विस्तारभयास्तव

स — स्वामी संकेतानंद, Fri, 05/27/2016 - 05:27

विस्तारभयास्तव मी स्वप्नांची लांबीरुंदी कमी केली गजराची धारदार कात्री वापरून काटछाट केलेली ती स्वप्ने गळत असतात पापण्यांमधून विस्तारभयास्तव कंटाळवाणा प्रवास टाळत गेलो हा अधिकचा प्रवास दिला साठवून आता प्रवास शक्य होत नाही विस्ताराचे अजिबात भय नसून विस्तारभयास्तव कितीतरी विचारांना दिली जन्मठेप काही पॅरोलवर सुटले कैदेतून मी परत त्यांना कैदेत टाकतो सावधगिरीचा उपाय म्हणून विस्तारभयास्तव घराला भिंतीमध्ये बंद केले कहर केले त्याला छप्पर देऊन आता खिडकीतून पाहत बसतो वादळवारागारापाऊसऊन ----////-----------////------- Self-censored:- विस्तारभयास्तव कविता लिहताना मात्रा मोजल्या कादंबऱ्या लघुकथेत कोंबल्या संपादकाच्या उत्तराची वाट कधी पाहिली नाही स्वतःच लिहीले की अधिक खोलात जात नाही विस्तारभयास्तव -- स्वामी संकेतानंद

2346 वाचन

💬 प्रतिसाद (16)

च

चाणक्य Fri, 05/27/2016 - 06:13 नवीन

भारी झालीये. पहिल्या दोन ओळींनी जी पकड घेतली ती शेवटपर्यंत.

न

नाखु Fri, 05/27/2016 - 06:31 नवीन

विस्तारभयास्तव कितीतरी विचारांना दिली जन्मठेप काही पॅरोलवर सुटले कैदेतून मी परत त्यांना कैदेत टाकतो सावधगिरीचा उपाय म्हणून

हे ज्याम पटले विचारभयास्तव कितीतरी प्रतिसादांना दिली सुटका काही नजरेतून सुटले अलगद, मी परत त्यांना शोधत नसतो न्युनगंडाला अपाय (नको)म्हणून. स्वामी (चा) नजरबंदी नाखुस

प

प्रीत-मोहर Fri, 05/27/2016 - 06:41 नवीन

वाह !!!

न

नाईकांचा बहिर्जी Fri, 05/27/2016 - 07:12 नवीन

खरंच अप्रतिम कविता करता तुम्ही स्वामीजी ___/\___

भ

भरत्_पलुसकर Fri, 05/27/2016 - 07:32 नवीन

वा!

ए

एस Fri, 05/27/2016 - 07:41 नवीन

स्वामीजी, क्या बात है!