोहीम अधिक विश्वासार्ह वाटते .... !

हे मोदींना कोणीतरी समजावयास हवे.

विषय ठिक, पण मध्यपूर्वेचा सर्व आधूनिक इतिहासातील युरोमेरीकन ढवळाढवळ पहिल्या महायुद्धात ओटोमन (आताच्या तुर्कस्थानातले) साम्राज्य कोसळल्या नंतर सुरु झाली त्याच काळात इराक मधील मोसूल प्रांतात तेल मिळताच ब्रिटीश आणि फ्रेंचांनी इराक आणि सिरीया मधील सिमांच्या वाटाघाटी कशा केल्या, इझ्राएलात ज्युंना नेऊन बसवणे वगैरे सगळेच हैराण करणारे आहे. १) पहिल्या महायुद्धोत्तर ओटोमन साम्राज्य तुटताना इराक आणि सिरीया त्यांच्या पद्धतीने लावण्याचा फ्रेंच ब्रिटीशांनी प्रयत्न करून पाहीला तो स्थानिक बाथीस्ट चळवळींच्या हातात हे देश जाऊन फसला. हि बाथीस्ट चळवळ गांधींनी राजकारणात धार्मीक स्पिरीच्युआलीझम ला महत्व देतानाच सत्ता आणि धर्म याच्या फारकत करण्याची भूमिका काँग्रेसच्या माध्यमातून घेतली आणि सोशीआलीझमचा स्व:तचा फंडा जसा राबवला तशीच काहीशी फिलॉसॉफी बाथीस्टांची होती फक्त रेफरन्स इस्लामीक स्पिरिच्युआलीझमचा होता. जोडीला पॅन अरेबीझम धार्मीक अंगाने नव्हेतर भाषिक कारणांनी सर्व अरबांचा एकच देश असावा अशी फिलॉसॉफी जी प्रत्यक्षात राबवता आली नाही तिही होती. इजिप्तच्या नासेरांचीही साधारणता अशीच भूमिका होती. हि सर्वमंडळी नेहरुंसोबत अलिप्त देश चळवळीत होती. इजिप्त सिरीया आणि इराक मधील राजकारणात आणि भारतीय काँग्रेस मध्ये दोन फरक दिसतात ते म्हणजे त्या तीन देशांनी त्यांचे राजकीय पक्ष केवळ विचारवंतांचे म्हणून जोपासले म्हणजे सामान्य माणसाची पक्षातील एंट्रीवर रोक आला ज्याचा पक्षांतर्गत एकाधिकारशाही अधिक प्रमाणात जोपासली गेली, दुसरा फरक काँग्रेसने अनेकपक्षीय लोकशाही जोपासली टोकाचे विचार असलेले कम्युनिस्ट भाजपा असो वा मुस्लीम लिग स्वतंत्र भारतात यांनाही राजकारणात सहभागी होता आले ते इजिप्त, सिरीया आणि इराक मध्ये तेथील राज्यकर्त्यापक्षांनी दाबले. जो पर्यंत तुम्ही सत्ता उपभेगून पहात नाही तो पर्यंत सत्तेत नसलेल्या विचार प्रणालीचे आकर्षण वाढत जाऊ शकते. तसे पाहता इंग्रज प्रोतेस्टंट असतात स्वतः ख्रिश्चनांमधली कडवी मंडळी किंवा अरबस्थानातील ओमान घ्या मुस्लीमांमधली खरी कडवी असूनही हे दोन्ही देश बाकी धर्मीय अथवा देशांशी डिल करताना तेवढा कडवटपणा दाखवत नाहीत, काही शहाणपण सत्तेनेच येत असते, सत्तेत भाजपा आलीतरी काद्यांने डोळ्यात पाणी आणले की जनता भाजपाला पाय उतार करते, कम्युनीस्ट टांटांची बाजू घेताना कम्युनीस्ट नसलेला पक्ष आम्ही शेतकर्‍यांना अधीक चांगले रिप्रेझेंट करतो म्हणून निवडून येऊ शकतो कम्युनीस्टांना पाय उतार व्हावे लागते हे सगळे लोकशाही मार्गाने होते. आणि नेमके तेथेच स्वतःची राजकीय व्यवस्था राबवताना इजिप्त, सिरीया, इराक, आमेरीकेच्या हस्तक्षेपामुळे इराण येथील व्यवस्था चुकत गेल्या त्यांनी मल्टीपार्टी सिस्टीम न राबवल्याने असंतुष्ट घटकांना सत्तेत संधी नाही मिळाली की जमिनीखाली अदृष्यमार्गे असंतोष धुमसत राहतो आणि ती दबलेली वाफ संधी मिळताच कुठून ना कुठून बाहेर पडते. हि वाफ दाबली जाण्याला बराक ओबामांची निती जबाबदार वाटत नाही पण बाहेरुन इंजिनीअरींग करून मल्टीपार्टी डेमॉक्रसी ही लादता येत नाही हे ही ओबामांच्या नेतृत्वाने लक्षात न घेता तिथल्या चळवळींना मदत करण्यात प्रमाणाच्या बाहेर जाऊन उत्साह दाखवला का अशी शंका वाटत राहते ? (असाच काहीसा अती उत्साह भारताने नेपाळच्या बाबातीत अलिकडच्या इतिहासात दाखवलेला दिसतो) २) बर्‍याचदा मोठ्या संघर्षस्थितीत पॉलीटीकल आणि धार्मीक भाषिक सगळेच दिखाऊ असू शकते. तेलाचा आणि इतरही नैसर्गीक साधनसामग्रीचा विचार केल्यास वापरकर्त्या देशातील जनतेचा त्यावर प्रत्यक्ष कंट्रोल नसतो ते स्वकमाईचा पैसा मोजत असतात आपले ग्राहक जी नैसर्गीक साधसामग्री वापरतात त्यावर कंट्रोल व्यापारी वर्गास हवा असतो, व्यापारी वर्गास स्वतःच्या व्यापाराच्या सुरक्षेपुरती शांतताही हवी असते त्यासाठी व्यापारी वर्ग बर्‍याचदा शांततेच्या सद्भावी व्यक्तींची पाठराखणही करताना दिसतो. विरोधाभास असा की त्याच व्यापारीवर्गातला एक गट कोणत्याही परिस्थितीत व्यापार आपल्या फायद्यात रहावा म्हणुन व्यापारी फायदा अधिक फायद्यासाठी गुंतवत राहतो हे करताना राज्यकर्ते राजकारण मिडीया सर्वांना गुंडाळले जाते. सांगण्याच तात्पर्य अस की इथे आमेरीका देश म्हणून पाहून चालत नाही त्या पडद्यांमागे असलेले व्यापारी हितंसबंध जे बर्‍याच सहज उघड होत नाहीत. आपल्या देशातील लोक सोने वापरतात पण आपले व्यापारी युरोमेरीकनांप्रमाणे सोन्याच्या खाणींवर नियंत्रण मिळवण्याचा प्रयत्न करताना दिसून येत नाहीत तेथेही युरोमेरीकनांचे साम्राज्य आहे, कांगो देशात अतिरेक माजवून त्यांना सोन्यासाठी कसं लूटल गेल याचा एक रिपोर्ट आत्ताच वाचत होतो. सिरीया आणि इराक मध्ये इसिसच्या ह्युमन राइट रेकॉर्डवर टिकाकरूनही इसिसचा तेलाचा व्यापार उत्पन्न चालू आहेच हे तेल कस आणि कोण विकत घेत आहे त्यांच्या आजूबाजूच्या लँड बाऊंड्रीवरून जाऊन जाऊन किती तेल जाईल बाकीची तेलाची टंकर्स समुद्र मार्गेच जात असण्याची शक्यता नाही का ? तिथे युनो सहीत युरोमेरीकनांचाच प्रभाव नाही का ? त्यांच्या पर्यंत शस्त्रास्त्रे कशी पोहोचताहेत ? सगळच गोंधळात टाकणार आहे.

आणि म्हणूनच अमेरिकेपेक्षा रशियाची दहशतवाद -विरोधी मोहीम अधिक विश्वासार्ह वाटते .... !

आंतरराष्ट्रीय राजकारणात प्रत्येक देश स्वत;चे हितसंबंध जपत असतो आणि रशीया सुद्धा त्यांच्या हितसंबंधाचिच काळजी घेत असतो या पलिकडे त्यांच्याही भूमिकेकडे कितपत पाहता येईल या बद्दल साशंकताच आहे.

यांची परराष्ट्र नीती पाहिली तर त्यात समतोल किंवा Balance या तत्वाला प्राधान्य दिलेलं आहे. १९६२ च्या भारत-चीन युद्धात अमेरिकेने भारताला आणि सोविएत रशियाने चीनला मदत केली होती. १९६५ च्या युद्धाच्या वेळी अमेरिकेने पाकिस्तानला आणि रशियाने भारताला मदत केली होती पण खूपच कमी. १९७१ च्या युद्धाच्या वेळी पंतप्रधान इंदिरा गांधींनी अमेरिकेपासून दूर जाण्याचा आणि सोविएत रशियाशी मित्रत्व वाढवण्याचा निर्णय घेतला. अर्थात त्यामागे निव्वळ भारत-पाकिस्तान युद्ध किंवा बांगलादेश हे कारण नव्हतं. तेव्हा चीन आणि रशिया यांचे संबंध बिघडलेले होते आणि चीन-अमेरिका-पाकिस्तान असा त्रिकोण बनू पाहात होता. अमेरिकन अध्यक्ष निक्सन चीनला भेट देणारे पहिले राष्ट्राध्यक्ष होते. या सगळ्या पार्श्वभूमीला छेद गेला तो अफगाणिस्तानात १९७९ मध्ये सोविएत फौजा घुसल्यावर. अमेरिकेने रशियाला झुंजवून दमवण्यासाठी आणि रशियाची अर्थव्यवस्था जर्जर करण्यासाठी अफगाणिस्तानात भरमसाट पैसे आणि शस्त्रास्त्रं ओतली. त्यातून अल कायदा आणि तालिबान या दोघांचा जन्म झाला. पुढे गोर्बाचेव रशियाचे राष्ट्रप्रमुख झाल्यावर त्यांनी अर्थव्यवस्था सुधारण्यासाठी जी पावलं उचलली त्यातून पूर्व युरोपातील साम्यवादी राजवटी कोसळल्या अाणि शेवटी १९९१ मध्ये सोविएत युनियनचंही पतन झालं. त्यामुळे अमेरिकेला आणि भांडवलशाही बाजाराधिष्ठित पद्धतीला पर्याय उरला नाही. त्यामुळे निर्माण झालेल्या पोकळीत धार्मिक कट्टरवाद आणि दहशतवाद या गोष्टी अलगद जाऊन बसल्या. १६४८ साली (चूभूद्याघ्या) झालेल्या वेस्टफालिया कराराने State या संकल्पनेचं श्रेष्ठत्व आणि सर्वसमावेशकत्व अधोरेखित केलं होतं. आताच्या दहशतवादाने State या संकल्पनेला अाव्हान देऊन एक वर्तुळ पूर्ण केलं आहे.

साप सोडुन भुई धोपाटणे हा वाक्प्रचार वापरायची संधी बरेच दिवसांनी मिळाली

:)

धागा भरकटत आहे का?

दहशतवादाचे कूळ आणि मूळ काही विशिष्ट वाळवंटी पंथांत आहे. अमेरिकाही अशाच एका वाळवंटी पंथाच्या अतिरेकास बळी पडलेली आहे. -गा.पै.

अमेरिकेच्या नावाने ओरड्नार्यांना इसीस चा फुल फोर्म माहित नाही का ? त्याचं उद्दिष्ट , त्यांचा हेतू काय आहे जर स्पष्ट करून सांगता का भाऊ ? इस्लामिक स्टेट , खलीफाच राज्य ह्याच्याबद्दल जर उलगडून सांगाल का ? अमेरिका , रशिया कोणाच्या घरी जावून आमंत्रण देत नाही आमची शस्त्र विकत घ्या म्हणून . ह्या गोष्टी मुस्लिम राष्ट्रांतच का घडतात ? इतर धर्मीय राष्ट्रांमध्ये का नाही ? कारण शस्त्रांचा वापर सर्वाधिक कोणाकडून होईल हे उघड आहे . हा हल्ला म्हणजे म्लेंछ संहार होण्याची वेळ आली आहे ह्याचच द्योतक आहे

असोच हो असोच ^_^

दिड शहाने युरोपिअन मुस्लिम निर्वासितांना आसरा देत आहेत,आज गरज आहे म्हणून घुसलेली ही पिलावळ उद्या जिहादच्या नावाखाली तिथे थैमान घालणार नाही कशावरुन?? सर्व मुस्लिम देशांना तंत्रज्ञान, वैद्य्कीय मदद , आर्थिक मदद जगाने नाकारली पाहीजे...... let force them to stone age,then they will have no guns no weapens no technology to use against the world

आयसीस पुर्वीच्या दहशतवादी संघटनांपेक्षा कैकपटीने जास्त घातक आहे. १- त्यांच्या कडे अनेक मार्गांनी कमवलेला पैसा तेलविक्री ते अ‍ॅन्टीक वस्तु/मुर्ति विक्री ते ड्र्ग्ज विक्री अनेक मार्गांनी फार मोठा फंड आयसीस ने जमवलेला आहे. याचा गैरवापर करुन अनेक कारवाया त्यांना प्रत्यक्षात आणता येतात. २-क्रौर्याच्या बाबतीत आजपर्यंतची सर्वात क्रुर संघटना माणसे मारण्याचे अगदी भयावह क्रुर रीतीने माणसे मारण्याच्या मेथड्स त्यांनी विकसीत केलेल्या आहेत. ज्याने फार मोठी भीती त्यांनी निर्माण केलेली आहे. ३-यात विशेष म्हणजे ७० % पेक्षा अधिक तरुण २४ वयाच्या आतले च आहेत. आणि विशेष बाब म्हणजे अनेक युरोपियन अमेरीका आदी देशांतील तरुण ही ही संघटना जॉइन करत आहेत. यापुर्वी इतक्या विवीध देशांतुन इतके सभासद कुठल्याच अतिरेकी संघटनेला मिळालेले नाहीत. ४-सर्वात मोठा धोका त्यांनी उपलब्ध फंडद्वारे एखाद्या पाकीस्तान सारख्या अस्थिर कडुन अण्वस्त्रे विकत घेण्याचा आहे. हे संपुर्ण जगाच्या द्रुष्टीने फारच विनाशकारी अशी शक्यता सर्वात वाईट अशी शक्यता आहे.

नदीचे मुळ आणि साधूचे कुळ शोधू नये असे म्हणतात. तसेच दहशतवादाचे कुळ आणि मुळ शोधू नये. त्यामुळे खालील गोष्टी घडतात - १) दादा दरेकर (आत्ताचे मोगा ? ) आणि तर्राट जोकर सारखे लोक मिपावर धुमाकूळ घालतात. २) त्यांच्या कृपेने आपण सर्वांस नवीन इतिहास समजतो. ३) इस्लाम मधील शांततावादी आणि माणुसकीच्या तत्वांचा ( पोट धरून हसण्याची स्मायली ) फुकटात प्रसार केला जातो. ४) सगळी भानगड अमेरिकेने करून ठेवली आहे. आपण म्हणजे धुतल्या तांदळासारखे स्वछ आहोत असा प्रसार केला जातो. ५) धागा शंभरी ओलांडतो आणि नंतर वाचनमात्र केला जातो. ६) अल्प संख्याकांच्या (खरच आहेत का हो ते ?) भावना दुखावतात. ७) खान्ग्रेसी लोकांची वोट बँक कमी होते. आणि MIM ची वाढते. ८) देशात असहिष्णुता वाढू लागते. ९ ) लोक पुरस्कार परत द्यायला सुरवात करतात.

ज्या दिवसही जगात रशिया कडे सुद्धा अणु बॉंब आला व क्षेपणास्त्रे आंतरखंडीय बनली तेव्हा शीत युद्ध जोमात चालू झाले कारण प्रत्यक्ष युद्ध म्हणजे काही मिनिटात खेळ खलास तेव्हा रशिया व अमेरिका ह्यांना नवीन मित्र जमविण्यासाठी व त्यासाठी एकमेकांवर कुरघाडी करण्यासाठी दोन्ही देशांच्या हेर संस्थांनी अनेक देशातील चळवळींना पाठीन्वा देत पैसे शस्त्र प्रशिक्षण दिले त्यामुळे जगात अनेक ठिकाणी सीमेचे प्रश्न अजून चिघळले. व अनेक राष्ट्रात अतिरेकी संघटनांनी पाया रोवला. अफगानिस्तान मध्ये रशिया आल्यावर धर्मांची नशा त्यातून येणारे कडवेपण व त्यातून निर्माण होणारा दहशतवादाने रशिया मोडला तेव्हापासून त्याचा उपयोग अनेक देशात बडी राष्ट्रे आपापल्या फायद्यासाठी करतात. दुसरा अत्यंत महत्वाचा मुद्दा म्हणजे बड्या देशांचा शस्त्रत्रांचा व्यापार ह्या व्यापारात बड्या देशातील खाजगी शेत्रातील शस्त्र बनविणाऱ्या कंपन्या ह्या बहुराष्ट्रीय झाल्या त्यांचे अर्थ संकल्प हे छोट्या राष्ट्र्यांच्या अर्थ संकल्पाहून मोठे झाले. आता कोक पेप्सी जशी भारतात जाहिरात करतात तशी अमेरिकन विमाने व शस्त्रात्रे आपल्या उत्पादनाची जाहिरात करू शकत नाही एकतर जगातील कोणतेही सरकार स्वतःच्या रक्षणासाठी शत्रे विकत घेतात, तेव्हा स्वताचे रक्षण करावे असे एखाद्या राष्ट्रा वाटण्यासाठी त्या राष्ट्राला असुरक्षित वाटणे आवश्यक असते. मग बड्या देशांची हेर संस्था प्रसार माध्यमे व सरकार दोन देशातील भांडणे वाढवते त्याला फूस देते मग दोन्ही देशांना शत्रे विकली जातात भारत व पाकिस्तान अनुक्रमे रशिया व अमेरिकन शास्त्रात्रानी युद्धे लढतात . लिबिया मध्ये फ्रेंच लढाऊ विमाने बॉंब हल्ले करतात व भारताला तुम्ही आमच्यासोबत हवाई इतिहासातील सर्वात महागडा सौदा केला ती विमाने कशी गुणाची आहेत हे पुराव्याने शाबीत केले जाते. द्रोण तंत्रान्यांची जाहिरात करण्यासाठी पाकिस्तानात त्यांचे प्रात्यक्षिक केले जाते. त्यामुळे जो पर्यंत शस्त्रत्रांचा बाजार ह्या जगात आहे तेथे छुपे युद्ध दहशतवादाच्या स्वरुपात नेहमीच चालू राहणार आनंदाची गोष्ट भारतीयांच्या साठी अशी कि आता आपण ग्राहकांची भूमिका सोडून मेक इन इंडिया च्या अंतर्गत संरक्षण शेत्रात स्वावलंबी होणार आहोत व पुढे कदाचित आपण सुद्द्धा अमेरिका रशिया फ्रांस ब्रिटन जर्मनी व चीन सारखे अव्वल शस्त्र विक्रेते होऊ ते होण्यासाठी अजून १५ ते २५ वर्षांच्या कालावधी आहे. चीन शत्र विक्रेता होतांना आम्ही झोपा काढत होतो, आपले पंचतारांकित नगरीत स्वागत आहे.

@भंकस बाबा . मी अमेरिकेचे गोडवे गात नाहीये ओ . अमेरिका हा संधीसाधू देश आहे हे मलाही माहित आहे . पण इसीस ची निर्मिती केवळ अमेरिका, रशिया विरोधात झालेली नाहीये . त्यांचा मुख्य उद्देश सोडून आपण चर्चा वेगळ्याच अंगाने करत आहोत . आपला माल विकण्यासाठी आणि आपल्या फायद्यासाठी कोणीही प्रयत्न करणारच . पण खरेदी करणार्याला समजायला नको का . तुम्ही जे म्हणताय ते बरोबरच आहे . त्यात वादच नाही . पण माझ्या एकही प्रश्नाचं उत्तर दिलं नाहीत . अमेरिका , रशिया , इस्राइल पापी . आपण मात्र नैतिक , धुतल्या तांदळासारखे स्वछ असा खोटा प्रचार मुस्लिम राष्ट्रांकडून करण्यात येतोय . नाण्याच्या दुसर्या बाजूवरही चर्चा व्हायला हवी . @बाप्पू -. १ नंबर बोललात बघा .

धागा शंभरी ओलांडतो आणि नंतर वाचनमात्र केला जातो.

ह्याची तक्रार मी सुधा केली होती पण उत्तर द्यायचं सुधा सौजन्य सं. मं कडे नाहीये . आता नीलकांतलाच सांगणारे .

मूळ विषय- या जरतरच्या गोष्टी झाल्या तरी असे झालेच नसते असेही नाही. अरब क्रांतीच्या वादळात इतर हुकुमशहासारखे कदाचित सद्दाम हुसेन यांचे सिंहासनही कोलमडले असते.

तो लोकप्रिय नेता होता आणि त्याने इराकमधील अंतर्गत बंडाळी आणि बाह्य हितशत्रूंचा बीमोड व्यवस्थित करून इराकी जनतेला सुखाचे दिवस दाखवलेले होते.

लोकप्रिय नेता होता आणि त्याने जनतेला सुखाचे दिवस दाखवले, असे म्हणता येणार नाही. उत्तरेकडच्या कर्द लोकांना आणि दक्षिणेकडच्या शियांना (इराकमध्ये बहुसंख्यांक असलेल्या) त्यांनी वारंवार ठेचले. एवढेच म्हणता येईल, की बाथ पार्टीचे असल्यामुळे सुन्नी असूनही त्यांनी मूलतत्त्ववादी शक्तींना फोफावू दिले नाही. पण तरीही हुकुमशाही राजवट टिकवण्यासाठी पंथातल्या तेढीचा फायदा करून घेतला. अमेरिकेच्या धोरणाबाबत मात्र सहमत. मध्यपश्चिम आशियातल्या प्रत्येक देशाची दुखणी वेगवेगळी आहेत आणि अमेरिकेने त्याचा स्वत:च्या फायद्यासाठी योग्य तेव्हा, योग्य तसा उपयोग करून घेतला आहे.

आणि म्हणूनच अमेरिकेपेक्षा रशियाची दहशतवाद -विरोधी मोहीम अधिक विश्वासार्ह वाटते .... !

रशिया, इराण आणि सिरीया अशी मैत्री आधीपासून आहे. (पुतीन आता इराणमध्ये पोहोचलेय.) सीरियाचे काय करावे, हे गणित अमेरिकेला सोडवणे अवघड झालेय. असादांना विरोध तर करायचा, पण ते जावेत असेही मनापासून वाटत नाही. त्यामुळे रशियाने यात उडी घेतल्यावर थोडीफार बोंबाबोंब करून अमेरिका शांत बसली.