सदाहरित धागा - मनातले प्रश्न..शंका..जिज्ञासा..सल्ला, माहिती- भाग ६

माझ्या घरी घरमालकांनीच बसवून दिलेली सिस्टीम आहे. तिला बहुतेक १५००० खर्च आलेला, ३५० लिटर ची क्षमता आहे. गेले साडेतीन वर्ष अजून काही दुसरा खर्च नाही. पाणी सतत गरम येते. दुसरी गोष्ट म्हणजे कनविनियन्स. २४ तासात कधीही नळ फिरवला की गरम पाणी. गिजर सारखं आधी सुरु करुन ठेवा इत्यादी प्रकार नाही. तसेच सिलेंडर चा किंवा पाइपगॅसच्या कन्झम्प्शन चा खर्च शून्य. ही सिस्टीम 'किमान' दहा वर्ष विना-मेन्टेनन्स चालेल. दहा वर्षात किती रुपयांचे गॅस कन्झम्पशन होईल तो हिशोब करा. शिवाय पर्यावरणपूरक आहेच. सुर्याशिवाय इतर कोणावरच अवलंबून राहायची गरज नाही. अगदी काळ्याकुट्ट ढगाळ वातावरणातही किमान कोमट पाणी येतंच. एवढ्या वर्षात थंड पाणी येण्याचा प्रसंग एकदाच आलेला जेव्हा सतत तीन दिवस ढग भयंकर दाट होते. त्या सिचुएशनला शेगडीवर पाणी तापवून घेतले, बस. खरं सांगू का? मी सोलार वॉटर हिटर सिस्टीमचा भयानक पंखा आहे आणि प्रत्येकाला ते वापरण्याचा सल्ला देतोच. पर्यावरणपूरक व युजरफ्रेंडली साधने जास्तीत जास्त वापरली जावीत ह्याचा आपण सर्वांनीच प्रचार-प्रसार केला पाहिजे. जसे की खालच्या चित्रात दिलेली बायोगॅस शेगडी. ही मला भारी वाटली पण अजून प्रत्यक्ष अनुभव नाही. स्वतंत्र घर असणार्‍यांसाठी चांगली दिसते. सोसायटी साठीही मॉडिफिकेशन करुन मिळाली तर अजून बरं.

नाही.

एक वर्षाची वोरंटी आहे, मी अजून आणले नाहीत अनुभव नाही

मंडळाच्या हापिसात मिळत नसून, हापिसाच्या बाहेर ते ते कंपनीवाले हे बल्ब विकतात. प्रामाणिक सल्ला : एमेसिबीतून घेण्यापेक्षा डी-मार्टमध्ये CG चे मिळतात, ते घ्या.

उभ्या आडव्या कशाही ठेवा, फक्त फुटून/ लूज झाकणामुळे गळती होणार नाही इतकं बघा म्हणजे झालं.