अमेरिकन अध्यक्षीय निवडणुक-२०१६ निकाल

ट्रंप नावापुरतेच रिपब्लिकन आहेत.

हो डॉनल्ड ट्रम्प हे रिपब्लिकन असले तरी फ्री ट्रेडचा विरोध करत आहेत. तसेच इमिग्रेशनच्याही विरोधात आहेत. यापूर्वी रिचर्ड निक्सन हे मध्याच्या उजवीकडच्या लोकांच्या गळ्यातले ताईत होते. पण त्यांनीच किंमतींवर नियंत्रण लावण्यासारखे उजवे लोक कडाडून विरोध करतात ते निर्णय घेतले होते. ट्रम्प निवडून आले तरी रिपब्लिकनांपेक्षा अपेक्षित असलेले निर्णय ते घेणे कठिणच आहे. रॉनाल्ड रेगन यांची अफगाणिस्तानप्रकरणातील भूमिका कितीही पटत नसली तरी त्यांच्यानंतर हाडाचा रिपब्लिकन अध्यक्ष झाला नाही असेच म्हणायला हवे.

माझ्या माहितीनूसार त्यांचे भाकित गेल्या ३४ वर्षात ८ वेळा बरोबर आले आहे. लिन्क शोधत आहे.

शंभर नाही ३०

1. जर सगळे सुरळीत पार पडले तर मंगळवारच्या (नोव्हेंबर ८ च्या) रात्रीच्या बारापर्यंत (बॉस्टन टाईम) राष्ट्राध्यक्षिय निवडणुकीचा निकाल लागला असेल. काँग्रेस आणि सिनेटचे निकाल कळायला बुधवार सकाळ उजाडेल.
2. पण जर का काही गडबड झाली: म्हणजे कुठल्याही राज्यात दोघांमधील इलेक्टोरल कॉलेज मधला फरक नगण्य असेल, तर निवडणुक प्रक्रीयात आपोआप फेरमोजणी करावी लागते. तसे झाले तर निकाल लागायला उशीर होऊ शकतो.
3. त्याही पुढे जर कुठल्याही बाजूमुळे न्यायालयीन युद्ध सुरू झाले तर कितीही रेंगाळू शकते. कारण त्यामधे खालच्या कोर्टापासून सुरवात होऊन सर्वोच्च न्यायालयापर्यंत खटला सरकत जाणार. तिथे रिपब्लिकन पक्षाने ओबामाला न्यायाधिश नेमून न दिल्याने ८ न्यायाधिश आहेत. त्यातील चार हे उजव्या विचारांचे अथवा रिपब्लिकन राष्ट्राध्यक्षांनी नेमलेले आहेत तर ४ डेमोक्रॅट राष्ट्राध्यक्षांनी. परीणामी जर त्यांच्यातले मत टाय झाले तर बोंब!
4. ते काही झाले तरी घटनेनुसार २० जानेवारी २०१७ हा ओबामाचा राष्ट्राध्यक्ष म्हणून शेवटचा दिवस आहे. जर तो पर्यंत राष्ट्राध्यक्ष ठरला नाही, तर अमेरीकन काँग्रेसचा सभापती हा राष्ट्रध्यक्ष होतो. तो कोण असेल हे उद्याच्या निवडणुकीत बहुमत कुणाला मिळते यावर आणि पक्षांतर्गत राजकारणावर अवलंबून राहील!

यातील १ आणि २ इतकेच मुद्दे अपेक्षित आहेत. पण तसे काय ट्रंप राष्ट्राध्यक्षिय उमेदवार होणे पण अनपेक्षित होते आणि तरी झाले! तेंव्हा काही बोलता येत नाही! ;)

आमचा एक दोस्त लोकांनी गेल्या वीकांतालापण मत दिलं असं म्हणत होता. ही काय भानगड आहे?

अहो त्याना काळजी निवडणुकीची नाही हिलरीची वाटतीय !

मतदानाच्या प्रमाणात ७ ते ८ टक्के वाढ होईल व भल्याभल्यांचे अंदाज चुकतील.

मतदानाला सुरवात झाली आहे. सध्या मतदानाचा वेग किती आहे याविषयी माहिती नाही.तेव्हा त्याविषयी काही लिहित नाही. तरीही समजा मतदानाचे प्रमाण वाढले तरी भारतात किंवा इंग्लंडमध्ये जितका फायदा मिळाला असता तितका अमेरिकेत मिळेल असे नाही. याचे कारण इलेक्टोरल कॉलेज हा प्रकार. दोन्ही कोस्टवर तसेच मिशिगन आणि मिन्नेसोटा सारख्या राज्यांमध्ये अध्यक्षीय निवडणुकांमध्ये डेमॉक्रॅटिक पक्ष खूपच प्रबळ आहे. तर मधल्या राज्यांमध्ये रिपब्लिकन पक्ष प्रबळ आहे. गेल्या काही वर्षांमध्ये हे ठळकपणे बघायला मिळाले आहे. रिपब्लिकन पक्षाने कॅलिफॉर्निया शेवटचे जिंकले होते ते १९८८ मध्ये थोरल्या बुशनी तर न्यू यॉर्क शेवटचे जिंकले होते १९८४ मध्ये रॉनाल्ड रेगन यांनी.तर अमेरिकेच्या मध्य भागातील कॅन्सस हे राज्य डेमॉक्रॅटिक पक्षाने शेवटचे जिंकले होते १९६४ मध्ये लिंडन जॉन्सन यांनी (आणि त्यापूर्वी १९३६ मध्ये फ्रॅन्कलीन रूझवेल्ट यांनी). एकंदरीत रिपब्लिकन पक्षाचे प्राबल्य असलेली राज्ये जिंकण्यात गेल्या काही निवडणुकांमध्ये डेमॉक्रॅटिक पक्ष अधिक यशस्वी झालेला आहे पण रिपब्लिकन पक्षाला मात्र डेमॉक्रॅटिक पक्षाच्या प्राबल्यक्षेत्राला खिंडार तितक्या सहजपणे पाडता आलेले नाही. उदाहरणार्थ १९९२ मध्ये बिल क्लिंटन यांनी रिपब्लिकन पक्षाचे प्राबल्य असलेली लुईझियाना, अरकॉन्सॉ, टेन्नीसी, मोन्टाना इत्यादी राज्ये जिंकली होती.पण कोस्टवरील राज्ये जिंकणे रिपब्लिकन पक्षाला गेल्या काही निवडणुकांमध्ये शक्य झालेले नाही. त्यातच इलेक्टोरल कॉलेजमुळे अजून गुंतागुंत वाढेल असे वाटते. अमेरिकेच्या मध्य भागातील परंपरावादी लोकांना एक स्त्री अध्यक्ष झालेली आवडेल असे वाटत नाही.तसेच ओबामांच्या ८ वर्षांच्या कारकिर्दीनंतर त्यांच्या 'व्हाईट सुप्रीमसी' ला काही प्रमाणावर तरी धक्का बसला असेल असे वाटते. त्यातून रिपब्लिकन पक्ष मुळात प्रबळ आहे अशा राज्यांमधून (टेक्सस,ओक्लाहोमा,कॅन्सस इत्यादी) ट्रम्पना जोरदार विजय मिळाला तरी त्यातून इलेक्टोरल कॉलेजमध्ये आणखी मते मिळणार नाहीत. मला वाटते की ट्रम्पची उघडपणे बाजू घेणे हे 'पोलिटिकली इनकरेक्ट' आहे. त्यामुळे अनेक मतदारांनी मतदानपूर्व चाचण्यांना आम्ही हिलरींना मत देऊ असे सांगितले असले तरी प्रत्यक्षात ते ट्रम्पना मत देतील असे घडले तरच ट्रम्प जिंकतील. अन्यथा हिलरींचे पारडे जड आहे. असो. पुढील काही तासातच नक्की काय ते समजेल.

समर्थकः हिलरीचा समर्थक नाही पण आत्ता हिलरीच हवी ट्रंप नको असे अनेकांप्रमाणे वाटणारा आहे. अशाने हिलरीची स्वीय सहायिका हुमा अबिदीन ही दहशतवादी बाई सेक्रेटरी ऑफ स्टेट होईल. मला असलेली हुमा अबेदीनबद्दलची काळजी मी इतरत्र मिपावर व्यक्त केली आहेच. पण ती अजूनही दह्शतवादी ठरलेली नाही त्यामुळे तसे म्हणून उपयोग नाही. तसेच ती सेक्रेटरी ऑफ स्टेट होण्याची शक्यता नाही. पण ती जर चीफ ऑफ स्टाफ झाली तर अधिक काळजी करण्यासारखे राहील कारण ती प्रेसिडंटची अधुकृत सावली होईल. आय होप तसे होणार नाही. हिलारीवर खटला दाखल करणार म्हणून एफबीआय संचालक कोमीने मोठा गाजावाजा केला खरा, पण ऐन वेळेस शेपूट घालून माघार घेतलीच. हिलरीचे इमेल पुराण - म्हणजे खाजगी सर्वर वापरणे हे तो पर्यंत अधिकृत होते. त्यात तिने कुठलाही कायदा मोडला नव्हता. पॉवेल, राईस आदींनी पण कमी अधिक प्रमाणात असलेच प्रकार केले आहेत. चेनींच्या लाखावर इमेल्स या "गहाळ" झालेल्या होत्या... त्यामुळे ती काही सद्गुणाची पुतळी असली-नसली तरी तीने काहीतरी भयानक केले आहे असे ब्रँडींग झालेले आहे ते एकेरी आहे. एफबीआय ने जे काही ८-१० दिवसांपुर्वी केले, ते त्यांना दोन्ही पक्षांच्या सरकारांकडून असलेल्या अनेक दशकांच्या पायंड्याच्या विरुद्ध होते. एफबीआय ने गुप्तपणे विश्लेषण करून, खात्री करून मग जाहीरपणे अ‍ॅक्शन घेणे अपेक्षित असते. येथे काहीच माहीत नसताना आधी जाहीर केले आणि ते देखील अशा वेळेस जेंव्हा त्याचा निवडणुकीवर परीणाम होऊ शकतो तेंव्हा, जे त्यांच्या आचारसंहीतेच्या विरोधात गेले. दुसरे म्हणजे ट्रंप सपोर्टर आणि न्यूयॉर्कचे माजी महापौर रुडी ज्युलिआनी हे एफ बी आयच्या या निर्णयाच्या आधी दोन दिवस मुलाखतीत म्हणाले होते की दोन दिवसात काय गंमत होणार आहे ते पहा म्हणून. चौकशी होणार म्हणून जाहीर झाल्यावर पण स्वतःचा शहाणपणा दाखवायला म्हणून म्हणाले की मला एफबीआय एजंट्स नी हे आधीच सांगितले होते. जर तसे झाले असेल तर गोपनियतेचा भंग हा राष्ट्रीय गुन्हा आहे. त्यात एफबीआय मधील फूट दिसते तशीच जुलियानींनी (गुन्ह्याला) दिलेला पाठींबा पण दिसतो. त्यामुळे अमेरीकन काँग्रेस मधील काही डेमोक्रॅटीक सदस्यांनी लगेच आवाज उठवून त्याची चौकशी करायला हवी म्हणून जाहीर केले. हे प्रकरण जुलिआनी आणि एफबीआय मधील काही फुटीरांमुळे सगळ्यांना महागात जाण्याची शक्यता होती. त्यामुळे देखील असेल की तात्काळ एफबीआय ने जे होणारच नव्हते त्यातून माघार घेतली असेल... अर्थात त्याचा हिलरीला होयचा तो तोटा झाला कारण प्रचारातील शेवटचा आठवडा जेंव्हा मिलियन्स नी मते दिली तेंव्हाच त्यांची चौकशी होणार म्हणून जाहीर केले होते. शिवाय हिलरी = तिसरं महायुद्ध हे समीकरण आहेच. तसे होणार नाही. गेल्या दशकात अमेरीकेला युध्दाच्या खाईत रिपब्लिकन बूश नी लोटले होते. त्याआधी नव्वदच्या सुरवातीस मोठ्या बुशनी...बिल क्लिंटनच्या काळात युगोस्लावियामुळे अमेरीका युद्धात होती पण ते नेटो चा भाग म्हणून. ओबामाच्या काळात जे काही (युद्ध) चालले आहे ते बुशच्या काळातल्या गोष्टींचा परीणाम आहे. आता त्याने इराक-अफगाणिस्तानातून अमेरीकन सैन्य मागे घेयला हवे होते का? तसे घेतले नसते तर आयसीस तयार झाले नसते वगैरे वेगळ्या चर्चेचे आणि जर-तर चे मुद्दे आहेत. पण एकूण युद्धखोरीची भाषा सध्याच्या काळातले डेमोक्रॅट्स करत नाहीत. ट्रंप यांनी सरळ सरळ अण्वस्त्रे वापरीन म्हणून सांगितले आहे. ते होईल का नाही ते माहीत नाही. आय होप नॉट (जर ट्रंप अध्यक्ष झाले तर). मात्र, जी व्यक्ती सॅटरडे नाईट लाईव्ह मधे झालेल्या थट्टेला पहाटे तीन वाजता व्टिटरवर चिडून उत्तरे देत बसते आणि तेच इतरांच्या बाबतीत करते, इतके की त्याच्या सल्लागारांना त्याच्या व्टिटर वापरण्यावर बंदी आणावी लागली, त्या व्यक्तीकडे अण्वस्त्रांच्या चाव्या गेल्या तर काय होईल? अजून एक हिलरीविरोधातील मुद्दा - भारताशी आणि विशेष करून मोदी सरकारशी संबंध... मला ती दोन मुद्द्यांमुळे काळजी वाटत नाही. एक म्हणजे आपले सरकार आत्ता अधिक प्रबळ आणि धोरणी आहेत. (इथल्या काही जणांना ते पटणार नाही. पण त्यांच्याशी आदरपूर्वक असहमती...). दुसरा भाग म्हणजे हिलरीबद्दल बोलले जाते की ती चुकीतून शिकते. हे अगदी रिपब्लिकन्स पण बोलले आहेत. याचा अर्थ सगळे सुरळीत होईल असा नाही. पण त्याची काळजी करायची गरज नाही जितकी ट्रंपच्या हातात अण्वस्त्रांच्या चाव्या देण्याची गरज आहे - सगळ्या जगासाठीच.

तसे बरेच लहान पक्ष आहेत. त्यांचे अध्यक्षपदाचे उमेदवारही असतात. परंतु हेच दोन मुख्य पक्ष ९०% जास्त मते घेतात. काही अपक्ष सुद्धा अध्यपदाची निवडणुक लढवितात. युती वगैरे नसते. कोणत्याही विशिष्ट धर्माचे लांगूलचालन होत नसल्याने धम्रावर आधारीत पक्ष नसतात. अध्यक्षीय पद्धतीमुळे प्रादेशिक पक्ष (असल्यास) राष्ट्रीय राजकारणात हस्तक्षेप करू शकत नाहीत.

प्रेसिडेंट म्हणजे नामधारी आहे

हं... शक्य आहे.. कारण ओबामा तसा भला माणूस. पण काही विशेष उजेड पाडलाय त्याने असं वाटत नाही. युद्धखोरी न करण्यासाठी / किंबहूना गप्प राहण्यासाठी शांततेचं नोबेल पदरात पडलंय.

>>केंटकी आणि इंडियाना ही दोन्ही राज्ये रिपब्लिकन पक्षाचे बालेकिल्ले आहेत आणि तिथून ट्रम्प विजयी होणे अपेक्षित होते. हेच जाणून घ्यायचे होते. धन्यवाद.

>>फ्लॉरीडा आणि नॉर्थ कॅरोलायना जिंकले नाही तर ट्रम्पना व्हाईट हाऊस विसरायला हवे. एनबीएसी वरच्या अनालिस्ट्सच्या मते फ्लॉरीडा जर ट्रम्प च्या हातातून गेले तर त्याला पेनसिल्व्हेनिया आणि मिशिगन हि दोन्ही राज्ये जिंकावी लागतील.