चिकनची खेकडा भजी
Primary tabs
साहित्य
६०० ग्रॅम चिकन लेगपीस, स्किन सकट
१ गड्डी लसूण, सोलून, बारीक चिरून
१ इंच आलं, बारीक चिरून
२ ते ३ हिरव्या मिरच्यां, बरीक चिरून
२ कांदे, पातळ उभे चिरून
१ मोठा चमचा काश्मिरी लाल मिरची पावडर
१ चमचा हळद
१ चमचा गरम मसाला
१/२ चमचा ओवा
१/२ वाटी बेसन
३ मोठे चमचे कॉर्नफ्लार
१ १/२ चमचा मीठ
तळायला तेल
कृती
चिकन धुवुन कोरडे करून घ्या. मायक्रोवेव्ह, ओव्हन मोड मध्ये १७०/१८० डिग्री ला प्री-हिट करून घ्या. चिकन चे लेग पीस ओव्हन मध्ये ४० ते ४५ मिनिटे भाजायला लावा.
आलं, लसूण बारीक आणि हिरव्या मिरच्या बारीक चिरून घ्या. कांदे पातळ उभे चिरून घ्या. कांद्याला, सगळे मसाले (लाल मिरची पावडर, हळद, बिर्याणी मसाला/गरम मसाला), ओवा, आलं, लसूण, हिरवी मिर्ची आणि १ चमचा मीठ लावून बाजूला ठेवा.
चिकन भाजून झालं कि गार करून हाडं, स्किन आणि चरबी टाकून द्या. शिजलेले बोनलेस चिकन श्रेड करून घ्या.
चिकन कांद्याच्या मिश्रणात टाकून, ते निट मळून घ्या. ह्यात आता ३ चमचे कॉर्नफ्लॉर, आणि लागेल तसं बेसन घालून, मिश्रण भज्यांच्या पीठ सारखे करून घ्या. चव बघून लागल्यास मीठ घाला.
कढईत तेल गरम करून, भज्या थापून, मध्यम आचेवर तळून घ्या. गरमागरम चिकन खेकडा भजी तळून मीठ लावलेल्या मिरच्या सोबत खायला घ्या!
[चिकन लेगपीस ओव्हन मध्ये नं भाजता, प्रेशर कुकर मध्ये सुद्धा एक शिट्टी देऊन शिजवून घेऊ शकता. मी कोथिंबीर घालायचं विसरलो, ती सुद्धा बारीक चिरून घालू शकता. मिश्रण नीट मिळून येण्यासाठी, थोडं पाणी घातलं तरी चालेल, मला लागला नाही, कारण कांद्याला पाणी सुटतं, तेवढा पुरेसा आहे. तळताना फार वेळ तळावे लागत नाही, तुम्ही कांदा जितका पातळ चिराल तेवढ्या पटकन ह्या भज्या शिजतील, कांदा, लसूण, मिरच्या आणि आलं चिरायला मी मांडोलीन/स्लाईसर वापरला].
हा आयडी बॅन केला पाहिजे.
बेक्कार कमेंट..
:))
करा करा..
अगागागागा!!!
जीव घेता कि काय अहो आता!
तोंडाला पाणी सुटले...
दिसतय छान पण मी नाही खाऊ शकणार.
वाखु साठवली आहे. भेटल्यावर आठवण करुन दिली जाईल. न मिळाल्यास कट्टी केली जाईल.
एक नंबर !
कांद्याची भजी आणि फ्राईड चिकन दोन्हीही आवडतात, त्यामुळे हा प्रयोग एक नंबर असल्याबद्दल शंकाच नाही !
सांभाळुन!
बर्ड फ्लु सिझन सुध्दा सुरु झालाय.
चिकन नीट शिजवले / तळले तर त्यातले व्हायरस मरून निकामी होतात :)
भारीच ............
चिकन कशाने किसले ?
एअर फ्रायर वर भारी होतील ना ही भजी ?
नुसती भजी खाऊन उपयोग नाही सोबत दुसरे ही काही लागेल .
चिकन स्किन सकट कमी तापमानाला ऑन-दि-बोन शिजवल्यामुळे अतिशय मऊसूद शिजते. गार झाल्यावर हाताने श्रेड करता येते.
प्रचंड चिडचिड होते असे धागे पाहिले की...
तर बुवा फटु बघुनच खलास होतो या माणसाचे. च्यायला!
कुठाय ती कोंबडी? आणा तिला इकडं!
सगळ्या बिचाऱ्या मिपासदस्यांवर इमोसनल अत्याचार झालेला पाहुन ड्वाले पानावले ..
मी चिकन खात नाही पण तुम्ही टाकलेल्या फायनल डिश चा फोटो तोम्पासू आहे
लवकरच बनावल्या जाईल ☺
हान तिच्यायला केडी भाऊ दंडवत घ्या आमचा
__/\__
__/\__
केवळ क्लास...
पुन्हा एकदा कल्पकतेला सलाम. रेसेपी आणि चित्रे खास. _/\_ याबरोबर मिरची-पुदीन्याची चटणी मस्त जोड देईल.
...नक्कीच भारी लागेल ह्या सोबत.
ओव्हन मोडमधे मायक्रोवेव्ह.. ओटीजी चालेल का?
माझ्याकडे OTG नाहीये, त्यामुळे माव्हे चा वापर.
या डिशच्या नावामध्ये खेकडा कशाकरता?
बेसन च्या ऐवजी थोडा जाड रवा आणि ब्रेड क्रमस वापरले तर ही भजी छान क्रिस्पी होतात.
वर्णन आणि चित्रे बघूनच तोंडाला पाणी सुटले, लवकरच कार्यास लागले पाहिजे, ही जाणीव झाली.
मस्त आहेत फोटोज. बाय द वे , मी airfryer मध्ये बाकरवडी केली, १ चमचा तेलात, मस्त झाली नक्की तरी करून बघा के डी !
मस्त आयडिया! करून बघेन नक्की!
मस्तं!
कोलंबी,तिसऱ्या,कालवं इ. वापरून केली होती,पण चिकन घालून कधी नव्हती केली.आयडीआ छान आहे.