रेकी, ऑरा रिडिंग चक्र हिलिंग ह्याबद्दल माहिती हवी आहे

थोतांड आहे ओ.

http://niraamay.com/ साम मराठी वाहिनीवर दर रविवारी दुपारी १:३० वाजता व सोमवारी दुपारी ३:३० वाजता या निरामय स्वयंपूर्ण उपचाराबद्दल डॉ. अमृता चांदोरकर आणि डॉ. योगेश चांदोरकर फार छान माहिती देतात.

मी केलाय कोर्स रेकीचा काही कामाचे नाही

रेकी, ऑरा रिडिंग, चक्र हिलिंग हिप्नोथेरपी ही काय भानगड आहे?

हनुमन्ताप्पा कोमात होते तेव्हा एक मैत्रीण म्हणाली मी ईथुन रेकी पाठवलीये, बरे होउदे म्हणुन , मला तर काही कळालेच नाही.

जर ती उपचार पद्धती असेल तर अतिरेकी प्रसिद्ध ठिकाणावर उपचार का करतात? -भाबडा पैलवान

ती "रेकी" पाकिटात घालून पोस्टाने सुद्धा पाठवता येते असे ऐकले/ वाचले आहे. मग स्पर्श कसा कामाला येतो ते कळत नाही.

अनेक प्रतिसाद विरोधी आहेत. पण माझ्या अनुभवानुसार सांगतो... Reiki works... मी अगदी दोन तीन महिन्यांपूर्वीच या विद्येच्या संपर्कात आलो. मी अगदी निष्ठेने, श्रद्धेने हे प्रॅक्टिस फाॅलो करत आहे... माझा अनुभव सांगतो... काही तरी वेगळं, वैशिष्ट्यपूर्ण आहे या विद्येत... मी विज्ञानाला, प्रचलित अॅलोपॅथीला मुळीच कमी मानत नाही...आणि माझ्या गुरूंनी पण मला तसे सांगितले नाही... रेकी एक पूरक उपचार पद्धती आहे आणि ती तशीच असावी... पण माझेच काही अनुभव सांगतात की इथे काहीतरी वेगळं आहे... निश्चित आहे... कुणाचे काहीही मत असो, मला तरी Reiki Healing ची प्रचिती आली आहे... तुम्ही प्रचलित अॅलोपॅथिक उपचार, मेडिकल उपचार घ्याच, पण रेकी तुम्हाला मदत करु शकते... अनुभवाचे बोल आहेत... कुणी काही म्हणो, चेष्टा करो... I have found that it works... श्रद्धा, विश्वास असू देत फक्त...

फार काही पूर्वावश्यकता लागत नाहीत. माझ्याकडे पण ही श्रद्धा नव्हती. पण मला काही deep अनुभव येत गेले... कुठलेही एक्स्ट्रीम टोक मी टाळतो...इथेही तेच सांगेन... मनापासून प्रयत्न केलेत तर रेकीची प्रचीति येईलच... एक्स्ट्रीम दाव्यांकडे दुर्लक्ष करा... दोन्ही बाजूंच्या... ;) ;) ;)

ऑरा रीडींग मला माहीत नाही... पण रेकी आणि चक्रा हीलींग हे परस्परावलंबीच आहेत... रेकी शिकलात तर चक्रा हीलिंग आपोआप होते... वेगळे काही करण्याची गरज नाही... आणि हो... कुचेष्टा फार सोपी आहे... अनुभव घेणे फार मेहनतीचे आहे...

कविताताईंनी वेगळेच उदाहरण दिले आहे... त्याबाबत एवढेच सांगतो की नियतीची इच्छा सर्वश्रेष्ठ आहे... त्यापुढे आपण नथींग आहोत... प्रयत्न करणे हेच आपल्या हातात... बाकी नियतीला जे मंजूर त्यापुढे विज्ञान सुद्धा हात टेकते हा काॅमन अनुभव...

मी अगदी दोन तीन महिन्यांपूर्वीच या विद्येच्या संपर्कात आलो. मी अगदी निष्ठेने, श्रद्धेने हे प्रॅक्टिस फाॅलो करत आहे... माझा अनुभव सांगतो... काही तरी वेगळं, वैशिष्ट्यपूर्ण आहे या विद्येत... मी विज्ञानाला, प्रचलित अॅलोपॅथीला मुळीच कमी मानत नाही...आणि माझ्या गुरूंनी पण मला तसे सांगितले नाही... रेकी एक पूरक उपचार पद्धती आहे आणि ती तशीच असावी...

विजयभाऊ जरा सविस्तर लिहा ना. रेकी म्हणजे काय? ती करतात/घेतात/वापरतात? जर तुम्ही विज्ञानाला, प्रचलित अॅलोपॅथीला कमी मानत नाही तर रेकीची गरज का पडते? रेकी जर पुरक उपचार पद्धती असेल तर ती कशा अर्थाने पुरक आहे?

तुम्ही प्रचलित अॅलोपॅथिक उपचार, मेडिकल उपचार घ्याच, पण रेकी तुम्हाला मदत करु शकते... अनुभवाचे बोल आहेत... कुणी काही म्हणो, चेष्टा करो... I have found that it works... श्रद्धा, विश्वास असू देत फक्त...

प्रचलित अॅलोपॅथिक उपचार, मेडिकल उपचार घेतल्यानंतर रे़की कशा प्रकारे मदत करू शकते? तुमचा याबाबतीतला काय अनुभव आहे? आम्ही चेष्टा करणार नाही मात्र रेकी काम करते हे तुमच्या कसे लक्षात आले? तुम्ही व्यवस्थित समजावलेत तर आम्हीही श्रद्धा, विश्वास ठेवू.

फार काही पूर्वावश्यकता लागत नाहीत. माझ्याकडे पण ही श्रद्धा नव्हती. पण मला काही deep अनुभव येत गेले...

तुम्हाला कसे deepअनुभव आले? फारच वैयक्तिक स्वरुपाचे अनुभव नसतील तर त्यांवर इथे लिहू शकाल का?

मनापासून प्रयत्न केलेत तर रेकीची प्रचीति येईलच...

नेमके काय प्रयत्न करायचे? प्रचीति येते म्हणजे नेमके काय होते?

पण रेकी आणि चक्रा हीलींग हे परस्परावलंबीच आहेत... रेकी शिकलात तर चक्रा हीलिंग आपोआप होते...

चक्रा हिलिंग काय आहे? रेकी केले की चक्रा हीलींग आपोआप कसे होते?

कुचेष्टा फार सोपी आहे... अनुभव घेणे फार मेहनतीचे आहे...

कुचेष्टा करणार्‍यांकडे दुर्लक्ष करा. मात्र आपण जेव्हा एखादया गोष्टीबद्दल मुक्त व्यासपिठावर लिहितो तेव्हा त्यांच्या प्रश्नांची उत्तरे देणे ही आपली जबाबदारी असते. अशावेळी प्रश्नांपासून पळ काढणे योग्य नाही.

कविताताईंनी वेगळेच उदाहरण दिले आहे... त्याबाबत एवढेच सांगतो की नियतीची इच्छा सर्वश्रेष्ठ आहे... त्यापुढे आपण नथींग आहोत... प्रयत्न करणे हेच आपल्या हातात... बाकी नियतीला जे मंजूर त्यापुढे विज्ञान सुद्धा हात टेकते हा काॅमन अनुभव...

नियतीबद्दल काही बोलायचे नाही. ती तुमची व्यक्तिगत श्रद्धा आहे. मात्र विज्ञान नियतीपुढे हात टेकते याच्याशी असहमत. विज्ञान म्हणजे कुणी सर्वशक्तीमान व्यक्ती नव्हे किंवा जादुगार नव्हे. निसर्गातील काही गोष्टी कशा घडतात याबाबतचे ते ज्ञान आहे.

विजयभाऊ जरा सविस्तर लिहा ना. रेकी म्हणजे काय? ती करतात/घेतात/वापरतात? सगाभाऊ नेटवर माहिती उपलब्ध आहे. पुन्हा टंकणे गरजेचे नाही... जर तुम्ही विज्ञानाला, प्रचलित अॅलोपॅथीला कमी मानत नाही तर रेकीची गरज का पडते? अॅलोपॅथीचे साईड इफेक्ट्स वगैरेवर नेटवर वाचन करा... अजूनही अनेक आजार अॅलोपॅथीच्या आवाक्यात नाहीत... रेकी जर पुरक उपचार पद्धती असेल तर ती कशा अर्थाने पुरक आहे? याचे उत्तर मी अन्य प्रतिसादात दिलेच आहे. दोन्ही उपचार पद्धतींचा एकसोबत अनुभव घ्या.

तुम्हाला कसे deepअनुभव आले? फारच वैयक्तिक स्वरुपाचे अनुभव नसतील तर त्यांवर इथे लिहू शकाल का? माझे वै. अनुभव आहेत. इथे शेयर करू शकत नाही...

नेमके काय प्रयत्न करायचे? श्रद्धेने प्रॅक्टीस फाॅलो करणे एवढेच... प्रचीति येते म्हणजे नेमके काय होते? श्रद्धेने प्रॅक्टीस फाॅलो केल्यावर येते ती अनुभूती...

चक्रा हिलिंग काय आहे? रेकी केले की चक्रा हीलींग आपोआप कसे होते? आंजावर भरपूर माहिती आहे. वाचन करा...

कुचेष्टा करणार्‍यांकडे दुर्लक्ष करा. मात्र आपण जेव्हा एखादया गोष्टीबद्दल मुक्त व्यासपिठावर लिहितो तेव्हा त्यांच्या प्रश्नांची उत्तरे देणे ही आपली जबाबदारी असते. अशावेळी प्रश्नांपासून पळ काढणे योग्य नाही. वर प्रश्नांची उत्तरे दिली आहेत...

विज्ञान नियतीपुढे हात टेकते याच्याशी असहमत. याच्या विरोधी उदा. आंजावर वैद्यकिय क्षेत्रात भरपूर आहेत वाचा.

असो. माझे प्रतिसाद केवळ धागाकर्त्रीला माहिती म्हणून दिलेले आहेत. बाकी कुणाला एंटरटेन करण्यात काही स्वारस्य नाही... :)

एकाही प्रश्नाचे उत्तर नाही. सगळी गोल फिरणारी एक दोन वाक्ये. असो. :)

मी पुन्हा सांगतो आंतरजालीय वादांचा उपयोग शून्य... कुणीच स्वतःचा मेंटल सेटप बदलत नाही... धागाकर्त्रीने काही माहिती मागितली आणि ती मी माझ्या अनुभवांनुसार दिली... माहिती देताना असले वाद विवाद होणार याचा अंदाज होताच... पण त्यात रस नाही... माझा अनुभव, माझी विद्या, माझे फायदे माझ्यापाशी... तुम्हाला किंवा इव्हन धागाकर्त्रीला त्याचा उपयोग वाटत नसेल तर मी तरी काय करू? बाकी गोलगोल म्हणाल तर तुमचे प्रश्न किती जेन्युईन होते याचा अदमास घेऊनच उत्तरे दिली आहेत... पुन्हा सांगतो... मला या वादविवादात स्वारस्य नाही... जर कुणाला माझ्या अनुभव विश्वातील मदत पाहिजे असेल तर मी ती देईन नक्कीच... पण एकंदरीत अनुभवांवरून मौनं सर्वार्थ साधनं एवढेच म्हणतो... बाकी चालु द्या बिनधास्त...

असे दिसत नाही. एकापाठोपाठ एक असे चार प्रतिसाद तुम्ही या धाग्यावर दिलेत. :) मोबाईल वापरत असल्याने सलग व सविस्तर लिहिणे शक्य नव्हते. तुम्ही सविस्तर माहिती दिल्याशिवाय उपयुक्तता कशी ठरवणार? तुम्ही श्रद्धा, अनुभव, प्रचीति हेच शब्द गोल गोल फिरवत आहात. जे लिहायला हवे त्याबद्दल एक अक्षर नाही. या गोष्टी श्रद्धेनेच अनुभवायच्या आहेत. त्यासाठी कोणतीही लिटमस टेस्ट नाही. तुम्ही आधी पुडया सोडता आणि मग कुणी जरा खोलात जाऊन विचारू लागला की हे "माझे वैयक्तिक अनुभव आहेत, मला वादात पडायचे नाही" असे म्हणून पळ काढता. :) भाषा नीट वापरा एवढेच सांगेन. तुमच्या प्रत्येक प्रतिसादात पळ काढणे हा शब्द का वापरलाय तुम्ही? तुमच्याशी इव्हन कुणाशीच माझी वाद घालायची माझी इच्छा नसेल तर अपमानकारक भाषा का वापरता? अवांतर: दुसर्याला पळ काढतो म्हणणारे संदीप डांगें सारख्या दिग्गजासमोर मालक मालक म्हणत पळ काढतात तेव्हा या दुटप्पी वृत्तीचे हसू येते... मला धागाकर्त्रीला जेवढी माहिती द्यायची होती ती मी दिली. अन्य कुणाशीच वाद करायची माझी इच्छा नाही. केवळ तुमचा परिचय आहे म्हणून तुम्ही अपमानकारक भाषा वापरून ही तुमच्याशी संवाद साधत राहिलो. यापुढे काहीही तुमच्याशी बोलायची मुळीच इच्छा नाही. हा शेवटचा प्रतिसाद. __/\__

स्वयंसूचना आणि स्वसम्मोहन या दोन मानसशास्त्रीय गोष्टींचा मिलाफ म्हणजे रेकी.. त्यात सांगितलेला वैश्विकऊर्जा, हा भाग प्लासिबो निर्माण करणारा .. कपोल कल्पित , अर्थात थोतांड आहे. त्यात मानवी देहा वरील चक्र, हे सपोर्टीव्ह महाथोतांड आहे..

रेकी विषयी माहिती नाही. चक्रा हिलिंग हि खरी गोष्ट आहे हे स्वानुभवाने सांगु शकेन. कुठलाही वैज्ञानिक पुरावा नाही माझ्याकडे. इंज्युरी कॉन्सन्ट्रेटेड हिलिंङ आणि अत्यंत सकारात्मक विचारसरणीला शरिर अतिशय सकारात्मक प्रतिसाद देतं.

रेकी, ऑरा रिडिंग, चक्र हिलिंग हिप्नोथेरपी आनी आता मिड ब्रेन अ‍ॅक्टीवेशन याव्र माझा विश्वास नाही.. (knee brain acativted)जेपी

रेकी, प्राणिक हिलिंग, ऑरा रिडिंग, चक्र हिलिंग, हिप्नोथेरपी यापैकी कोणत्याही उपचार पद्धतीमुळे जे स्पष्ट दिसू शकतील(objective ) असे आजार बरे झालेले कधीही दिसत नाहीत. उदा. मोठा मुतखडा( १ सेमी पेक्षा मोठा जो मूत्रमार्गातून स्वतः जाऊ शकणार नाही) किंवा किडनी ट्युमर ( कर्करोग नव्हे), फायब्रोईड इत्यादी. गेली अनेक वर्षे असे कित्येक आजार सोनोग्राफी किंवा सिटी स्कॅन वर मी निदान करत आलो आहे त्यासाठी शल्यक्रिया नको म्हणून लोक इतर उपचार पद्धतींचा वापर करून पाहत असतात आणि काही काळाने (६ महिने ,१ वर्ष) परत जेंव्हा आजची स्थिती काय ते पाहण्यासाठी येतात तेंव्हा आजतागायत एकही रुग्ण बरा झालेला मी काही पाहिलेला नाही. कर्करोगाबद्दल तर मी बोलतच नाही बर्यच वेळेस जे आजार स्वतः हून काही काळाने बरे होतात उदा. सिम्पल ओव्हेरियन सिस्ट असे आजार मोठे करून दाखविले जातात ( तुम्हाला कर्करोग आहे आणि आम्ही तो १००% बरा करून देतो असे दावे करून ) आणि मग ते "आम्ही बरे केले" असे अनेक इतर उपचार वाले (यात आयुर्वेदिक आणि होमियोपथी सुद्धा येतात.)दाखवताना मी गेले कित्येक वर्षे बघत आलो आहे. या रुग्णांची अगोदरची सोनोग्राफी पाहिली असता हि चलाखी स्पष्टपणे लक्षात येते. या इतर उपचार पद्धतींचा मानसिक आजारावर उपयोग होतो हे दिसून येते. उदा. कित्येक वेळेस बायकाना -- नवरा विचारत नसेल, सासू त्रास देत असेल, घरात काम जास्त पडत असेल ---तर डोके दुखी, कंबर दुखी, पोटदुखी, शक्तिपात असे अनेक आजार होताना आढळतात. अशा वेळेस या इतर उपचार पद्धती मुळे ती स्त्री "आजारी" आहे आणि तिला "सहानुभूती आणि विश्रांतीची" गरज आहे हे "सिद्ध" केल्यासारखे होते . काही काळाने जेंव्हा त्या स्त्री ची ब्याटरी चार्ज झाली कि असे हे मानसिक आजार "बरे" होतात. आता एखाद्या स्त्रीला फार दिवसांची पोट दुखी असेल आणि तिला सांगितले कि तुम्हाला पोटाचा कर्करोग आहे आणि हा काही दिवसांनी बरा झाला तर तिच्या संपूर्ण कुटुंबाचा यावर पटकन विश्वास बसतो. अशा असंख्य केसेस मी पाहत आलो आहे. तरीही जर कोणी objective अशा केसेस बर्या करू दाखवणार असेल तर मी त्यात सहभागी व्हायला किंवा विश्वास ठेवायला तयार आहे. बाकी "मला अनुभव आला" किंवा "चमत्कार झाला" अशा सुरस आणि चमत्कारिक कथा तर सर्व बाबा,बापू, महाराज, स्वामीं, माताजींच्या कडे भरपूर ऐकायला मिळतील.