कश्मिर हँडलुम डीपार्टमेंटच्या नावाने फ्रॉड स्कीमस

काल शिर्डीत होते, अगदि द्वारकामाईच्या अगदी बाजुलाच काश्मिरी हँडलुमचे दुकान होते, काश्मीर हँडलुम डेव्हलपमेंट एम्पोरीयम. विविध प्रकारचे काशिदा काढलेले ड्रेसमटेरीयल पाहुन त्या दुकानात गेल्या वाचुन राहवले नाही. एका मैत्रीणीने पश्मिना शाली बद्द्ला विचारताच दुकानदाराने माहीती द्यायला सुरुवात केली. कश्या प्रकारे चिगु / चिरु नावाच्या प्राण्यांच्या शरीरावरील लोकर कापुन ब्लँकेटस बनवतात आणि त्या स्कीम मधे ग्राहकांना वापरायला देतात. त्याने एक ब्लँकेट दाखवली जी कोणत्याही ऋतुमधे वापरता येते, फर वाला भाग थंडी मधे आणि उलट बाजुकडील भाग उन्हाळ्यात वापरता येउ शकतो, मग त्याने सांगितले की याची किंमत काहीतरी २० हजारु रुपयांच्या वर आहे पण काश्मिर सरकारने बायकांसाठी स्कीम काढली आहे त्यात फक्त या ब्लँकेट साठी १०,८०० भरायचे आहेत, २१ महीने वापरल्यावर ही ब्लँकेट आपल्याला सरकारला परत करायची आहे, तेव्हा जर आपण त्यांना नेउन दिली तर १००% पैसे परत आणि जर त्यांचा माणुस आपल्याकडे येउन घेउन गेला तर आपल्याला ७५% पैसे परत मिळतील. आणि याची किंमत लोकांना जास्त वाटते म्हणुन यासाठी ५ गिफ्त हॅम्पर्स सुद्धा मिळतील जे ग्राहकाला परत करायचे नाहीत. त्या हॅम्पर्स मधे , एक बेड कव्हर विथ बेड शीट , एक साडी , एक फरचा गालिचा त्याला त्याने (बुलबुल का बच्चा) असे काहीसे नाव सांगितले, एक पश्मिना शाल जी अशी विकत घ्यायला गेलो तर ५ हजारच्या वर किंमत होती.आणि एक आणखी ब्लँकेट होते वरुन काश्मिरसाठी फ्री टु मीळेल जी हे ब्लॅंकेट घेतल्याच्या १ वर्षानंतर पासुन ते ५ वर्षापर्यंत आपण कधीही अवेल करु शकतो. हे सगळे फक्त काश्मिर सरकारने बायकांसाठी स्कीम मधे दिले आहे असे तो सांगत होता. तसेच सरकार ती ब्लँकेट परत घेउन काय करेल तर आपण ती ब्लँकेट वापरल्याने आपल्या शरीराच्या उष्णते मुळे त्या फर वर गोळे तयार होतात त्या गोळ्यापासुन सरकारच्या हँडलुम डीपार्टमेंट कडुन १० पश्मिना शाली बनवण्यात येतील ज्यांची किंमत ४२ हजार असेल म्हणजे काश्मिर सरकारला कमीत कमी ४ लाखांचा फायदा म्हणुन अशी स्कीम काढलीये नाहीतर कोण असे फुकट देईल. आणि आता तुमच्या कडे १०८००/- नसतील तर १८००/- रु आता डीपोझिट भरा बाकीचे तुम्हाला या वस्तु घरपोच केल्यावर द्या. या वस्तु घरी आल्यावर तुमचा एक फोटो रीसिप्ट वर चिकटवा आमच्या रेफरन्स साठी. आणि त्याने एक रजिस्टर ही दाखवलं. आणि स्कीम कार्ड मधे अशा ५-६ वेगवेगळ्या स्कीम्स होत्या .आताच घ्या नंतर काश्मीर फ्री टुर मिळणार नाही असे तो दुकानदार सांगत होता. पण आम्ही काही याला बळी पडलो नाही आणि नंतर पाहु असे सांगुन निघालो. आज काश्मिर हँडलुम डीपार्टमेंटची वेबसाईट चेक केली तर त्यात या फसवणुकिबद्दल उल्लेख होता. साईट -http://www.jkhandloomdepartment.org/downloads/beware.pdf हे वाचुन काल अज्जिब्बत या स्कीम वर विश्वास ठेवला नाही याचा खुपच आनंद झाला, मी स्वतः तरी अशा स्कीम्स वर कधीच विश्वास ठेवत नाही पण बाकीच्यांनीही फसु नये म्हणुन तातडीने धागा काढलाय.