तुमच्या माहितीत तुम्ही या ताईंना काय करायचं नाहीये ते सांगितलंय. पण त्यांना स्वतःला काय करायची इच्छा आहे ते सांगितलंत तर काही सुचवता येईल.

हे पहा श्री जुबेर बिजापुरे यांचा http://www.misalpav.com/node/33837शेअर ट्रेडिंग कोर्स या धाग्यावरील प्रतिसाद. (फुकटचे श्रेय ढापणे पटत नाही) मी भाग्यश्री फाटक. तशी मी तुमच्यापेक्षा वेगळी अशी कुणी नाही. किंबहुना तुमच्यातलीच एक आहे. आता तुमच्यातली म्हणजे कदाचित १९९० किवा २००० च्या काळातली मी नसेन. पण जर वाचकांमध्ये जर कोणी गृहिणी असतील ज्यांची लग्न १९७५-१९८५ मध्ये झाली असतील आणि ज्यांनी गृहिणी ची भूमिका मुलं मोठी होई पर्यंत चोख पणे बजावली असेल, तर तुमच्यात आणि माझ्यात फारसा फरक नसेल. २००२ पर्यंत मी फकत एक गृहिणी होते आणि आज २०१२ साली मी stock market मधली एक यशस्वी गुंतवणूकदार आहे. आज मागे वळून बघताना लक्षात येतंय कि मी आरपार बदलून गेलीये. आयुष्याला एक नवीन दिशा मिळालीये. यश, संपत्ती, प्रतिष्ठा, आदर , मानसम्मान सगळं काही मिळालंय. आधी लोकां कडून stock market बद्दल सल्ले घेणारी मी आज विश्वासानी लोकांना ‘investment advice ‘ देत आहे. या blog च्या माध्यमातून माझ्या आयुष्याचा २००२ ते २०१२ हा प्रेरणादायी काळ तुमच्या पुढे मांडावा असं मी ठरवलंय. उद्देश सोपा आहे, माझा गृहिणी ते stock market investor हा प्रवास कदाचीत तुम्हालाहि share market च्या वाटे वर मदत करू शकेल , आणि share market मधली मजा वाचून तुमची मार्केटबद्दलची भीती कमी होईल. http://marketaanimi.com/

पैसा मिळवणे हे प्राधान्य नसले तरी सशुल्क वेळेचा सदुपयोग आणि बिझी राहणे हि गरज

उगा कोणाचे पोट मारू नका म्हणावं मग. एखाद्या सामाजीक संस्थेचे काम केलेत तरी उत्तम. किंवा सरळ आजूबाजूच्या वस्तीतल्या निरक्षरांना साक्षरतेचे धडे द्या. ते ही नको असेल तर मग त्यांना मिपावरती बोलवा. इथे बरेच रिकामटेकडे बयका-पुरुष आहेत. वेळ मजेत जाईल.

१. हाताला चव असेल तर चटण्या किंवा तत्सम पदार्थांचा बिझिनेस करता येईल. २. अभ्यासिका, दवाखाने , लायब्ररी - इथेही काम करता येईल पण ते १०-६ असेल असे वाटत नाही. ३. एखादी कला येत असेल, जसे की शिवणकाम, भरतकाम इ. तर आजकाल साड्यांच्या पर्सेस / पिलो कव्हर सेट इ करुन देण्याचा व्यवसाय अनेक जणी करतात. ते करता येईल. ४. पाळणाघरांमध्ये मावशांसोबतच टिचर्स / कोऑर्डिनेटर्स लागतात. ते ही करता येईल. स्वतःचे पाळणाघरच काढता येईल (पण ते हेक्टिक असु शकते) ५. तसाही पैसा प्राधान्य नाही तर सामाजिक संस्थांचे काम करता येईल जसे की गुरुकुल, चिंचवड येथे भटके पारधी समाजाची मुले रहातात. त्यांना चांगल्या शिक्षकांची गरज असते. असे एखादे केंद्र ठाण्यात असेल तर तिथेही काम करता येईल.

सेल अॉन स्नॅपडील.. सॉरी.. अमेझॉन,फ्लिपकार्ट इ. ..हँडिक्राफ्ट, कपडे, चाईल्डकेयर सप्लाईज, चॉकलेट्स, सीजनल फळं- उदा-आंबे(?!कदाचित काही संस्थळांवर परवानगी नसेल), लाडू, चटण्या , पेंटिंग्ज, बॅग्ज इ.इ.

१० ते ६ संपूर्ण मोकळा वेळ.....वॉव! स्वयंपाकघरात प्रयोग करावेत. टिव्हि पाहावा. (डिस्कव्हरी, डिस्कव्हरी ID, नॅशनल जॉग्राफी किंवा तत्सम), पुस्तके वाचावित, नविन छंद जोपासावा जसे, संस्कृत शिकणे, फोटोग्राफी, पेंटींग. किंवा संस्कार वर्ग घ्यावेत (शिकवण्या नाहीत), मुलांमधून सुजाण नागरीक घडवावेत, मुलांना सामाजिक जबाबदार्‍या शिकवाव्यात, संभाषण कला, शुद्ध शब्दोच्चार आवड आणि ज्ञान असेल तर मूलभूत अभिनय कला शिकवावी. आवड असेल तर प्राणी पाळणं हे सुद्धा वेळ घालविण्याचं, तणाव कमी करण्याचं साधन आहे. (कुत्रा बेस्ट).......... उरलेल्या वेळेत (उरलाच तर) मस्त ताणून द्यावी.

लोकेशन काय आहे?

हे ""BSC -physics with distinction हि शैक्षणिक अर्हता"" वाचल्यावर उत्तर सरळ आहे एखाद्या जवळच्या क्लासमध्ये मॅथ्स,सायन्स शिकवा.हेच कोणीही सांगेल. घरी शिकवण्या नका घेऊ. घराचं घरपण जातं आणि कधीकधी सोसायटीवाले तक्रार करतात. पण एक वर्ष क्लास ठीक आहे.मर्यादित जबाबदारी मर्यादित पेमेंट . व्यवसाय म्हणून टुअरिझम /बुकिंग चाचपणी करा.

M.S.C. करता येईल असे वाटते .

उदा. पर्ल पेट्,टपर वेअर लहान बाळांचे कपडे विकणे ..फार चांगली मागणी आहे. काही महिन्यात दुकानसुद्धा काढता येईल. वारली पिशव्या व असेच ज्युट वगैरेच्या पिशव्या विकणे. घरगुती पदार्थ करुन विकणे पौरोहित्य करण्याची आवड असेल तर ज्ञानप्रबोधिनिला कार्यकर्ते हवे असतात. पण पहीले शिकायला लागेल. आजकाल मुलुंड ठाण्यात पण त्यांचे लोक येतात असे ऐकले. अजुन सुचले तर सांगेन

धन्यवाद

वा चांगले सल्ले दिले आहेत. शेअर मार्केट चांगले आहे पण नीट कळ्ले पाहिजे.

थोडेफार तांत्रिक ज्ञान असेल किंवा शिकायची तयारी असेल तर खालील वेबसाईट उपयोगी आहे https://www.freelancer.com/job/ आपल्या स्कील सेट प्रमाणे, आपल्याला पाहिजे तसे प्रोजेक्ट्स घेत येतात. अगदी document writing, enter data in excel spreadsheet पासून ते software quality assurance, programming पर्यंत प्रोजेक्ट असतात. तासाप्रमाणे किंवा पूर्ण प्रोजेक्ट बेसिस वर पैसे मिळू शकतात. मुख्य म्हणजे घरी बसून तुमच्या सवडीनुसार तुम्ही काम करू शकता.

या बाबतीत मी थोडा वेगळा दृष्टीकोण मांडू इच्छितो. माझ्या परिचयात अश्या काही स्त्रिया आहेत, ज्या सुरुवातीला गृहिणी होत्या. पैसे कमावण्याची खरोखर गरज नसता त्या काहीतरी व्यवसाय करू लागल्या. जास्त पैसा घरात येऊ लागला, पण त्यांच्या जीवनविषयक दृष्टिकोणात फरक पडू लागला. वेळेची, नात्यांची आणि प्रत्येक गोष्टीची पैश्यात किंमत करण्याची वृत्ती बळावू लागली, अनावश्यक वस्तूंची खरेदी वाढली, स्वभावातला सहज गोडवा ओसरला आणि एक हिशेबी धूर्तपणा चेहर्‍यावर दिसून येऊ लागला. आपल्यापेक्षा 'खालच्या' दर्जाच्या लोकांशी वागणूक बदलली, आणि ज्यांचेकडून आर्थिक लाभाची आशा वाटत होती, त्यांचेशी लाळघोटेपणाची वागणूक होऊ लागली. भौतिक श्रीमंती वाढली, पण मनुष्य म्हणून अधःपतन झाले. अर्थात असे सर्वांच्या बाबतीत घडते वा घडेल, असे नाही पण शक्यता मात्र असते. वर काहींनी सुचवल्याप्रमाणे निरपेक्ष भावनेने काही कार्य करणे हे जास्त श्रेयस्कर.