कार्यशाळा सहभागासाठी प्रस्ताव हवेत

मागच्या गणेश चतुर्थीस मराठी ऑनलाईन होण्यास २० वर्षे होत आहेत, या निमीत्ताने मराठी माणसांचा ऑनलाईन मराठी सहभाग वाढावा या उद्देशाने कार्यशाळा घेऊन १ जानेवारी २०१७ ते १५ जानेवारी २०१७ मराठी पंधरवडा म्हणून साजरा करावा असा प्रस्ताव मराठी विषयक एका मान्यवर संस्थेकडून आला आहे त्यास विकिमिडीया फाउंडेशनचे सि आय एस ए २ के कडून सहकार्य लाभण्याची शक्यता आहे. प्रस्तावांना अधिकृत मान्यता मिळताच संबंधीत संस्थेचे नाव येथे लगेच जाहीर करेन. कार्यशाळा प्रस्ताव सर्वसाधारण पणे 'एडीट मराठी विकिपीडीया विथ एक्सपर्ट ऑर सेलीब्रिटी' अशा स्वरूपाचा असेल. 'एडीट मराठी विकिपीडीया विथ एक्सपर्ट ऑर सेलीब्रिटी' (याचा मराठी अनुवाद सुचवा) खालील प्रकारचे प्रस्ताव हवेत १) कार्यशाळा आयोजीत करवून घेण्यासाठी इंटरनेट आणि युनिकोड मराठी टायपींग करण्याजोग्या संगणकांनी/लॅपटॉप युक्त कॉम्प्युटर लॅब असावी/असेल. २) आपण अथवा आपल्या परिचयात विषयतज्ञ किंवा कुणि सेलिब्रिटी ज्यांच्या ज्ञानाचा फायदा घेऊन ऑनलाईन लेखन सहभागींकडून करून घेण्यासाठी खासकरुन मराठी भाषेतील ऑनलाईन ज्ञानात/माहितीत फुल न फुलाची पाकळी भर पडावी हा उद्देश साध्य करून घेण्यास उत्सुक असाल तर विषयतज्ञ किंवा सेलिब्रिटी प्रस्ताव हवेत ३) आपल्याला ऑनलाईन मराठी समृद्ध करण्यात रस असेल तर महाराष्ट्रात विवीध ठिकाणी होणार्‍या कार्यशाळेत सहभाग घेता येईल. (सहभागासाठी युनिकोडात मराठी टंकन येत असेल अथवा कार्यशाळेच्या तारखेच्या आधीच इंटरनेटवर युनिकोडात मराठी टायपिंग कसे करावे हे आपण अवगत करून घ्यावे असे अभिप्रेत आहे) ४) आपल्याला विकिपीडिया संपादनाचा अथवा ज्ञानकोशीय लेखनाचा अनुभव असेल तर अधिकाधिक कार्यशाळा घेता याव्यात म्हणून कार्यकर्त्यांची आवश्यकता आहे. तज्ञ सेलिब्रिटी आणि विकिकार्यकर्ते यांच्या प्रवास आणि मानधनाची तजवीज करण्याचा प्रयत्न चालू आहे त्यामुळे कार्यशाळेस शुल्क असू शकेल पण या बाबी अद्याप निश्चित व्हावयाच्या आहेत. उपरोक्त पैकी कोणत्याही रोल मध्ये सहभागी होऊ इच्छिणार्‍यांनी आपापले नाव व मोबाईल नंबर / आणि अथवा प्रस्ताव व्यनि ने कळवावेत. विवीध कार्यशाळा प्रस्ताव निश्चिती नंतर संपर्क क्रमांक पत्ते इत्यादीसहीत हा धागा लेख अद्ययावत करेनच. "चलातर मराठी ऑनलाईन करूया" सहभागासाठी आपणासर्वांचे आभार