गिल्बर्ट टेकडी गावदेवी दुर्गादेवि मंदीर अंधेरी पश्चिम.

करड्या रन्गाच्या जटा आणि सफेद दाढी सोडुन गुगलेमहाराज शन्ख वाजवित्त बसले होते. त्यान्च्या त्या भयानक डोळ्यांकडे पाहुन मी म्हणालो महाराज किती बकाल झाली आहे ही मुम्बई? जिकडे तिकडे टोलेजन्ग इमारती, अतिक्रमणे , रहदारीतील अमाप वाढ आणि घाण. ह्या मुम्बईत समुद्र सोडुन काही प्राचीन आहे का? माझ्या या बोलण्याकडे पाहात गुगले बाबा भेसुर हासले आणि म्हणाले अजाण बालका,.......या मुम्बईत अशि एक टेकडी आहे जी कित्येक दशलक्ष वर्षान्पासुन उभी आहे. किती अतिक्रमणे , आणि काय काय पाहिले असेल या टेकडीने! गिल्बर्ट टेकडी! हा हा हा हा हा हा हा हा ! एकदा जाउन पाहाच. पण ही टेकडी पाहायला जाताना तुला खुप संयम ठेवला पाहिजे. म्हणजे समजेल. एवढे बोलुन ते आपल्या कुटीत विश्रान्तीला गेले........(काल्पनिक ) बरेच दिवस जालावर (गुगले महाराज) वाचलेल्या गिल्बर्ट टेकडी या ठिकाणी जायचे ठरवून ठेवले होते. अखेर २४ डिसेम्बर ला हा योग आलाच. अंधेरी पश्चिमेला वीर देसाई रस्त्याला जाताना भुवन्स महाविद्यालयाजवळ ही अतिप्राचीन टेकडी आहे. सुमारे ६६ दशलक्ष वर्षापूर्वी ज्वालामुखीतून निर्माण झालेली ही बेसाल्ट दगडापासून तयान झालेली ही टेकडी केवळ प्रेक्षणीय आहे. टेकडीवरून मुंबईचे विहंगम दृश्य दिसते. शिवाय घार , गरुड हे पक्षी जवळून पाहायचे असल्यास यासारखे ठिकाण नाही. हे पक्षी मी पाहिले पण प्रकाशचित्रे घेवू शकलो नाहि. अतिक्रमणापासून ही टेकडी वाचली आहे हे मुंबईकरांचे भाग्य! टेकडीवर गावदेवीचे एक सुंदर मंदिर आहे. या मंदिरामुळेच ही टेकडी अतिक्रमणापासून वाचली आहे असे म्हणणे वावगे ठरू नये. टेकडीला जाण्यासाठी अंधेरी पश्चिम वरून २५४ क्रमांकाची बेस्ट बस घावी आणि भुवन्स महाविद्यालयाजवळ उतरून चालत जावे. टेकडी ला जाताना अरुंद रस्ते ,नाला आणि घाणीचे साम्राज्य असल्यामुळे मनाची चिडचिड होते आणि कुणीतरी सूडबुद्धीने आपल्याला फसवण्यासाठी उगाचच हे ठिकाण सांगितले आहे असे वाटते. मी गेलो त्या दिवशी ईद ए मिलाद असल्यामुळे , या अरुंद रस्त्यांवर खूप गर्दी होतॆ. तरीही विचारत विचारत(गुगले बाबांच्या संयम ठेवण्याच्या सल्ल्याप्रमाणे) मी या ठिकाणी पोहोचलो आणि जेव्हा मी या ठिकाणी पोहोचलो तेव्हा अशा रस्त्यावरून केवळ पाचशे मीटर चालून आलेली शिण आणि चिडचिड कुठल्या कुठे पळाली. सुमारे दोनशे पायऱ्या (दहा मजले) एवढ्या उंचीवर ही टेकडी आहे. वर गेल्यावर मुंबईचे विहंगम किंवा वास्तव(?) दृश्य दिसते. टोलेजंग इमारतीत लुप्त झालेले हे ठिकाण पाहण्यासारखेच. हे एक पर्यटनस्थळ म्हणुन विकसित करण्याचा महाराष्ट्र सरकारचा प्रयत्न आहे. मी दुपारी गेलो होतो. सकाळी येथील वातावरण आणखीनच प्रसन्न असेल . (संयमी) रसिक मिपाकरांनी या ठिकाणास जरूर भेट द्यावी. काही प्रकाशचित्रे देत आहे. मंदिराचे आणि गावदेवीचेही प्रकाश चित्र आहे. खालून दिसणारी टेकडी. पायर्‍या सुरु मन्दीर गाभारा स्वचित्र मुंबई चे हे रुप आणि हेही या प्रकाशचित्रात समुद्र (अन्धुक) दिसतो आहे.