मोदी, ट्रंप आणि लोकसत्ता

ट्रंप यांच्या विजयामुळे अमेरिकेतील गोर्‍या आणि भारतीय लोकांच्या जीवनावर, जागतिक राजकारणात, अतिरेकी शक्तींवर वगैरे काय काय परिणाम घडून येण्याची शक्यता आहे, यावर तज्ञ मंडळींचे तर्क वाचायला मिळावेत, ही अपेक्षा.

माझी खरडफळ्यावरची खरड इथे डकवतो. ट्रम्प जींकलाय यावर बर्‍याच अमेरीकनांचा विश्वास बसत नाहीये. मोदी निवडून आल्यावर काही लोकांची चीडचीड झाली होती तशीच काहींची झालीय. काही अमेरीकन्स टोकाच्या प्रतीक्रीया देतायत. मला तर मोदी आणि ट्रम्प या दोघांचा विजय समान वाटतोय. दोघेही टोकाचा विरोध आणि टीका पत्करुन निवडून आलेत. दोघांची यथेच्च हुर्यो उडवली गेली. दोघे विरोधकांना पुरुन उरले. मोदी गेली दोन वर्ष स्वत:ला सीध्द करुन दाखवतायत. ट्रम्पराव काय करतात पाहूया. अमेरीकन वीसा मिळणे मुष्कील होउ शकते असे वाटतेय...नोकर्‍या देशाबाहेर घेउन जाणार्‍या उद्योगांना ३५% कर आकारणार म्हणतोय. बघूया

लोकशाही म्हटली की हे आलेच.निवडून देणारे अपरिपक्व वगैरे म्हणण्याला अर्थ नसतो असे ह्याण्चे मत.तेथील स्थानिक लोकांना नोकर्या हव्या आहेत..ईतर देशातील लोक जास्त नको आहेत.एका विशिष्ट धर्मातील लोकांची नागरिकांना चीड आहे..ही वस्तुस्थिती नाकारून कसे चालेल? ट्रंपाने हे नेमके मुद्दे उचलले.. उगीच आदरभाव्,बंधुता करीत बसला नाही.

बोलण्यासारखे बरेच आहे पण सद्ध्या काथ्याकुटातून सन्यास घेतल्यामुळे बोलत नाही, असो. हे मस्तंय स्वतःचाच निग्रह तपासता येतो, त्याबद्दल (हक्काने आमच्यायाच) नाखु काकांचे आभार

दुसरा चांगला पर्याय नसल्याने लोकसत्ता आणला जातो. मात्र लोकसत्ता आता वाचनीय राहिला नाही. मधूनच एखादा लेख गिरीश कुबेर टच जाणवून देतो, जो त्यांच्या पुस्तकांमधून दिसायचा. अग्रलेख मात्र मोदी निवडून आल्यापासून तेचतेच वाटतात. म्हणजे मी एक ग्रेव्ही बनवून ठेवली की मी रोज वेगवेगळ्या भाज्या घालून नवीन डिशेस बनवू शकतो तसे. मोदीविरोधाचे अग्रलेख लिहून तयार आहेत, रोज त्यात काहीतरी नवीन आणि नसले तर जुन्या भाज्या घालून रोजची डिश बनवावी तसे काहीसे झाले आहे. बऱ्याचदा काहीतरी लिहायचे म्हणूनच लिहितात की काय असे वाटते.लोकांचा बुद्धिभेद करणे हे एकच काम इतकी वर्षे होत आहे. आधी सुमार केतकर असताना व्हायचे, आता कुबेर तो वारसा चालवत आहेत. याकूब मेनन ची फाशी म्हणजे न्यायव्यवस्थेने केलेली चूक आहे असा आशय त्यांच्या अग्रलेखात होता. आपण सोडून बाकी सगळे हे मूर्ख आहेत आणि मलाच कसे सगळ्यातले सगळे कळते असा सूर रोज असतो. बाकी सर्जिकल स्ट्राईक मोदींनी आपले घसरणारे स्थान सावरण्यासाठी केले असे लिहिणार्यांना नोटा रद्द करण्याचा निर्णय म्हणजे वेडगळपणाचा वाटणे साहजिकच आहे म्हणा.काहीतरी करून दाखवण्यासाठी हे त्यांनी केले बरे. बाकी ह्या निर्णयाने मोदींनी बऱ्याच लक्ष्यांवर अचूक निशाणा साधला आहे हे मात्र खरे.

लोकसत्तामधिल अग्रलेखांबद्दल अगदि सहमत.काहीही आत्मप्रौढी असते स्वतःच्या बौद्धीक क्षमते विषयी.

http://indianexpress.com/article/opinion/web-edits/us-presidential-election-results-2016-president-donald-trump-wins-speech-yes-us-media-you-missed-messed-this-one-pretty-bad-4365904/

परत ते लिहतात पण चांगलं .. पण होतं काय ह्यांना धोरण असेल काम करावं लागत .

श्री. नरेन्द्र मोदी व डोनाल्ड ट्रम्प यांचा विजय सारखाच कसा म्हणता येईल ? ट्रम्प ने प्रचारादरम्यान स्वत:च बेताल वक्तव्ये करुन, स्वतःची क्रुत्ये उघड झाल्याने ,विरोधकांना टीका करण्याची संधी दिली, तर मोदी यांनी, लोकांच्या मनात असलेली खांग्रेसबद्दलची मळमळ व्यक्त केली.विरोध तर दोघांनाही झाला, पण लोकांच्या मनातील आशा, आकांक्षा यांना खतपाणी घालण्याचे काम श्रीयुत मोदींनी केले तर डेमॉक्रटवाल्यांचे धोरण, विशेषतः हिलरी क्लिंटनच्या चुका देशाला कशा घातक ठरल्या आहेत हे पटवून देण्याचे काम ट्रम्पला जमले. त्यातही एफबीआय चे प्रमु़ख श्री. कोमे यांनी, ऐनवेळी, ज्या गोष्टीतुन काहीही निष्कर्ष निघत नव्हता, तीच गोष्ट पुन्हा जाहीर करुन, जनतेच्या मनात संभ्रम निर्माण केला, अन्यथा निकाल वेगळाच लागला असता असे भासत होते.

क्लिंटन स्वतः किती ते माहीत नाही (असणार नक्कीच) पण त्यांचे एकंदरीत सहकारी जास्तच माजात चालले होते ज्याचा परीणाम म्हणून बर्नी सँडर्सचे डेमोक्रॅट्स आणि इतर अनेकांनी एकतर ट्रंपला मते दिली अथवा थर्ड पार्टी उमेदवारास मते दिली... Wikileaks: Gabbard Received Spiteful Email From Fundraisers Over Sanders Support http://dailycaller.com/2016/10/14/wikileaks-gabbard-received-spiteful-email-from-fundraisers-over-sanders-support/

>>>> सरळ सरळ अमेरिकन जनता आणि लोकमत असमजुतदार आणि संकुचित झाल्याचा आरोप लावला. त्यांच्या निवडीने जगातील शांतता आणि सहयोग, बंधुता या सारख्या सदगुणांचा र्‍हास होतांना दिसत आहे. त्यांचे हे मत म्हणजे कळस आहे. यात चूक काय आहे ? आज दै.लोकमतमधे प्रकाश बाळ यांचा चांगला लेख आहे. डोनाल्ड ट्रम्प जिंकले, पण अमेरिका हरली. त्यात त्यांनी म्हटलं आहे की, 'ट्रम्प ज्या धोरण चौकटीच्या आधारे जनमत वळवू शकले, ती अमेरिकेनं गेल्या २५० वर्ष जपलेल्या सर्व मुल्यांना बाजूला सारणारी आहे. पराकोटीचा वर्णद्वेष, स्त्रीकडं एक उपभोगाचं साधन म्हणून बघणारा, टोकाचा तोंडाळ व कोठलाही विधिनिषेध नसणारा असा डोनाल्ड ट्रम्प यांच्यासारखा पूर्णवेळ उठवळ व बाहेरुन पक्षात आलेला नेता उमेदवारी पदरात पाडून घेतो हेच मुळात आश्चर्यकारक होतं. अशा माणसाला निवडून देण्याची अजून काही ठोस कारणं असतीलही जशी बेरोजगारी, आपण आपलं बघावं ही भावना, वगैरे, पण सर्वात मोठी पिछेहाट झाली ती उदारमतवाद्यांची असे वाटते. बाकी, जाणकारांच्या प्रतिसादाच्या प्रतिक्षेत. -दिलीप बिरुटे

मी ट्रम्प अथवा हिलरी समर्थक नाही पण इकडे मोदी साहेब निवडून आल्यावर इकडच्या काही कलाकारांनी जश्या प्रकारच्या प्रतिक्रिया दिल्या होत्या उदा. देश सोडून जावे वाटतय, तश्याच प्रतिक्रिया तिकडे काही हॉलीवूड च्या कलाकारांनी दिल्याची बातमी वाचली. ट्रम्प साहेब राष्ट्राध्यक्ष झाल्याने आपल्यावर काय फरक पडणार आहे एवढंच सध्या भारताच्या दृष्टीने महत्वाच!

हिलरी समर्थक श्रीकृष्ण सामंत यांचा लेख आला नाही ते

ट्रम्प अध्यक्ष झाल्यावर काही हिंदुस्थानी लोकांना आसुरी आनंद झालेला दिसतोय तो का? ;) आता लोकशाहीची द्वाही देणाऱ्या उजव्या लोकांच्या पोस्टीं वाचून लय हसायला येतंय, मोदी व ट्रम्प ची बरोबरी करू पाहणाऱ्याचं डोकं ठिकाणावर आहे का हाही प्रश्न आहेच!

अग्रलेखात ब्रेग्झिट बद्दल पण उल्लेख होता... त्याबद्दल आपले काही मौलिक विचार?

कुबेरांविषयीचं मत कधीच रसातळाला गेलंय. आणि ते वेळोवेळी त्या खालावलेल्या मताला योग्य सिद्ध करतायत. रिडिक्युलस एडिटोरियल्स.

आजचे संपादकीय कालच्याच वळणावर आहे . माझे एक स्पष्ट मत आहे की उदारामत वाद हा वैयक्तिक सोई सुखसुविधा, सामाजिक आणि आर्थिक स्थैर्य, भौतिक सुखसुविधा प्राप्त झाल्या की त्यानंतर सुचणारा प्रकार आहे. आज युरोपियन स्थलांतर, अमेरिकेतील आणि जगातील इस्लामी दहशतवाद यावर उपाय कोणाकडेही दिसत नाही. हा प्रकार सामोपचाराने संपेल असा कोणताही उपाय नजरेत नाही. वहाबी बोलून किंवा काही देवघेव करून हा प्रश्न सोडून देतील ही आशा कोणाला वाटते आहे का? उजव्या बाजूची भूमिका लोकांना का योग्य वाटते याचा कोणीच विचार करणार नाही का? या निकालांचा अर्थ सरळ आहे की आम्हाला स्थैर्य आणि शांतता हवी आहे आणि त्यासाठी आता सरळ टक्कर घेणारच योग्य असे जनतेचे मत झालेले दिसते. गुळमुळीत आणि झाकती एककल्ली भुमिका, धोरण कामाचे नाही. थोडे नुकसान झाले चालेल पण एकदाचा निर्णय लागेल. भारतात कालपासून विरोधी नेते मंडळी वगळता या निर्णयाला जनतेने स्विकारले आहे. मागील दोन वर्षात लोक मोदींच्या विरोधात नाहीत हे लक्षात घ्या. पुढील युरोपियन देशात निवडणुकीत झाल्या तर त्यातही असेच निकाल दिसले तर मग जनमत काय तर समजुन घ्या. आणि भविष्यही. हे विचार चुकीचे ठरावेत आणि सगळे सुरळीत चालावे अशी इच्छा बाळगणारा .... जानु

मोदीच्या आक्रमतेला नितिमत्तेचा आणि अध्यात्माचा अंकुश आहे. पण ट्राम्प बेलगाम आहे। त्या मुळे तो मोदी पेक्षा जास्त आहे.

त्या दिवसी फे.बु वर ऑनलाईन कुबेर सरांना विचारलं होतं! ट्राम्प येण्याची किती शक्यता आहे म्हणुन. त्यांनी 10% सांगितली होती. त्या दिवशी पैंज हरणार म्हणुन नाराज होतो. पण शेवटी मी पण जिंकलो। त्याच झालं अस की माझ्या आईनेसुद्धा लोकसत्तच्या हा मध्ये हा मिळवली होती!! :D :D ;P

बाकी लोकसत्ता (अजूनही) गांभिर्याने वाचला जातोय ?

सगळे मिपाकर लोकसत्ता वाचतात की काय? सतत याच पेप्राबद्दल धागे येतात.

लोकसत्ता आणि मटा आता विचित्र पद्धतीने चालविले जात आहेत. सामनाच्या रोजच्या अग्रलेखात जे जे तारे तोडलेले असतात, ते ही दोन्ही वृत्तपत्रे "उद्धव ठाकरेंनी मोदींना सणसणीत टोला हाणला", "मोदींना घरचा आहेर", "मोदी उद्धव ठाकरेंच्या निशाण्यावर" इ. मथळे देऊन छापत असतात. ज्यांना सामना वाचायचा आहे ते वाचतील की. तुम्ही कशाला इथे सामनाची फुकट प्रसिद्धी करता? का तुमचे अग्रलेख कोणी वाचणार नाही म्हणून सामनाचे अग्रलेख इथे छापता? का तुम्हाला मोदींना शिव्या द्यायची भीति वाटते म्हणून सामनाने दिलेल्या शिव्या इथे छापता? निव्वळ मूर्खपणा सुरू आहे. प्रतिस्पर्धी वृत्तपत्राचे अग्रलेख नियमितपणे छापणे हा प्रकार पहिल्यांदाच सुरू झाला आहे आणि हा मूर्खपणा या दोन वृत्तपत्रांनी सुरू केला आहे. "सकाळ" असे करताना दिसत नाही. काही वाहिन्या देखील सामनाचे अग्रलेख बातम्यात दाखवितात. हा काय प्रकार आहे? उद्धव ठाकर्‍यांचे अग्रलेख म्हणजे काय आचार्य अत्र्यांचे अग्रलेख आहेत का लोकमान्य टिळकांचे अग्रलेख आहेत? सामनात जे जे छापले जाते ते जवळपास सर्व लिखाण कचरा या प्रकारात मोडते. पण मटा आणि लोकसत्तावाल्यांना त्याचे भारी कौतुक. लोकसत्ताने आज अजून एक कडी केली आहे. "मोदींच्या गुजरातमध्ये सात महिन्यांपूर्वीच नोटा रद्द?" या मथळ्याखाली एप्रिल फूल असलेली १ एप्रिलला एका गुजराती वृत्तपत्रात प्रसिद्ध झालेली नोटा रद्द करण्याविषयी प्रसिद्ध झालेली फेक न्यूज छापून मोदींवर संशय व्यक्त केला आहे. नोटा रद्द करण्याचा निर्णय ७ महिन्यांपूर्वीच गुजराती जनतेला समजला होता तर तेव्हापासूनच तिथे नोटा बदलण्यासाठी रांगा का लागल्या नव्हत्या? ही बातमी देशात इतरत्र का पसरली नव्हती? दरवर्षी १ एप्रिलला आम्ही एप्रिल फूल असलेल्या खोट्या बातम्या प्रसिद्ध करतो असा खुलासा करून सुद्धा "या नोटा ठरावीक तारखेपर्यंत जवळच्या बँकांमध्ये जमा करा, दर दिवशी फक्त दोन हजार रुपयांपर्यंतच पैसे बँकेत जमा करण्यास परवानगी आदी नरेंद्र मोदी यांनी मंगळवार, ८ नोव्हेंबर रोजी आपल्या भाषणात जाहीर केलेला सर्व तपशील जसाच्या तसा या वृत्तपत्राने प्रसिद्ध केलेल्या बातमी नमूद आहे. " असे छापून लोकसत्ताने मूर्खपणाचा कळस केला आहे. म्हणजे मोदींचे ८ नोव्हेंबरचे भाषणही ७ महिन्यांपूर्वीच गुजरातमधील या वृत्तपत्राला समजले होते असा संभ्रम निर्माण करण्याचा प्रयत्न केला आहे. http://www.loksatta.com/mumbai-news/narendra-modi-cancel-currency-seven-months-ago-in-gujarat-news-published-by-gujarati-newspapers-1336618/ कुमार केतकरांच्या काळात लोकसत्ताची विश्वासार्हता रसातळाला पोहोचून त्याचे काँग्रेसच्या मुखपत्रात रूपांतर झाले होते. गिरीष कुबेर आल्यावर काही काळ परिस्थिती बदलली होती. परंतु आता जे काही सुरू आहे त्यात मूर्खपणाचा भाग जास्त दिसत आहे.