याचे दुष्परिणाम किती खोल असतील??

पाणबुड्या पाण्याच्या वर आल्या हि बातमी वाचली. अत्यंत सेन्सेटीव्ह माहितीवर डल्ला मारला गेला आहे. १) आमरामाचे आधुनिकीकरण, शक्तीवर्धनाला जबर धक्का लागला आहे २) भारताचे भविष्याकालीन समुद्री प्रभावाधारीत राजकरणाला धोका पोचला आहे ३) आता नवे शस्त्रनिर्माते शोधायचे म्हटले तर परत काळाचा अपव्यय ४) मोठ्या डील करणं वेळखाऊ काम असतं. आणि त्यात अशी माहिती फुटली तर क्षणात होत्याचं नव्हतं होतं काय? कि डॅमेज कंट्रोल करता येतो? ५) हि माहिती फोडण्याचं कारण काय असावं ? केवळ शत्रुला माहिती पुरवली असती तर भारताचं जास्त नुकसान झालं असतं ? ६) भारताचा आरमार प्रॉग्राम काहि काळापुरता तरी ठप्प व्हावा म्हणुन हि चाल असावी? ७) इतक्यात बरच काहि होतय. काश्मीरची घग, बलुच प्रकरण वगैरे. कुठेतरी लिंक असावी? नुकतच लोकसत्ताने एक 'कॉन्स्परसी थेअरी' छापली होती... २०१९च्या संभाव्य युद्धाच्या नांदीची. सगळ्या इंट्ररेस्टेड पार्टी आपापली तयारी करण्यात गुंतल्या आहेत म्हणे. कोण जाणे. ८) याविषयी खरच कोणि जाणकार असणार नाहि, असले तरी ते मिपावर कितपत अवतरेल शंकाच आहे. तरि सुद्धा... एक गंभीर विषय म्हणुन काथ्याकुटायला घेतला आहे.