५ वर्षा च्या मुलीचा हट्टीपणा कसा कमी करू?

फारच जास्त वैयक्तिक होतंय काय? बाळीचे वय ५च आहे हे आपण विसरला आहात काय?

तुम्हीच असा आयडी घेतल्यावर पोरीने घरात दंगा केला तर काय बिघडलं? असो, छोटीला एखादा काका असल्यास त्याकडे हे प्रकरण सोपवावे. अशाच एका हट्टीचा काकाय मी. :)

१. तिची जिद्द पूर्ण करू नका आणि मारू हि नका. पहिल्यांदा थोडा त्रास होईल. पण एकदा तिला कळले कि जिद्द करून काही फायदा नाही. ती आपसूक शांत होईल. २. तिने मागितलेली आवाक्यात असलेली वस्तू नंतर काही दिवसांनी तिला आणून द्या. ३. खाण्याचे नखरे मुळीच सहन करू नका. ताटात वाढलेले संपवण्याची सवय याच वयात लावावी लागते. सुरवातीला तास भर वाट तरी काही हरकत नाही. १०-१५ दिवस त्रास होईल. नंतर हा हट्टीपणा कमी होईल. १००% ग्यारंटी वाला हा उपाय आहे. माझ्या सौ. ने हाच वापरला होता. आज माझी मुले (मुलगी आणि मुलगा) मोठे झालेले आहे. पण ताटात कधी एक कण टाकत नाही. मला कधीच त्यांच्यावर हात उगरायची गरज पडली नाही.

आजकालच्या नाटकी डायर्या लिहणार्या पालकांमध्ये तुम्ही एक वेगळे पालक दिसलात. फटके द्यावेच लागतात ( शाब्दिक सुद्धा))

खाण्याचे नखरे मुळीच सहन करू नका. ताटात वाढलेले संपवण्याची सवय याच वयात लावावी लागते...

हट्ट, लाड आता करून घेणार नाही मग कधी करणार? पण योग्य त्या पद्धतीने हा विषय हाताळलात तर वाढत्या वयाबरोबर हट्टीपणा जाईल कदाचित, पण तसं नाही झालं तर प्रचंड म्हणजे प्रचंड हट्टी बनतात मुलं, त्याचबरोबर आई किंवा वडीलांबद्दल(जो जास्त रागावतो किंवा मारतो) द्वेषाची भावना मनात वाढत राहते.

आधी स्वतःकडे तर पहा @ माझा संयम सुटतो आणि त्याची परिणिती तिला फटके पडण्यात होते आणि ज्याचे मला फार वाईट वाटते. तुमचा संयम तुम्ही न सोडता सुटत नाही फटके मारणे तुमच्या हातात आहे ते बंद करत नाही वाईट वाटणे आवडत नसूनही त्याची निर्मिती करणे बंद करत नाही हट्टीपणा तुमचा वारसा म्हणून तर तुम्ही तिला दिला नाही ?

घरात देवाच्या फोटोच्या जागी लावा. (हा वाक्प्रचार आहे.शब्शः अर्थ शोधत बसू नका.आमच्या देव्हार्‍यात पुस्तकेच असतात.) "तुम्ही आणि तुमची मुले" लेखक श्री.अविनाश भोमे.

एकांगी उपदेश करणे सोपे आहे. पण मुलांना शिस्त लावायची असेल तर सगळ्या वडिलधार्‍यांची एकजूट पाहिजे. नाहीतर आईने रागवल्यावर आजी/आजोबा/बाबा यांच्याकडे अभय मिळते, हे कळले की मुले जास्त हट्टी होतात.मारणे चुकीचे आहे पण हट्ट केल्यावर सगळ्यांनी समजावणीचा एकच सूर लावला पाहिजे.

लहान आहे ती...थोडी दंगामस्ती करणारच.....हेच वय असतं !

हट्टीपणा कमी करायचा असाही मार्ग.. भाऊ आजोबा, डेंजर आजोबा (जोपासनापर्व - ७) अवांतरः भाऊ तोरसेकर? खीक... ;-))

>>>>>१. मी नक्की काय करावं की ज्यांनी मुलीचा हट्टीपणा कमी होईल? स्वतःवर कंट्रोल ठेवा. -दिलीप बिरुटे

मुलांना काही सृजनशील गोष्टी करायला द्याव्यात. मुलांना घरात कोण कमांडिंग आहे ते बरोबर समजतं. कुणाचं ऐकायचं कुणाचं नाही ते ओळखतात. त्यामुळे मूल माझं ऐकत नसेल तर वाईट वाटून न घेता ज्या 'सोनारा'चं ऐकतात त्याला सकारण सांगावं आणि त्याला मुलाचे कान टोचू द्यावेत. 'सोनार'च आपलं ऐकत नसेल तर मात्र आत्मपरिक्षणाची गरज आहे ;)

काही मन गुंतवणाय्रा गोष्टी शोधा.

तुमचा हट्ट सोडा आधि . मुलगी तुमच्यावर गेलेली दिसते.

काहीही करा, पण मारू नका लेकराला. (किंवा मोठं झाल्यावर लेकराने कानाखाली जाळ काढल्यास वाईट वाटून घेऊ नका.)

तुमच्या लेकीचा दिवसातला किती वेळ मित्र मैत्रिणीं बरोबर जातो? मला असं वाटतं की ती तिची ऊर्जा कुठे गुंतवत नसल्याने असे होत असावे. पूर्णतः अननुभवी सौरभ

मुलीच्या प्रत्येक गोष्टीला नाही म्हणू नका.भले तिचा तिला त्रास होउदे थोडा.माझ्या मुलीचा गरम भांड्याला हात लावयला खुप आवड़ायचे (कदाचित ती भांडी पकडिने धरली असतील म्हणून असेल ) वैतागुन एकदा मी तिला खुशाल हात लाऊ दिला कुकरला.खुप वाईट वाटले पण शेवटी औषध कडूच् असते या म्हणी प्रमाणे आता एकदहि सांगावे लागत नही की हात लाउ नको म्हणून ...अनुभवातून तिला स्वत:ला शाहणपण येउदे.प्रत्येक गोष्ट आपण सांगू तीच अणि तशाच प्रकारे मुले अमलात आणतील अशी खुप कमी मुले असतात आणखी एक म्हणजे एखादी गोष्ट नहि द्यायची मुलीला तर कोणीच नाही द्यायची..ना आई ना बाबा ना आजी आजोबा.हा आता याबाबत मात्र तुम्हाला तुमच्या घरच्यांशीच् बोलावे लागेल

नुसते फटके देऊन मुले हळू हळू निगरगट्ट होतात त्यांच्याशी त्यांच्या कलाने घेऊन बोला

आता शेवटचे हट्टीपणा करते म्हणजे एझ्याक्ट काय करते कोणत्या विशेष बाबतीत की कसे वगैरे ते विस्तृत संगितलेत तर बरे होईल

फटके देणे चालू ठेवा,मनुष्याला फक्त माराची भीती असते,जर तिचे हट्ट पुरवत गेलात तर पुढे हा हट्टीपणा ब्रेनमध्ये कायमचा कोरला जातो आयुष्यभरासाठी.तेव्हा की फटकींग ,पण चाईल्ड ॲब्युज होऊ देऊ नका

आजकाल हा उपाय करायला लोक्स फार घाबरतात पण रिझल्ट पक्का. तिला एका भावंडाची गरज आहे.

स्वतःच्याच कानाखाली मारून घ्या लहान पोराला मारण्यापेक्षा.

मी समजू शकते..कधी कधी आपण कितीही ठरवले तरी रागाच्या भरात फटका दिला जातोच. तुम्ही मुलीबरोबर ठरवून क्वालिटी टाईम घालवा.मी माझ्या साडेचार वर्षाच्या मुलासाठी ३-४ इन्ग्लिश व मराठी गोष्टिची पुस्तके आणली आहेत. आणि रोज रात्री झोपताना त्याला त्यातली एक गोष्ट वाचून दाखवते.आता त्यालाच इतकी आवड लागली आहे की रोज रात्री तो गोष्ट एकल्याशिवाय झोपतच नाही.अशीच कोणतीही Activity मुलीबरोबर तुम्हीपण सुरु करा.

आधी घरातल्या इतरांना धाकात घ्या. ते तुमचे गपचूप ऐकतायत हे पाहिल्यावर मुलगी पण नरम पडेल!

चक्क ४ वेळा धन्यवाद...

मुलगी एकच आहे की ४ आहेत...

मुलांनी हट्टी का नसावं?