पाककृती

चीज शंकरपाळे

By इशा१२३  · 

शंकरपाळे
साहित्य :
मैदा :दोन वाटी
चीज किसलेले :एक वाटी
जिरे जाडसर पुड :एक चमचा
मीठ : चविनुसार
तेल :दोन चमचे
खायचा सोडा : चिमुटभर

Sahity

कृती : प्रथम मैदा व सोडा चाळून घेणे.त्यात किसलेले चीज,जिरे पुड,मीठ घालून एकत्र करावे.या मिश्रणात तेल गरम करुन घालावे.आता हे तेल मैद्यास चांगले चोळून घ्यावे.
या मिश्रणात बेताने पाणी घालत घट्ट मळून घ्यावे.अर्धा तास हा भिजलेला गोळा तसाच ठेऊन द्यावा.

Sahity १

एक गोळा पोळपाटावर लाटून त्याचे शंकरपाळे कातुन घ्यावेत.कडकडीत तेल तापवून त्यात अलगद कापलेले शंकरपाळे सोडून मंद आचेवर एकसारखे तळून घ्यावेत.तळलेले शंकरपाळे गार होउ द्यावेत.गार झाल्यावर छान कुरकुरीत होतात.

शंकरपाळे

आता मस्त एखाद्या डिप मधे बुडवून नाहीतर चहा बरोबर शंकरपाळे खा.नुसतेही छान लागतात.
लहान मुलांनाही हे शंकरपाळे खुप आवडतात.

स्रुजा

वाह ! हवीच होती हुकुमी शंकरपाळ्यांची कृती. मैद्या ऐवजी कणिक चालते का? की मऊ पडतील शंकरपाळे?

इशा१२३

नाहि व्हायचे, थोडा बारीक रवा मिसळ आणि घट्ट भिजव.ऐनवेळी परत नीट मळ.

एस

आधीच दिवाळीचा फराळ खाऊन वजन नव्वदच्या स्पीडने पुढे पळतं. त्यात तुम्ही वर चीज घालता. कुठे फेडाल ही पापे! ;-)

रेवती

वाह! बरे झाले ही पाकृ समजली. नैतर रोज दुपारी काय खायला द्यायचे हा प्रश्न असतो. फोटू पाहून लगेच करायला घ्यावेत असे वाटतेय.

त्रिवेणी

मिपा मालक आणि संपादक लोक कुठे गेले? इथे एक तिन चार आयडी बॅन करायचे हेत. लगेच केडी, इशा यांना बॅन करावे ही नम्र विनंती.
सध्या गणपा, सानिका थोडे शांत आहेत त्यांना राहू द्या.

आतिवास

दिवाळीत तुमच्या घरी एक चक्कर टाकायला हवी :-)

पलाश

मस्त!! चिवडा आणि हे चीज शंंकरपाळे आवडले. आणखी दिवाळी पाककृृतींची वाट पहाते आहे.

नाखु

अगदी चीज होत असेल असे वाटते. पा कृ आवडली

फराळी मदतनीस नाखु

भुमी

सोपी पाककृती,फोटोपण मस्त आलेत.

रुपी

वा.. मस्तच..

फराळ बनवून पाकृ टाकायलाही जमवत आहेस म्हणून खास कौतुक! :)

मराठमोळा

मस्त.. रेडीमेड चीज बाईट्स वगैरे प्रकार घेण्यापेक्षा कधीही चांगले..
करायला सोपी पाकृ आवडली.

अनन्न्या

दिवाळीत नाही पण नक्की करून बघणार, आणि तुला फोटो पण पाठवणार!

स्मिता श्रीपाद

केल्या केल्या केल्या
काल केल्या....कणीक, बारीक रवा, चीज, चिली फ्लेक्स, ईटालिअन हर्ब घातले
झक्कास झाल्यात.
धन्यवाद ग ईशा.

इशा१२३

धन्यवाद सगळ्यांना!
हो ग,हर्ब्ज घालुन छान होतात,मी तशा लांब पट्ट्या कापून तळते, मस्त दिसतात.

इशा१२३

धन्यवाद सगळ्यांना!
हो ग,हर्ब्ज घालुन छान होतात,मी तशा लांब पट्ट्या कापून तळते, मस्त दिसतात.

प्रयोगिका

पीझझा टॉपिंग आणि काळी मिरी घालून केले.. मस्त झाले आहे.

रमेश आठवले

आपण मीठा ऐवजी साखर किंवा गुळ वापरून केलेल्या पाळ्यांना ही शन्करपाळे (हिंदीत शक्करपारे) म्हणतो . तरी यांना चीझ नमकपारे म्हणावे का ? चीझ शक्करपारे चांगले लागतील असे वाटत नाही.