मि पा सदस्यांचे मत हवे आहे

सर्व प्रथम स्वताच उद्योग सुरु केल्याबद्दल अभिनंदन , तेही ओंलैन शॉपिंग बेस्ड . चांगला निर्णय आहे
थोडे पेशन्स लागतील, पण योग्य मार्केटिंग केलत तर चांगले रिटर्न्स मिळतील.

साईट पण छान आहे. हळू हळू प्रोडक्टकलेक्शन वाढवा. तुमच्या प्रोडक्ट चे फोटो शूट अजून चांगले करा कारण त्यावरच पुढचे सारे अवलंबून आहे

शुभेच्छा !!!

वर स्पा यांनी म्हटल्याप्रमाणे...

तुमच्या प्रोडक्ट चे फोटो शूट अजून चांगले करा कारण त्यावरच पुढचे सारे अवलंबून आहे

साईट पाहून आलो...आणि हेच्च वाटले!

जाहिरातीसाठी : (तुम्ही कदाचित केल असेल-नसेल) वेबसाईटचे नाव, एक छानसा लोगो, कपड्यांचा फ़ोटो आणि संपर्कासाठी पत्ता, मस्तपैकी कलरमध्ये प्रिण्ट काढून रिक्षांच्या मागे लावा. पुणे, पिंपरी- चिंचवडात चांगली जाहिरात होईल.

शुभेच्छा!!

Sandy

मिपावर स्वागत. ऑनलाइन दुकानासाठी शुभेच्छा. आपल्या दुकानाची इथे जाहिरात तशी झालीच आहे, आता ऑर्डर्स वाढायला हरकत नसावी किमान अनेकापर्यन्त ही माहिती गेलीच आहे, आपल्या दुकानाची जाहिरात वाट्सपवर आपली हरकत नसेल तर मी ' ना नफ़ा ना तोटा' या तत्वावर शेयर करू का, तितके कळवावे.

व्हेरायटीज आणि मार्केटपेक्षा स्वस्त वाटलं पाहिजे आणि तत्तपर सेवा पाहिजे बस देखो कल का दिन आपका है.

बाय द वे, डबल एक्सेलचा टी शर्ट आहे का ? कॉलर वाला पाहिजे, असेल तर लिंक द्या, पटलं आणि स्वस्त वाटले तर दोन घेईन.

-दिलीप बिरुटे
(ग्राहक)

नवीन व्यवसाय सुरू केल्याबद्दल अभिनंदन! प्रसिद्धी करण्यासाठी अजून काही गोष्टी करता येतील. तुमच्याकडे स्टॉक किती आहे कल्पना नाही. पुरेसा स्टॉक असेल तर हिंजवडी आयटी पार्कमधील इन्फोसिससारख्या काही कंपन्या उत्पादनांचे प्रदर्शन भरविण्यासाठी त्यांचे मोठे सभागृह मोफत वापरायला देतात. तिथे प्रदर्शन भरवून काही डिस्काऊंट देऊन विक्री करता येते. तसेच आयटी कंपन्यातील मित्रांना ईमेल मार्फत तुमच्या व्यवसायाची जाहिरात पाठवून त्यांना त्यांच्या कंपनीतील बुलेटिन बोर्डवर ती जाहिरात फॉरवर्ड करण्यास सांगा. तसेच व्हाट्सअ‍ॅपच्या माध्यमातूनही वेगवेगळ्या ग्रुप्सवर जाहिरात पाठविता येईल.

ऑनलाईन विक्रीची आयडिया चांगली आहे. पण त्यामुळे तुम्ही ऑनलाईन ग्राहकांना टार्गेट करायची युक्ती शोधा. म्हणजेच वेबसाईट जास्तीत जास्त लोकांना कशी कळेल हे बघा. गुगलवर किंवा तत्सम वेबसाईटवर आपली जाहिरात झळकवायला किती खर्च येतो बघा. ऑफलाईन ग्राहकांसठी विक्रीची काय सोय आहे?
अजुन एक--फ्लिपकार्ट/अमेझॉन बरोबर टाय अप करुन बघा. त्यांच्या ऑर्डर प्रत्यक्षात तुमच्यासारखे व्यावसायिकच पुरवतात.

अभिनंदन आणि व्यवसायातील उत्तम यशासाठी अनेकानेक शुभेच्छा ! कोणी मराठी माणूस असा स्वतंत्र व्यवसाय करताना पाहून खूप आनंद होतो.

सभासदांकडून होणार्‍या मार्गदर्शनाचा खूप उपयोग होईल. असे सहकार्य पाहिले की मिपाकर असल्याचा सार्थ अभिमान वाटतो !

मस्त हो शिंदे सरकार. आवडली आयडीया.
आता तुम्ही शिंदे म्हणजे आमच्या किसनरावांच्या भावकीततलेच. लैच जवळचे. सो एक आयडीया खास तुमच्यासाठी.
कस्टमाइज्ड टीशर्ट बनवा. मी देईन तुम्हाला. पाहिजे त्या साइजचे, पाहिजे त्या मटेरिअलचे, पाहिजे त्या डिझाइनचे.
रेट अगदी फॅक्टरी रेट. बघा बाबा. तुमची जाहीरात अन धंदा होइल. माझा कस्टमर फिक्स होइल.
जमतेय का?

जरा हटके प्रोडक्ट जे बाजारात सहसा मिळत नाहीत असे ठेवा. कपडे विकणाऱ्या खुप साइट्स आहेत, स्पर्धेत टिकून रहायला काहीतरी वेगळेपण असायला हव.

साईट आवडली. प्रचार केला जाईल.

अभिनंदन आणि व्यवसायातील उत्तम यशासाठी अनेकानेक शुभेच्छा ! कोणी मराठी माणूस असा स्वतंत्र व्यवसाय करताना पाहून खूप आनंद होतो.

आठ ते पाच वाला चाकरमानी

या उपक्रमाची पोस्टर्स लावा.

साईट बघितली बाकी साईट्सच्या मानाने थोडी साधी वाटली. कपडे पण ठीक आहेत पण किंमत जास्त वाटली आणि वयोगट म्हणून तुम्ही ९-१२वर्षे असे लिहीले आहे पण त्याला क्लिक केल्यावर लहान मुलांचेच कपडे दिसले. तिथे ९-१२महिने असे अपेक्षित आहे का?
अजुन व्हरायटी पाहिजे बुवा तरच ऑनलाईन शॉपिंगला मज्जा येते :)
बाकी प्रयत्न चांगला आहे, शुभेच्छा :)

तुमच्या व्यवसायाला हार्दिक शुभेच्छा. काही मुद्दे

१. तुमचा व्यवसाय ई-कॉमर्समध्ये आहे. ई-कॉमर्स हे प्रचंड स्पर्धात्मक क्षेत्र आहे. या क्षेत्रात अ‍ॅमॅझॉन, फ्लिपकार्ट, स्नॅपडील इत्यादी मातबर मंडळी आधीच आहेत. फ्लिपकार्ट, स्नॅपडीलने मध्यंतरी कित्येक कोटी डॉलर्सचे फंडिंग आणले. सध्या तो ओघ मंदावला असला तरी या क्षणी तरी फ्लिपकार्ट, स्नॅपडील सारख्या ठिकाणी बर्‍याच कमी किमतीत वस्तू विकणे त्यांना शक्य होते.कमी भांडवलात तुम्ही व्यवसाय सुरू केला असेल तर किंमत या गोष्टीवरून इतरांना तोंड देता येणे कठिण आहे.

तेव्हा सल्ला हा की तुमच्याकडे एखादी गोष्ट स्पेशलाईझ्ड ठेवा. म्हणजे एखादी (किंवा अनेक) गोष्टी केवळ तुमच्याकडे मिळतील अशी काहीतरी गोष्ट तयार करा आणि विका हा सल्ला. अन्यथा जर इतर ठिकाणी ज्या गोष्टी मिळतात त्याच तुमच्याकडेही मिळायला लागल्या आणि फ्लिपकार्टवाल्यांचे डीप पॉकेट असल्यामुळे तिथे स्वस्तात मिळायला लागल्या तर ग्राहकांची संख्या मर्यादित राहिल हा धोका आहे.

फ्लिपकार्ट-स्नॅपडीलवाल्यांचे हे स्वस्तात विकायचे बिझनेस मॉडेल किती काळ चालेल याची कल्पना नाही. पण सध्या तरी ते चालू आहे असे दिसते.

२. सध्याचा जमाना मोबाईल अ‍ॅपचा आहे. हळूहळू वेबसाईट बरोबरच अ‍ॅपही चालू करायचा विचार करा.

३. फेसबुकवर तसेच गुगलवर (सर्चइंजिन ऑप्टिमायझेशन करून) टारगेटेड जाहिराती देता येतात. उदाहरणार्थ शेव्हिंग प्रॉडक्ट विकणार्‍या एका कंपनीची अशीच टारगेटेड जाहिरात मला गेल्या काही दिवसांपासून फेसबुकमध्ये दिसत आहे. म्हणजे अमुक एका वयोगटातील, भारतातील शहरांमध्ये राहणार्‍या पुरूषांना ही जाहिरात दिसावी अशा प्रकारची टारगेटेड जाहिरात आहे ती. तशाप्रकारची टारगेटेड जाहिरात फेसबुक-गुगलमध्ये द्यायचाही विचार करा.

४. तुमच्या व्यवसायाचे एक फेसबुक पेज सुरू करा. त्यावर मधूनमधून काही ऑफर, कुपन कोड वगैरे कॅम्पेन केल्यास ते चांगले होईल.

सध्या सुचले हे मुद्दे लिहिले. तुमच्या व्यवसायास हार्दिक शुभेच्छा.

प्रथम व्यवसायास हार्दिक शुभेच्छा. मराठी माणसाने उद्योगधंद्यांचा विचार करावा हे माझे नेहमीच मत राहिले आहे.

वेबसाईटवरुन तुम्ही कपडे विक्रीचा व्यवसाय सुरु केलाय जे कौतुकास्पद आहेच. जाहिरात करतांना थोडी सावधानता बाळगा असे म्हणेन. तुमचे पॉकेट किती खोल आहे हे माहिती नाही तरी नोकरी सांभाळून करताय म्हणून थोडी काळजी घ्या.

आता महत्त्वाचे : हा रिपोर्ट तुमच्या वेबसाईटबद्दल आहे. http://nibbler.silktide.com/en_US/reports/joypie.in

ह्यात ज्या सूचना दिल्यात त्यावर विचार करुन अंमलबजावणी करा.

मला स्वतःला जाणवलेले काही मुद्दे असे
१. लोड व्हायला खूप वेळ घेते. कुठल्याही नेटवर्कला वेबसाईट ३ सेकंदात दिसली पाहिजे. इमेजेस साईज (केबीमधे) कमी ठेवा. स्क्रिप्ट्स गुंतागुंतीच्या असतील तर लोडिंगला वेळ घेते. त्यासाठी तुमचा डेवलपर अतिशय उत्तम पाहिजे. इथे कोणतीही कंजूषी करु नये. शेवटी वेबसाईट तुमचे दुकान आहे. लवकर उघडले नाही तर ग्राहक परत जाईल. मिपावरचे डेवलपर मदत करु शकतील

२. वरायटी आणि ऑप्शन्स वाढवा. सुरुवात आहे म्हणून ठिक आहे असे म्हणणार नाही. कारण तुमची वेबसाईट लोकल वाटायला नको. स्पर्धा आहे त्यामुळे ग्राहकाला ऑप्शन्स भरपूर देणे आवश्यक आहे. दुकानात साडी दाखवणारे एका बाईला इतक्या साड्या दाखवतात तो अ‍ॅप्रोच असला पाहिजे. तुमच्या ग्राहक ह्या स्त्रिया बहुसंख्याने असतील हे लक्षात ठेऊन प्लानिंग करा.

३. स्पाने सांगितल्या प्रमाणे दर्जेदार प्रोडक्ट फोटोग्राफी इज मस्ट. एखादा हौशी फॅशन फोटोग्राफर आणि दहा बारा वेगवेगळ्या साईजची मुले घेऊन आठवड्यातून एकदा फोटो शूट करत चला. हौशीला सांगा, फुल्ल ढिल दिलिय तुला, पाहिजे ते कर, पैसे मागू नको ;) पॅशन असणारे काम नीट करतात, शिवाय त्याला पैसे व रेफरंस मिळतीलच.

४. तुमच्या वेबसाईटची काहीतरी युनिक ओळख असली पाहिजे, त्यासाठी ग्राहकांचा सर्वे करा. त्यांना भेडसावणार्‍या समस्या जाणून घ्या, स्पर्धकांचे लुपहोल्स शोधा. माझा त्याबाबतीत अभ्यास नाही, नाहीतर काहीतरी क्लु दिला असता.

वेबसाईट वर ट्रॅक्शन यायला लागणारा वेळ अनेक घटकांवर अवलंबून आहे. त्यातला सर्वात मोठा घटक पैसा आहे. उत्पादन किंवा सेवेचा दर्जा हा नंतरचा भाग झाला, आधी साइटविजिट्स होणे महत्त्वाचे. मोठ्या कंपन्या बेसुमार पैसा ओततात तेव्हा त्यांना तसे ट्रॅक्शन मिळते. तसे करणे तुम्हाला शक्य होणार नाही तस्मात् ऑनलाईन अ‍ॅडवर्टाइजिंगमधे पैसे घालवू नका. टार्गेटेड अ‍ॅड हा प्रकार वर गॅरी यांनी सांगितला तो छोट्या कंपन्यांना फारसा लाभदायक नाही हा अनुभव आहे. महिन्याला दहा लाख इतके फक्त फेसबुकचे बजेट ठेवत असाल तर उपयोग होतो. बाकी हजार पाचशे रुपये डेली बजेट म्हणजे फेसबुकची धन आहे. वेबसाईटवर ट्रॅन्जॅक्शन्स मोठ्या प्रमाणात व्हायला खुप वेळ जाईल. धीर ठेवा. तुमच्यासारखीच सेवा देणारे अनेक आहेत म्हणून नाराज व्हायचं नाही, खचून जायचं नाही.

सोशलमिडिया जसे की व्हॉट्सअ‍ॅप, फेसबुक व ट्विटरचा वापर योग्य पद्धतीने फुकट करणे हे उपयुक्त ठरेल. लहान मुलांशी संबंधित जिव्हाळ्याच्या विषयांवर दोन तीन ब्लॉग सुरु करा, इंग्रजी, मराठी. इथले काही सदस्यही त्यावर आपले लेख देऊन तुम्हाला मदत करु शकतील. ह्या ब्लॉगपोस्ट तुमच्या फेसबुक पेजद्वारे शेअर करा, व्हॉट्सएपवरुन शेअर करा. ह्यात सातत्य ठेवा . तुमच्याकडून सेवा घेतलेल्यांचे फीडबॅक टाका. मुलांनी ते कपडे घातलेत असे फोटो (पालकांची हरकत नसेल तर) पेजवर हॅप्पी कस्टमर म्हणून शेअर करा. दर महिन्याला काहीतरी कॉन्टेस्ट ठेवा, व विजेत्यांना मोफत टीशर्ट इत्यादी द्या.

ऑनलाईन खरेदीदारांना आकर्षित करण्याचा एक महामार्ग म्हणजे डिस्काऊंट. ते लक्षात ठेवा. वेगवेगळ्या स्कीम्स पसरवत राहा. काही तरी हटके, लक्ष वेधून घेणारे कृत्य सुरुवातीच्या काळात कराल तर वेबसाईटवर विजिट्स वाढतील, ती लक्षातही राहील. उदा. आता शाळेसाठी मुलांची नव्या वर्षाची खरेदी होते तेव्हा जुने कपडे पडून असतात. ते दान देण्यासाठी कॅम्पेन चालवू शकता. त्यातून युआरएल व तुमची वेबसाईट जास्तीत जास्त लोकांपर्यंत पोचेल.

पुण्यात साधारणतः ५० हजार ते ७० हजार स्त्रिया दरवर्षी प्रसूत होतात. म्हणजे साधारण तुम्हाला दरवर्षी किमान १० हजार नवे ग्राहक उपलब्ध होतात (जे ऑनलाईन खरेदी करु शकतात, करतात) खास नवजात बालकांसाठीच्या कपडे व अ‍ॅक्सेसरीजसाठी विवेक ठाकूर यांनी म्हटल्याप्रमाणे मॅटर्निटी होम्समधे जाहिरात करु शकता. त्यासाठी एक करता येईल. काही मॅटर्निटी होम्सशी टाय अप करुन प्रसूत होणार्‍या मातेस एक (पन्नास रुपयाचा) बुके व शुभेच्छा कार्ड (डिझाइन, कन्सेप्ट, प्रिंटींग : अभ्या..) पाठवून कस्टमर रिलेशनशिपसाठी प्रयत्न करु शकता. त्या नव्या मातेला व कुटुंबियांना हा अ‍ॅप्रोच निश्चितच आवडेल व तुमची दखल घेतली जाईल. सुरुवातीला साधारण महिन्याला पाच सात हजार खर्चात तुम्ही चांगले गुडविल मिळवू शकाल. मिपावरची मान्यवर डॉक्टरमंडळी त्यांच्या मित्र/मैत्रिणींच्या मॅ. होम्समधे तुमच्यासाठी शब्द टाकू शकतील.

ऑनलाईनमधे कमीत कमी वेळेत जास्तीत जास्त ग्राहकांपर्यंत पोचणे शक्य होते. पण अपरिमित कष्ट करण्याची तयारी हवी.

छोट्या व्यावसायिकांच्या व्यवसायाला सहाय्यक होईल अशी स्वस्त मस्त सोशलमीडियासाठीची सेवा मी सुरु केली आहे. ह्या फेसबुक पेजवर आपल्याला अधिक माहिती मिळेल https://www.facebook.com/365Virals-1130927097002173/

अधिक प्रश्न वा शंका असल्यास व्यनि करु शकता वा फोनवर संपर्क साधू शकता.

धन्यवाद! परत एकदा खूप खूप शुभेच्छा. आपली उत्तरोत्तर प्रगती होवो ही सदिच्छा!!!

नवीन व्यवसायासाठी भरपूर सार्या शुभेच्छा मालक.!

एखाद्या कपड्याची मागणी संस्थळावरून टाकल्यानंतर किती दिवसात (लागणारा एकुण वेळ) ते पार्सल मागणी करणार्यांपर्यंत पोचते?

शिंदे साहेब तुमचे अभिनंदन. आता सांगा की ही साइट तुम्ही बनवली कशी? थोडी माहीती त्याबद्दल दील्यास बरे होइल...

नव्या व्यवसायातील प्रगतीसाठी मनःपूर्वक शुभेच्छा!!

संदीप डांगे यांच्या प्रतिसादात खूप महत्वाचे मार्गदर्शन आहे.

शुभेच्छा!

संदीप डांगे ह्यांचा प्रतिसाद फार उपयोगी ठरेल. कमी खर्चांत मराठी लोकां कडे पोचायचे असेल तर मला व्ययक्तिक संदेश पाठवा

आपणास शुभेच्छा.
साईट आवडली. जसे कपडे/ वस्तू आहेत तसेच फोटू देताय ते आवडले तरी मी त्यातील तज्ञ नाही. बाकीचे म्हणतायत तेही बरोबर आहे.
आपल्या साईटचा प्रचार केला जाईल.

नवव्यवसायाबद्दल कौतुक, अभिनंदन, शुभेच्छा !

शक्य तशी शक्य तितकी झैरात करण्यात येईल, प्रामाणिकपणे.

शुभेच्छा!

तुम्ही व्यवसायाचा नुसता विचार करत न बसता त्यात प्रत्यक्ष उतरलात ही खूपच कौतुकास्पद गोष्ट, हे सहजासहजी जमणारे नाही, त्यासाठी अभिनंदन.

वेबसाईट चांगलीच झाली आहे, अजून थोडी आकर्षक बनवता आली, आणखी काही नावीन्य आणता आले तर पहाल. अर्थात व्यवसाय वाढेल तसे या गोष्टी होतीलच, साईटमध्येही अजून पुष्कळ बदल होत राहतील.
साईटवर कपड्यांच्या अजून विविध व्हरायटीज, वेगवेगळे प्रकार ठेवू शकता, त्यासोबतच लहान मुलांच्या इतरही वस्तू जसे खेळणी, स्टेशनरी, पुस्तके, बॅग्ज इ.बर्‍याच गोष्टी हळूहळू विक्रीसाठी अ‍ॅड करू शकता. मात्र या गोष्टी टिपीकल न ठेवता त्यातही काही वेगळेपण असेल हे बघितले तर बरेच.

कोणताही व्यवसाय करतांना पेशन्स ठेवावा लागतोच, शिवाय व्यवसायात बाकीच्या इन्व्हेंटरीज, त्याचा खर्चही बराच असतो
त्यामुळे लगेच नफा होईलच असे नाही, सुरूवातीला कमी ऑर्डर्स असल्या तरी अजून जाहिरात आणि प्रमोशननंतर त्या नक्कीच वाढतील, त्या दॄष्टीने प्रयत्न सुरू ठेवावेत.

तुमच्या व्यवसायाची उत्तरोत्तर प्रगती आणि भरभराट होवो, यासाठी ऑल द बेस्ट.

आपल्या व्यवसायास शुभेच्छा तसेच शक्य तितकी झैरात करण्यात येईल.