पाककृती

खव्याचे काय करू?

By इना  ·   ·  19925 reads  ·  0 bookmarks

माझ्याकडे गाजर हलवा करायला आणलेला खवा शिल्लक आहे, तरी झटपट करता येतील अशा रेसिपी सूचवाव्यात अशी विनंती.

बऱ्याचदा आपण एखादा पदार्थ करण्यासाठी काही विशिष्ट साहित्य आणतो पण ते पूर्ण वापरले जात नाही तर इतर कुणाला ह्या धाग्यावर असे प्रश्न विचारायचे असतील तर अवश्य विचारावेत, इथल्या पाककलानिपुण सदस्यांच्या सूचनांचा माझ्यासारख्या नवशिक्या स्वैपाकघरात लुड़बुड करणाऱ्याना फायदा होईल आणि सामान वाया जाण्याचे दुःखही होणार नाही.

धन्यवाद

रेवती

किती खवा शिल्लक आहे त्यावर अवलंबून आहे.
खव्याच्या पोळ्या, साटोर्‍या, गुजीया, पेढे, बर्फी, गुलाबजाम, खव्याचा केक, रवा + खवा लाडू असे माहित आहे नैतर मग पुन्हा हलवा करायचा.

chitraa

उरलेल्या खव्याचे भरपूर गुलामजामुन करा.

मग तेही उरतील.

मग उरलेल्या गुलामजामुनचे कोफ्ते करुन एखाद्या ग्रेवी भाजीत टाका.. कोफ्ते तयार.

अजया

मलई कोफ्ता भाजी आवडत असेल तर कमी खवा असताना करता येईल.उपासाच्या कचोर्या पण खवा वापरून करता येतात.सानिकाची पेढे रेसिपी पण करुन बघण्यासारखी आहे.कोणताही फ्लेव्हर घालुन खवा बर्फी करता येईल.

स्वाती दिनेश

बाणा, मलाही पाकच आठवला. :)
खवा उरला तर पेढे, बर्फी करता येईल. गाजरहलवा झाला, दुधीहलवा करता येईल. साटोर्‍या, खवा घालून रवानारळ लाडू.. अनेक पदार्थांचे ऑप्शन्स आहेत की. नाहीतर दिवाळीपर्यंत खवा फ्रिज करून ठेवा, करंज्यात घालता येईल किवा यातले कोणतेही पदार्थ दिवाळीत करता येतील.
स्वाती

कंजूस

शेवटी काय केलं ते लिहा.
आमच्याकडे असले पदार्थ कधी काय करावं याचं अशी सीमा गाठत नाहीत.गायब होऊ नयेत म्हणून वॅाचमन ठेवावा लागतो.
१) थोडी साखर घालून पॅटीसएवढे पेढे करा तव्यावर खरपूस पॅटीसप्रमाणे भाजा.२)लाल भोपळ्याच्या किसात घालून केशरी वड्या होतील.

यशोधरा

नुसता खा! हवी तर वरुन पिठीसाखर भुरभुरवून खा.

बाजीप्रभू

मी दिलेला प्रतिसाद तुम्ही वाचेपर्यंत "खवा" शिल्लक असेल कि माहित नाही, पण वरील सगळे उपाय शक्य नसतील तर "खवा" हलवायाला परत द्या... घेतला तर घेतला. हाकानाका. कारण वरील सगळ्या उपायांत "खवा" संपवायला तुम्ही ज्या इतर गोष्टी घ्याल त्या संपणार नाहीत, मग परत "खवा संपला आता गाजर उरलेत त्याचं काय करू?" नावाचा दुसरा धागा येईल.

नाखु

पळवून कसे लावायचे या करिता उगा काहीतरीच धागा काढावा लागेल ते वेगळेच !

सूड

खव्याच्या पोळ्या करा.

अभ्या..

त्या खव्याचा एक हत्ती बनवा. त्याची हळदेकूंकू वाहून पूजा करा. त्या पूजेसाठी शेजारपाजारी बोलवा. त्यांना आमच्याइथे मिपापंचांगाप्रमाणे गजखवा पौर्णिमा आहे म्हणून सांगा. उरलेला खवा त्यांना प्रसाद म्हनून वाटा. अजुन जास्त मेंबर आल्यास त्या हत्तीचा ह्याप्पी बड्डे करा.

दिलीप सावंत

बासुंदी बनवताना पण तूमी तो खावा उपयोगात आणू शकतात. अधिक मराठी पाककृती साठी भेट द्या माझापपेर ला.

इना

सर्वांना धन्यवाद, खव्याच्या पोळ्या आणि पेढ़े ट्राय करणार आहे. हलवा प्रकार आता पुन्हा लगेच नाही खायचा आणि लाडू करंजी आता दिवाळीला करणे होईल त्यामुळे ते नाही करता येणार. या आठवड्यात एक्सपायरी डेट आहे त्यामुळे फ्रिज करून ठेवता येणार नाही. सर्व सूचनांचे आभार :)

इना

नाही हो, कुलुप कशाला लावू? अजून सल्ले असतील तर त्यांचे स्वागत आहे, इतर कुणाला उपयोग होउ शकतो.

इना

खव्याच्या पोळीची रेसिपी आहे का इथे?

इना

धन्यवाद! फारच सुबक झाल्या आहेत पोळ्या, अशा जमतील की नाही काय माहीत :)