स्वीट न स्पायसी एग्
Primary tabs
साहित्य
४ अंडी
१ कांदा बारीक चिरून
५ ते ६ लसूण पाकळ्या, बारीक चिरून
१/२ इंच आल्याचा तुकडा, बारीक चिरून
३ ते ४ लाल सुक्या मिरच्या
१ चमचा तिखट चिली सॉस
१ चमचा सोया सॉस
१ चमचा टोमॅटो सॉस
१ चमचा कॉर्नफ्लॉवर पावडर
१ चमचा मध
१ मोठा चमचा तेल
मीठ, चवीनुसार
कृती
नेहेमीची अंडा भुर्जी, बॉइल्ड एग भुर्जी खाऊन कंटाळा आलेला असेल तर हा एक थोडा वेगळा प्रकार करून बघा. थोडासा गोडसर तिखट असल्यामुळे मुलं आवडीने खातात. तिखट हवे असल्यास मिरच्या वाढवा किंवा तेलात हिरवी मिरची वापरू शकता. कांद्या ऐवजी कांदेपात वापरली तर चव अजून खुलेल.
अंडी उकडून, सोलून त्याच्या गोल चकत्या कापून घ्या. पॅन मध्ये तेल गरम करून त्यात लाल मिरच्यांचे तुकडे करून घाला. मिरच्या थोड्या परतून मग त्यात आलं, लसूण घाला. थोडा वेळ परतून मग चिरलेला कांदा घालून कांदा मऊ होऊं द्या.
आता पॅन मध्ये, सोया, टोमॅटो आणि चिली सॉस घालून मिश्रण एकजीव करून घ्या. एक चमचा मध घालून ढवळून घ्या. अंड्यांच्या चकत्यांवर कॉर्नफ्लॉवर भुरभुरा आणि त्या हळुवारपणे पॅन मध्ये घाला. अलगद हाताने अंडी परतून मसाला सगळीकडून लावून घ्या.
चवीनुसार मीठ घालून, गरम गरम स्वीट न स्पायसी एग्स सर्व्ह करा!
हीच पाककृती अंडे न घालता कशी करता येईल?
अंडं तुम्ही नं घालता कोंबडीने घातलेले वापरले कि झालं..
धागा त्यांचा मिरच्या तुम्हाला झोंबल्या?
धाग्यावर दिलेल्या प्रतिसादाबद्दल हलकं घ्यायचं कि कसं ते दिक्षीत साहेब पाहून घेतील. तुम्ही तेवढं ते वैयक्तीक प्रतिसाद आवरा.
सामना मिक्सड डबल नाहीये तर एकेरी आहे का?
कैच्या कै प्रतिसाद कसं काय देतायत किसनदेव?
अगदी बरोबर.:-):-)
माणसाचंच काय, कोंबडीचंही अंडं खात नाही म्हटल्यावर माझा आपला साहजीक प्रश्न. ;)
किसन्या, तू श्रावण महिना असून अगदी ठळक स्पायसी एग असा लिहिलेला धागा उघडलाच कशाला?
.
कुठं कुठं म्हणून न्यायची सोय नाही ह्याला.
बारमध्ये गेलो तर बूस्ट मागणार हे देव.
इंग्रजी नाव असूनही मराठीत लिहिल्यामुळे धागा उघडला असेल ;)
हे ह्या साठी होत
पनीर नाही तर बटाटे घालुन..
मी पयला!
मी पाह्यलं, पण तू पयला नाय बापु.
छान रेसेपी! करुन बघेन!
खाल्लावर सांगतो.
फोटो जीवघेणा आहे तो पहिला!!
कांदा बारिक चिरण्याऐवजी अंड्याच्या चकत्यांप्रमाणे त्याच्याही चकत्या केल्यास अजून मस्त सागेल!
रेसिपी ट्राय करून पाहतो, मस्तच आहे!
- (बल्लव) सोकाजी
आधी ते 'कॉकटेल' सोकाजीराव कुठे गेले ते सांगा. जमाना उलटून गेला की लाष्टचं कॉकटेल रिचवून (म्हणजे धागा वाचून.)
करून बघणार.
हे अस्ले फोटू टाकून आमचा जीव का घेता तुम्ही? च्याय्ला! कस्ला जीवघेणा फटू आहे!!!
ती डिश, अन त्यातली डिश!! आहाहा. केदारभौ! मान गये उस्ताद!
..... __/\__
-- --
कांदा ज्यांना "बारीक" चिरता येतो,त्यांना सलाम.फार पेशंसचं काम हो.पण जिथे तिथे 'बारीक कटा हुवा प्याज'च सांगतात.आमचं तर अर्ध अवसानच तिथेच गळते.
वजनाने जड पात्याची धारधार सुरी वापरा आणि त्या पात्याला अगदी नियमीतपणे (शक्यतो आठवड्यातून एकदा) धार करा.
भुश्श्यासारखा बारीक कांदा चिरायचा असेल तर सगळे काही सुरीवर अवलंबून असते.
हा व्हिडीओ बघा.
मोदक, 'स्वयं' पाकसिद्धी करत असल्याचे वारंवार सिद्ध होत आहे काय? ;)
बकेट लिस्ट हो.. बकेट लिस्ट..!! :D
अहो अशी दर आठवड्याला धार काढली तर सूरी 4 महिन्यात खलास होईल! :-)
व्हिडिओत दाखवलंय, किंवा मास्टर शेफ वर आपण बघतो, कि एका स्टील च्या खरखरीत रॉड वर ते सुऱ्या घासतात, त्याला होनिंग म्हणतात.
स्टेनलेस स्टील च्या सुऱ्या साधारण २ ते ४ वेळा वापरल्या कि होनिंग कराव्या, कार्बन स्टील ची पाती मात्र प्रत्येक वेळी वापरताना होन करावी.
सुऱ्यांना धार मात्र सहा महिने किंवा वर्षातून एकदा काढली कि पुरते.
सुऱ्या बद्दल लिहीन एकदा सविस्तर.
सुऱ्या बद्दल सविस्तर लवकर लिहा
मग बहुदा मी होनिंग म्हणत असेन.
सुर्यांबद्दल लिहा सविस्तर..
करूनच पाहिली पाहिजे ,दिसायला तर देखणी आहेच.
+१
करुन पाहिली पाहिजे अशी पाकृ.
कॆडी भावा, कुठं फेडशील ह्ये पाप. निसत्ये कातिल फटू.
असलं कै टाकत नका जाऊ रे.
दुत्त दुत्त केदार.
बाबा योगीराज.
बाबा, एकदा तो कट्टा का काय करा, आणि आम्हाला ह्या पापातून मुक्ती द्या. :-)
चव सुंदर आली होती. लेकीने फन्ना उडवला.
तुम्हाला गप्प बसवत नाही का हो?!!
साधी पाकृ टाकायची सोय नाही. हा माणुस आहेच झब्बु द्यायला!
तुम्ही 'साध्या' पाकृ टाकत नाही. पाहून जीव जळतो. मग करून चव घ्यायची, तर झब्बू द्यावाच लागतो.
अरे क्या बात है! जियो सरजी जियो! कमाल फोटो! आपण टाकलेली पाकृ कोणीतरी करून बघावी आणि चव आवडावी ह्या पेक्षा दुसरं सुख नाही. खरंच तुमचं मनापासून कौतुक आणि आभार!
फोटो काय भारी दिसतोय.