रात्र

आ — आनंदमयी,
दूरात चंद्रमाचा मधुरम्यसा महाल फिरती सभोवताली तारांगणे विशाल निष्पाप कोवळ्या ह्या गोष्टीत दंगलेली चैतन्य शैशवाचे उधळीत रात्र आली ... तो स्पर्श पावसाळी तो चिंब देह ओला तो केवडा सुगंधी केसात माळलेला तो मोरपीस वेडा भिरभीर होय गाली हळुवार मालवूनी नक्षत्र, रात्र आली ... स्वप्नील लोचनात साचून चंद्रतारे गगनात घे भरारी, जिंकून घे दिशा रे तारुण्य ध्येयवेडे लेवून आज भाळी वाटा नव्या यशाच्या शोधीत रात्र आली ... थकल्या सुन्या दिशा ह्या अन वाट संपलेली आता छटा सुखाची अंतात गुंफलेली अंकूरण्या नव्याने झडुदेत जीर्ण वेली चाहूल शेवटाची मिरवीत रात्र आली... © अदिती जोशी unaadpaus.blogspot.com
3634 वाचन
💬 प्रतिसाद (14)
च
चाणक्य Tue, 01/26/2016 - 06:59 नवीन
नेहमीप्रमाणे.....एकदम नादमय. आवडली.
प
पद्मावति Tue, 01/26/2016 - 07:42 नवीन
सुरेख!
आ
आनंदमयी Tue, 01/26/2016 - 09:26 नवीन
Lay bhari kas suchat tula ameya
ए
एस Tue, 01/26/2016 - 11:41 नवीन
व्हाटइसधिस?
↩ प्रतिसाद: आनंदमयी
प
पैसा Tue, 01/26/2016 - 11:43 नवीन
एस भाऊशी बाडिस. कविता सुंदर आहे. पण या प्रतिक्रियेचा अर्थ कळला नाही. आनंदमयी, दुसर्‍या कोणाच्या कविता इथे पोस्ट करत आहात का?
↩ प्रतिसाद: एस
आ
आनंदमयी गुरुवार, 01/28/2016 - 15:08 नवीन
माझ्या वडिलान्नी नुकतच अंतर्जाल वापरणे शिकण्यास सुरुवात केली आहे... डेस्कटॉप वर हे पेज उघडे असताना त्यान्नी ह्या कवितेवर स्वतःचं फेसबुक पेज समजून प्रतिक्रीया दिली.. मला हे लक्षात आलं असूनसुद्धा प्रतिक्रीया काढून टाकता येत नव्हती... कविता माझीच आहे.. :) आपल्या प्रतिक्रीयांसाठी धन्यवाद...
↩ प्रतिसाद: आनंदमयी
ए
एक एकटा एकटाच Tue, 01/26/2016 - 10:21 नवीन
वाह
प
प्राची अश्विनी Tue, 01/26/2016 - 13:17 नवीन
अतिशय सुरेख!गुणगुणायला लावणारी कविता!
र
राघव Tue, 01/26/2016 - 13:40 नवीन
सगळ्या कडव्यांतील शेवटची ओळ सुंदर आहे.. अर्थात कविता नक्की कुणाची हा प्रश्न मलाही पडला आहे आता.. राघव
स
सुमेध रानडे Tue, 01/26/2016 - 16:40 नवीन
अप्रतीम!
स
सटक Tue, 01/26/2016 - 17:30 नवीन
सुंदर कविता! चार रात्रीत अख्खा जीवनपट उलगडला आहे!
श
शार्दुल_हातोळकर Sat, 02/06/2016 - 17:03 नवीन
खुप आवडली कविता. या कवितेमध्ये प्रचंड सुंदर आशय भरलेला आहे आणि भाषेच्या सौंदर्याबद्दल कौतुक करावे तेवढे थोडेच. या अशा कविताच मराठी साहित्याला समृद्ध बनवित असतात आणि वेगळ्याच उंचीवर घेऊन जात असतात. पुढील लेखनासाठी तुम्हाला खुप खुप शुभेच्छा!!
ए
एकप्रवासी गुरुवार, 02/11/2016 - 14:57 नवीन
सुरेख आहे! कवीतेत रात्र उतरली आहे...
श
शैलेन्द्र Fri, 02/12/2016 - 04:12 नवीन
Sundar aahe.. khupach aavadali..