पाऊस हा पहिला

म — माहीराज,
पाऊस हा पहीला का असा बरसला याद तुझ्या प्रेमाची घेऊन का आला ।। धृ ।। रिमझिम ओल्या पावसात भिजताना ओढ तुझी का लागते या मनाला पावसात ओल्या पावलांच्या खुणा शोधण्याचा मनाला छंद हा लागला ।। 1 ।। आज फुलांचे रंग ही बहरून आले अलगद मन बेधुंद जरासे झाले या फुलात आता चेहरा का तुझा शोधण्याचा मनाला छंद हा लागला ।।2।।
3417 वाचन
💬 प्रतिसाद (12)
प
प्रा.डॉ.दिलीप बिरुटे Tue, 06/28/2016 - 12:01 नवीन
या फुलात आता चेहरा का तुझा शोधण्याचा मनाला छंद हा लागला..! मस्त ओळी आवडल्या. -दिलीप बिरुटे (चाफ्याच्या फुलात तिला शोधणारा)
न
निश Tue, 06/28/2016 - 19:11 नवीन
छान कविता...अजुन येउ द्यात
अ
अभ्या.. Tue, 06/28/2016 - 19:14 नवीन
फक्त याद शब्द खटकला. हिंदी पण आहे आणि घेऊन आली हवे ना. त्यापेक्षा आठव तुझ्या प्रेमाची असे चालेल काय?
म
माहीराज Mon, 07/18/2016 - 20:03 नवीन
शब्दांच्या मीटरमुळे याद हा शब्द घ्यावा लागला
च
चांदणे संदीप Mon, 07/18/2016 - 22:06 नवीन
ही मीटराची पट्टी नै आवडत आपल्याला! तुमच्या एका जुन्या कवितेवर फिदा हौत आपण. मीटरला 'फूट'वल्याशिवाय खरी कविता मोजता येणार नै माहीराज! पाऊस हा पहिला, का असा बरसला? ओल्या आठवांना, का तुझ्या लगडला? ।। धृ ।। रिमझिम ओल्या, पावसात भिजताना ओढ तुझी का लागे, माझीया मनाला ओल्या पावलांच्या ओलेत्याच खुणा छंद शोधण्याचा हा लागला मनाला ।। 1 ।। बहरूनीया आले, फुलांचे रंग ओले अलवार मनही, झाले बेधुंद जरासे फुलात इथल्या, चेहरा तुझाच छंद शोधण्याचा हा लागला मनाला ।।2।। हे घ्या, तुमचीच भाजी घेऊन जरा जिऱ्या-मोहरीची फोडणी मी दिलीये. फूटपट्टी घेऊन मोजू नका लगेच!! ;) Sandy
↩ प्रतिसाद: माहीराज
र
रातराणी Tue, 07/19/2016 - 03:09 नवीन
सुरेख! मूळ कविता आणि फोडणी दोन्ही!
↩ प्रतिसाद: चांदणे संदीप
ज
जव्हेरगंज Sun, 07/24/2016 - 19:07 नवीन
चांदणेबुवांना कवितांचा दांडगा अभ्यास आहे असं दिसतंय!
↩ प्रतिसाद: रातराणी
ज
ज्ञानोबाचे पैजार Mon, 07/25/2016 - 06:39 नवीन
मुळ कविता मस्त आहे. तिला चांदणसरांनी स्वतः मेकप केल्या मुळे चारचौघीत उठून दिसायला लागली. पैजारबुवा,
↩ प्रतिसाद: चांदणे संदीप
न
नाखु Mon, 07/25/2016 - 10:32 नवीन
अंधारातून लख्ख चांदण्यात आली.... दैनीक मिपा नाखु समाचार. धुराळी धाग्यांमध्ये शीतल"चांदण्याची" झुळुक.... दैनिक टका टाईम्स दुश्त दुश्त आठवणींना गोडुलं अंगडटोपडं मिळालं : दैनिक आत्मा का परमानंद (दैनिक आज का आनंद शी काहीही संबध नाही०) संकलक नाखु ता.क. शीतल उपमा आहे व्यक्ती नाही खुलासा संपला
↩ प्रतिसाद: ज्ञानोबाचे पैजार
म
माहीराज Sun, 07/24/2016 - 18:44 नवीन
Khup chan fodani. . मीटर नसलेल्या कविता लिहायलाच खरी मजा येते . पण काय करणार राव गुरूंनी मीटरच्या भानगडीत अडकवलंय मग काय करणार
स
संजय पाटिल Mon, 07/25/2016 - 06:52 नवीन
छान कविता आणि फोडणी पण