!! सैनिक मरतो देश राहतो !!

दोन राष्ट्रांच्या वादामध्ये, निष्पाप बिचारा अपराधी ठरतो, आणि उगाच कारण नसतानाही, सैनिक का सीमेवर मारतो ? !!१!! त्यास न ठाऊक कारण युद्धाचे, पालन करी तो आदेशांचे, तरी बुद्धिबळाच्या खेळा मधला, सहज मरणारा तो प्यादा ठरतो !!२!! डॊकावूनी पहा त्या गणवेशातून, आपल्या सम तो ही माणूस असतो, सौख्य-सोयरे मागे टाकून, कुणास ठाऊक तो कसे राहतो !!३!! लढत मरावे, मरत लढावे, ध्यास घेउनी जीवनभर जगतो, अन तारुण्याच्या उंबरटयावर, अकारण मृत्युच्या शैयेवर चढतो !!४!! युद्ध खरेतर राज्यकर्त्यांचे, तो तर केवळ साधन ठरतो, वाढे यादी हुतात्म्यांची कदाचीत, एक घर मात्र - मुलगा, नवरा वा बाप गमवतो !!५!!